اختطاف نوره

تلميح : لمن يخاف على ضياع وقته يرجى عدم قراءة القصه

المشهد الاول
يقف زياد امام حزام استلام الحقائب في مطار كينيدي بنيويورك وبجانبه زوجته نوره التي ترتدي بالطو طويل وحجاب ابيض اللون تقوم بتعديله بينما زياد يراقبها
زياد
(بصوت خافت)
شعرك طلع من ورى يالفضيحه

نوره
يووه وش فيك خلاص حنا بامريكا لاتدقق

زياد
(بصوت خافت)
وش ادقق غطي شعرك بلا استهبال

نوره تقوم بأدخال خصله شعرها داخل الحجاب

نوره
والله ماحد درى عني

زياد
درى والا مادرى انتبهي لشعرك وبس

نوره
اففف

زياد
قايلك الحجاب موب مقاسك كل شوي ينفك

نوره
الا مقاسي

زياد
مافي احسن من الغطى الاسود على الاقل لونه مثل لون شعرك

نوره
تخيل عاد رايحه امريكا والبس غطى اسود يعني شوفوني انا عربيه ؟

زياد
يعني الحجاب مارح يبين انك عربيه ؟

نوره
اغلب المسلمات هنا يلبسون حجابات ملونه


زياد
اقول لايكثر بس انتبهي لشعرك والا البسي النقاب وريحين

نوره
ماجبت نقاب اصلا والنقاب ممنوع هن على فكره

زياد
لا ماهو بممنوع ....منال بنت خالتي تدرس هنا من سنتين وهي منقبه


نوره
يمكن عشانها تدرس.... بس حنا سياحه

زياد
وبعدين شلون ماجبتي نقاب؟ وين نقابك اللي كنتي لابسته بالمطار

نوره
رميته بالطياره

زياد
ياسلاااااام على ذكائك ..طيب واذا رجعن شلون بتنزلين المطار بدون نقاب

نوره
(ابتسامه احراج)
هاه..أأأأأ راح عن بالي

زياد
اذا رجعنا ماتمشين جنبي الين نوصل مواقف المطار ماني بناقص فضايح





نوره
(بنرفزه)
طيب وين الشنط تعبت وانا واقفه

زياد
بتطلع اصبري

تبدأ حقائب المسافرين بالخروج على الحزام الآلي الواحده تلو الأخرى ماعدا حقائب زياد ونوره وينتظران فتره طويله حتى يتوقف الحزام ولم تخرج شنطهما فيتجه زياد لموظف بلباس موظفي المطار بيده لاسلكي


زياد
سكوزمي

الموظف
Yes ?
نعم ؟

زياد
(يؤشر على الحزام الآلي)
Package no come
حزمه ..لا تأتي ؟

الموظف
what ?
ماذا ؟

زياد
(يؤشر بيده شارحا شكل الحقيبه)
Package Package
حزمه ...حزمه

الموظف

Luggage ?
تقصد الامتعه ؟


زياد
(بحرج)
Yes

الموظف
I do not know
لا اعلم

تأتي نوره وتتداخلها بينهم

نوره
خلني انا افهمه

زياد
لأ لأ

نوره
مافهم عليك شكله

زياد
علميني بالجمله وانا بقولها له

نوره
(بصوت خافت)
قله :
Where are my bags?
اين حقائبي ؟

زياد
(للموظف بشكل متقطع)
Where are my bags?
أين حقائبي ؟

الموظف
you ask me about your bags?
انت تسألني عن حقائبك ؟

نوره
قل ايه

زياد
(للموظف)
ايه

نوره
لأ قل yes

زياد
yes yes

الموظف
I told you before, I don't know
اخبرتك منذ قليل ..لا اعلم

نوره
قله :
Where can I ask about my bags ?
أين استطيع السؤال عن حقائبي ؟

زياد
هاه ؟

نوره
(بنرفزه)
خلني اقول انا

زياد
(بتردد)
طيب يلا قولي بسرعه

نوره
)للموظف)
where can i ask about my bags
أين استطيع السؤال عن حقائبي ؟

الموظف
go there
(يؤشر على مكتب التبليغ عن الحقائب المفقوده)

يمضي الموظف مبتعدا عنهما

زياد
مشكله والله هذا عجزت اتفاهم معاه وش بسوي داخل الديره

نوره
مشكلتك ضعيف بالانقلش وماتبيني اساعدك

زياد
ماني بضعيف ولاشي بس مشكلتي بالقواعد ماعرف اضبطها

نوره
ايه هين والدليل الموظف بالسفاره قال لو زوجتك ماتعرف انقلش ماعطيناكم تأشيره

زياد
كان يمزح على فكره ..المهم بروح اشوف سالفة الشنط


يتجه زياد إلى مكتب التبليغ عن الحقائب ويحاول التحدث مع الموظف

زياد
سكوزمي

الموظف
Yes sir

زياد
Package ….no come
حزمتي ...لا تأتي

يتداخل شخص لبناني الجنسيه كبير بالسن كان واقفا بجانب كاونتر قسم التبليغ ويتحدث لزياد

لبناني
خيو ماببيفهمو عليك هيك

زياد
سم ؟...اوه عربي ..ماشاء الله كييف عرفت اني عربي

لبناني
ولو خيو واضح وضحوح الشمس ..شو بدك انا بساعدك ؟

زياد
شناطي ماطلعت

لبناني
من وين جاي خيو

زياد
من السعوديه

يتحدث اللبناني مع الموظف قليلا ثم يعود لزياد


لبناني
باين انو الشنطه ماوصلت مع الرحله

زياد
اف اف وش النكبه

لبناني
ماتعتل هم رح يبعتوها عا رحله تانيه اكيد..عبي هي الاستماره وعطيني جواز السفر


زياد
ابشر

يقوم زياد بفتح الشنطه الصغيره المعلقه على رقبته لاخراج الجواز

يلتفت اللبناني على نوره الواقفه بعيداً لوحدها في ساحة استلام الحقائب وكانت تقوم بتعديل حجابها بخلعه وترتيبه من جديد

يلتفت زياد لمكان نظر اللبناني ويكتشف بانه ينظر لنوره فيحاول الهائه

زياد
اخوي وين تبيني اكتب البيانات

اللبناني
عبي هي الاستماره وانا رح ساعدك

زياد
الله يرحم والديك

اللبناني
ولو خيو بالخدمه

ينظر اللبناني لنوره مره اخرى

اللبناني
الست هديك تبعك ؟

زياد
(بارتباك)
أأأأأأ. ايه هذي مرشده مصريه بتكون معي بالرحله ...ليش في شي

اللبناني
وقفتها هونيك ماحلوه خليها تجي هون

زياد
لامايحتاج بنمشي الحين

ينهي اللبناني اجراءات زياد ثم يودعه ويتجه لخارج المطار وزياد يتجه لنوره

زياد
يعني حبكت تعدلين حجابك هن

نوره
ليه !!

زياد
شفتي اللبن....الامريكي اللي كان واقف جنبي

نوره
وش فيه

زياد
يضحك عليك يقول سعوديه وماتعرف تلبس حجاب

نوره
شف اللي مايستحي.... طبعا مادافعت عني

زياد
وش ادافع عنه ؟ الرجال ماغلط عليك.... واصلا قلت له مااعرفها

نوره
اجل وش دراه اني سعوديه

زياد
هاه...مدري شكله يميز

نوره
(بنرفزه)
طيب وش صار انا مليت وانا واقفه والعساكر نظرتهم لي غريبه كنهم شاكين فيني

زياد
الشنط ماجات مع الرحله

نوره
افااااا

زياد
أي والله

نوره
زياد متاكد انت ؟ يمكن مافهمت عليه

زياد
الا فهمت عليه شدعوه

نوره
كلمته انقلش ؟

زياد
(بثقه)
طبعا

نوره
ياخوفي تكون فهمته غلط

زياد
يابنت الحلال متأكد ميه بالميه انها ماجت وش بلاك

نوره
يعني نمشي خلاص ؟

زياد
ايه يلا نشوف مكاتب التكاسي

يستأجر زياد تاكسي من المكاتب ويخرجان من المطار


المشهد الثاني

في سيارة التاكسي السائق من جنسيه عربيه وزياد ونوره يجلسان بالمقاعد الخلفيه

زياد
والله سواق تاكسي بامريكا احسن لك من حلاق بالسعوديه

السائق
بس ياعمي مدخول الحلاقه بالسعوديه اضعاف مدخول التاكسي باميركا

زياد
طيب ارجع السعوديه

السائق
انا ترحلت من السعوديه لانو كفيلي متستر علي ومنعوني من الدخول

زياد
كنت تعمل لحسابك يعني؟

السائق
ايوه

زياد
احسن

ينظر السائق بالمرآه لزياد مستغرب

زياد
(للتصريف)
اقصد احسن لك هنا يعني


السائق
هذا الفندق اللي حاجز فيه ممتاز بوسط التايم سكوير

زياد
داري

السائق
التايم سكوير هذا ميدان مشهور كتير بيظهر بالافلام وفي ...

زياد
(يقاطعه)
داري قريت عنه بالنت

السائق
بتجلسو على طول بنيويورك ؟

زياد
لا بنروح فرانسيسكو بعد ثلاث ايام باذن الله

السائق يمد كرته لزياد

السائق
هذا رقم موبايلي اذا احتجت مشاوير برى التايم سكوير

زياد
تسلم


بعد نصف ساعه يصل التاكسي ويقف امام الفندق وزياد ينظر إلى المحلات والناس في الشارع بسعاده ثم يلتفت على نوره فيجدها نائمه

زياد
نوره قومي وصلن

تنهض نوره وتنظر للشارع

زياد
عدلي حجابك وانزلي

نوره
صدع راسي ليتني مانمت


تنزل نوره من التاكسي


زياد
(للتاكسي)
كم حسابك ؟


السائق
مية دولار

زياد
افا ليه مية دولار

السائق
ماتلاقي اقل من سعري والله

زياد
بالنت يقولون خمسين دولار من المطار

السائق
والله هذا اقل سعر

زياد
نزل لي بالسعر والا ماني مكلمك اذا احتجتك

السائق
هذا سعر الشركه والله

زياد
ممممم الشكوى لله ..تفضل

يدفع زياد المبلغ وينزل من السياره ويكتشف اختفاء نوره ويناديها وهو يتلفت حوله ويدخل الفندق بحثا عنها ثم يخرج وهو يضرب على رأسه

زياد
نوره خطفوها نوره خطفوها ...يالله رحت فيها

الناس تنظر له باستغراب وياتيه حارس أمن من امام الفندق


رجل الامن
What happened with you?
ماذا حصل لك ؟

زياد
(يصرخ)
my wife Take... my wife Take
زوجتي خذ.. زوجتي خذ

رجل الأمن
What?
ماذا ؟

ينتبه زياد لنوره وهي تخرج من احد المحلات بجانب الفندق وتتغير ملامح وجه من على وشك البكاء إلى غضب عارم ويتجه له

زياد
(يصرخ بغضب)
الله يقلعك.... وش تسوين هنا ؟

نوره
(برهبه)
وشو ؟؟ اتفرج ماشريت شي والله

زياد
(يصرخ)
يانوره محنا بالسعوديه عشان تروحين على كيفك

نوره
طيب وراك معصب

يتذكر زياد الحقائب ويلتفت للتاكسي ولايجده فيصرخ

زياد
يالللله التكسي شرد بالشنط

نوره
صاحي انت ؟شنطنا ماجت

زياد
(يتذكر)
هاه.....كله منك ربشتيني

نوره
طبعا الغلط علي بكل الاحوال


زياد
ياحبيبتي يانوره انا اول مره اسافر ديره بعيده ومتوتر وخايف عليك


نوره
الله الحافظ

زياد
والله يوم مالقيتك حسبتك انخطفتي


نوره
يعني بيخلون هالبنات اللي بالشارع كلهم وبيخطفوني انا ؟


زياد
الاحتياط واجب


المشهد الثالث

يدخل زياد ونوره الفندق ويتجهان للاستقبال

زياد
اجلسي على الكنب لين اخلص معاهم

نوره
خلني معك يمكن تحتاجني

زياد
اذا احتجتك بناديك


يتجه زياد إلى الاستقبال ويتحدث مع الموظف الذي يرحب فيه

الموظف
(يبتسم)
Good morning sir
صباح الخير سيدي

زياد
Good morning

يمد زياد ورقه للموظف

زياد
Booking
حجز

يأخذ الموظف الورقه ويتفحص رقم الحجز بالكمبيوتر

الموظف
yes mr ziad your room is ready
نعم سيد زياد غرفتك جاهزه

زياد
yes ready
نعم جاهز

الموظف
Can I have a passport, please?
هل استطيع الحصول على الجواز اذا سمحت

زياد
Passport?? ok


يخرج الجوازت ويسلمها له

يقوم الموظف بتعبئة بعض البيانات ويعطي الاستماره لزياد للتوقيع عليه

الموظف
(يؤشر باصبعه على الاستماره)
your mobile number and email address, then sign here please
رقم جوالك وأيميلك ثم وقع هنا لو سمحت


زياد
ok

الموظف
mr zaid would you like to use a credit card payment or cash ?
سيد زياد هل تود الدفع بالفيزا ام نقدي ؟

زياد
(يحدث نفسه)
cash?
(يبتسم)
cash

الموظف
how much you want to pay for deposit?
كم تريد ان تدفع تحت الحساب ؟

زياد
what?
ماذا ؟

الموظف
deposit .. deposit

زياد
)يفكر)


الموظف
Deposit sir

زياد
(يحدث نفسه)
مدري وش يقول

الموظف
pardon me
عفو

زياد
give key room
اعطي مفتاح غرفه


الموظف
You have to pay a deposit five hundred dollars sir ok..
حسناً يجب ان تدفع دفعه مقدمه خمسمائة دولار سيدي
(يؤشر بيده)
five hundred dollars
خمسمائة دولار

زياد
Ooh .. five hundred …why money?..mmm ok 1 mint
اوووه خمسمائة.. لماذا نقود؟.. ممممم دقيقه

يتجه زياد لنوره الجالسه على الكنب وتصور سقف الفندق بكاميرا تحمله


زياد
وش معنى ديسوبت

نوره
وشو

زياد
يقولي يبي خمسمية دولار وقال ذي الكلمه ديسوبت او شي زي كذا


نوره
يمكن تقصد ديبوزت يعني دفعه مقدمه من الحساب

زياد
اهاااااا اشوه حسبته يطلب بخشيش

نوره
هههههههه تستهبل ؟ ..... قلت لك ماتستغني عني

زياد
ودي اقوله خذ الجوازات بدل الفلوس بس مشوار افهمه

نوره
انا بقوله

زياد
لأ خلاص بدفع وجايك

يتجه زياد للموظف ويسلمه المبلغ ثم يستلم مفتاح الغرفه وينادي نوره للذهاب الى الغرفه


المشهد الرابع

بعد ساعتين من الراحه في الغرفه يخرج زياد ونوره للتجول في الشارع واثناء تواجدهما بالاصنصير

زياد
نوره تكفين بلا فهاوه خلك جنبي على طول وبوديك كل الاماكن اللي تبين

نوره
ان شاالله بابا ... ..تحسسني اني بزره

زياد
انا خايف عليك

نوره
لاتخاف بمشي جنبك

يفتح باب الاصنصير وتدخل فتاه امريكيه عشرينيه تلبس ملابس مثيره وتعطي ظهرها لهم

زياد
اف اف ياربااااه

نوره تنظر لزياد بغضب

نوره
(تصرخ بغضب)
لاتشوف عمى


زياد ينزل رأسه للأسفل ولكن يختلس النظر للفتاه بين لحظه واخرى بينما نوره تنظر له باحتقار

نوره
وجع يوجع ذا الوجه شف جسمها كله بقع ومفصخه الحمدلله والشكر

ينظر زياد للفتاه متحمساً

زياد
وين البقع ؟

نوره
(تصرخ)
لاتشوفها وش بلاك انت

زياد
(ببراءه)
تقولين شف جسمها

نوره
(بنرفزه)
اكلم نفسي

تستغرب الفتاه من صراخ نوره وتلتفت لمعرفة السبب

نوره
(للفتاه بغضب)
What?

تفزع الفتاه وتعود للنظر امامها


يصل الاصنصير اللوبي وينزل الجميع ونوره تراقب عين زياد وهما يتجهان لخارج الفندق


المشهد الخامس

امام احد المحلات يقف زياد خارج المحل للتدخين بينما نوره بداخل المحل تتسوق واثناء انتظاره ينتبه لاحد زملائه بالعمل يسير على الشارع قادما جهته فيبتعد عن المحل مسرعا كي لايشاهده ويدخل احد الممرات الضيقه مراقبا ابتعاد زميله وعينه على المحل تحسبا لخروج نوره... واثناء وقوفه يأتيه شاب

الشاب
hi dude

زياد
hi

الشاب
Drugs?
مخدرات ؟

زياد
What?
ماذا ؟

الشاب
(يلتفت حوله ثم يقترب من زياد)
Drugs… Drugs

زياد
no english sorry
لا انجليزي اسف

الشاب
انتا ارابي ؟

زياد
(بفرحه)
اي نعم


الشاب
انا ماتريس اميركي اعرف اتكاليم ارابي

زياد
ونعم والله انا زياد من السعوديه

الشاب
(نظرة خبث)
سئودي

زياد
كيف تعلمت عربي ماشاء الله

الشاب
اسافر دول عربي كتير

زياد
اهااااا


الشاب
تبغى تجرب دراقز

زياد
وشو؟!

الشاب
موكدرات

زياد
مكدرااااااات... لا مالي فيها والله


الشاب
(بخبث)
تبغى تجرب سيكاريت اميركي ؟

زياد
سيقاريت امريكي ؟ هذاني ادخنه

الشاب
من فين اخدتوه ؟

زياد
من السعوديه

الشاب
جرب سيكاريت اميركي اوريجنال وخلي هذا كولوه خشب

زياد
اما خشب... لا شكرا اذا خلص البكت اللي عندي بشتري من البقاله

الشاب
(نرفزه)
ليه ماتيشتري من عندي ؟

زياد
(للتصريف)
بيني وبينك أنا ناوي ابطل تدخين خلاص

الشاب
انتا خايف تيشتري مني ؟

زياد
لا بالعكس ارتحت لك بس لاني بطلت خلاص

الشاب
(نظرة شر غاضبه ويشد على اسنانه)
خذ اشتري اشتري ؟

زياد
(بارتباك ورهبه)
اخوي لو سمحت ابعد عني والا ببلغ الشرطه

ينظر الشاب لزياد بحقد ثم يبتعد عنه وهو يؤشر على رقبته بالقطع

قبل وصول زياد للمحل المتواجده فيه نوره يأتيه شخص من خلفه ويصدم به بعنف

زياد
احححح .. وجع ماتشوف انت

يعتذر الرجل منه ويسير بعيد

زياد
اعوذ بالله ريحته مقرفه

يتفحص زياد كوعه لإحساسه بوخز مؤلم

زياد
حشى ابره موب بني ادم شكله جرحني

زياد بدأ يحس بدوران وزغلله في عيناه ويحس بأن الارض تتموج تحته ثم يسقط على ركبتيه ويستند بيده اليسرى على الجدار

تخرج نوره من المحل وبيدها اكياس التسوق وتشاهد زياد وتتجه له مسرعه

نوره
زياد وش فيك؟

زياد يحاول التحدث ولكنه لايقدر على تحريك لسانه

يأتي ماتريس وصديقه الذي اصطدم بزياد ويمسكان بنوره ويسحبانها والناس تتفرج دون اي ردة فعل وزياد يحاول النهوض للحاق بهم ولكنه لايستطيع تحريك قدماه ثم يسقط على وجهه مغمىً عليه .


المشهد السادس

زياد على السرير في المستشفى بلباس المرضى والمغذي على كفه ويقف بجانبه عبدالله موظف القنصليه السعوديه

عبدالله
وشلونك الحين اخوي زياد

زياد ينظر للسقف بحزن دون ان يلتفت

عبدالله
تسمعني اخوي زياد

زياد
لقيتو زوجتي ؟

عبدالله
لا لسه الشرطه تبحث عنها

زياد
قلت لكم لو يمسكون ماتريس بيوصلون له

عبدالله
ماعطيتهم معلومات كافيه عنه عشان يمسكونه والاسم هذا مالقو له شي

زياد
قلت كل شي ...تبوني ازود من راسي يعني


عبدالله
الشرطه يقولون لك علاقه بالولد اللي عطاك الابره

زياد
ياخي ذولي كلاب يبون يركبوني تهمه وبس..يعني بالعقل كذا لو اعرفه بقوله عطني ابره بكوعي؟!

عبدالله
القوانين هنا ماترحم وانت في نظرهم متعاطي وفي نظر السعوديه مسيء لسمعة البلد وبتطلع من هنا على المطار مباشره وزوجتك اذا لقيناها بنرسلها للسعوديه معززه مكرمه

زياد
(يصرخ)
والله ماارجع إلا مع نوره

ينفجر زياد بالبكاء

زياد
حرام عليكم زوجتي مخطوفه وتبوني ارجع بدونها حرام والله حرام

عبدالله
(يفكر قليلا)
طيب يازياد انا بتساعد معاك وبخليك هنا يومين يمكن نلاقي زوجتك خلالها لكن بعدها لازم تترحل


زياد
(يمسح دموعه)
يصير خير

عبدالله
(مهددا)
زياد انا بخليك تطلع على مسئوليتي ارجوك ارجوك خلك قد الكلمه واجلس بالفندق لين تسافر

زياد
طيب

امام كاونتر الاستقبال بالمستشفى ينهي عبدالله اجراءات زياد ثم يتجه له

عبدالله
(يؤشر على الكرسي)
ارتاح هنا خمس دقايق وبتجيك الممرضه تعطيك تقرير عن حالتك عشان تقدمه للسلطات بالسعوديه وهذي شنطتك اللي لقوها جنبك


يتفحص زياد الشنطه

زياد
وين الفلوس والجوالات

عبدالله
هم لقوها جنبك كذ

زياد
(بحسره)
ماخلو ولا هلله الله لايوفقهم

يمد الشاب مبلغ مالي اخرجه من جيبه

عبدالله
هذي الف دولار من القنصليه والسواق اللي بيوصلك الحين بيحجز لك غرفه بنفس الفندق وبيعطيك جوال واذا احتجت شي هذا رقمي

زياد
طيب شكرا

يكتب عبدالله مذكرة صغيره ويعطيها زياد

عبدالله
قدام البوابه الرئيسيه بتلاقي سيارة بونتياك سودا عط السواق هذي الورقه وهو بيسوي كل شي

زياد
ابشر

يودع عبدالله زياد ويغادر المستشفى وزياد يتفحص شنطته الصغيره ويجد كرت السائق العربي الذي اوصلهم من المطار فيتصل عليه


المشهد السابع

زياد يقف امام باب المستشفى الخلفي وبعد دقائق يصل التاكسي ويصعد بجانب السائق

السائق
سلامات

زياد
تبي ترجع السعوديه ؟

السائق
ياليت

زياد
انا ارجعك بس ابيك تساعدني

السائق
عيوني لك


زياد
زوجتي خطفوها وابي ادور عليه

السائق
لا ياعمي مادخلني انا بالمشاكل انزل انزل

زياد
اصبر بس انا بفيدك ..بشيل عنك المنع وبرجعك السعوديه وبفتح لك حلاق وش تبي بعد

السائق
(يفكر قليلا)
مممممممم بشرط تحط لي بالمحل ست كراسي واعطيك على الكرسي خمسمية ريال بالشهر بس

زياد
مابي منك ولا ريال

السائق
ايش يضمن لي كلامك

زياد
اعطيك جوازي ضمان

السائق
ايش اعمل بجوازك انا ...اكتب شيك على بياض

زياد
ماعندي دفتر شيكات

السائق
ورقه مصدقه من سفارتك

زياد
موافق



المشهد الثامن


في القنصليه يجلس زياد امام مكتب عبدالله موظف السفاره

عبدالله
معليش اخوي زياد شلون حلاق وراتبه عشرين الف ريال بالشهر

زياد
حلاق معلم موب أي حلاق

عبدالله
معلم!! عموما تفضل هذا العقد مختوم..... أي خدمات ثانيه ؟

زياد
تسلم..فمان الله

عبدالله
(نظرة شك)
ماشاء الله عليك امداك تلاقي حلاق وتوقع معاه عقد

زياد
فرصه واستغليتها..فمان الله

عبدالله
لحظه لحظه وين بتروح الحين

زياد
(بارتباك)
أأأ اكيد على الفندق بنام تعبان

يخرج زياد مسرعا من مكتب عبدالله

عبدالله
الله يستر لايكون ناوي يسوي شي


المشهد التاسع

في احدى حارات نيويورك المشبوهه يقف التاكسي بعيدا وبداخله هو وزياد

السائق
هذاك الشارع يمر فيه بياعين المخدرات وممكن الولد اللي تبيه يمر من هنا

زياد
(بحقد)
اخخ ليته يمر

السائق
انتا كلمه بهدوء يمكن يدلك على مكان زوجتك بدون مشاكل

زياد
يصير خير

اثناء مراقبتهم للشارع يفتح بابي السياره بسرعه ويقوم شخصان بسحبهما لخارج السياره ويثبتاهما على الارض موجهين لهما السلاح

الرجل الاول
(يصرخ على سائق التاكسي)
Who are you ?
من انت ؟

سائق التاكسي يصرخ برهبه وهو يبكي ويؤشر على زياد
He is from Saudi Arabia ,and his wife is kidnapped, I just came to bring him here ,I have nothing to do with this
هذا من السعوديه.. وزوجته خطفت وجئت لاوصله هنا فقط وليس لي اي علاقه

الرجل
(نظرة شر مرعبه)
are you an American
هل انت امريكي ؟

السائق
(يفكر قليل ويرد بارتباك)
aaa..yes I am from Trenton
أأأأ نعم انا من مدينة ترينتون

يرفع الرجل سائق التاكسي ويرفسه لداخل السياره طالباً منه المغادره فورا ثم يتجه لزياد المستلقي على بطنه والرجل الثاني جالساً فوقه ومصوبا المسدس وخد زياد الايمن على الارض بينما عينه موجهه للرجل الاول بترقب


زياد
(برهبه وارتجاف)
Sorry.. wrong.. come.. search..shopping
اسف خطا جئت ابحث التسوق

يرفع الرجل الاول رأس زياد من شعره ويصوب المسدس جهة اذنه ويطلق رصاصتين دون رحمه ثم يطلب من مساعده ان يتخلص من الجثه

المشهد العاشر
داخل غرفة احد المستشفيات في نيويورك تجلس نوره بنفس لباسها الذي جائت به من السعوديه مواجهة لمكتب يجلس عليه ضابط شرطه وتبكي ويجلس امامها موظف القنصليه السعوديه عبدالله الذي يبدو عليه التملل

نوره
(تمسح دموعها)
يعني لو ماوقعت الاقرار وش بيصير

عبدالله
بتتاخر الاجراءات بدون فايده

نوره
(تصرخ)
شلون اوقع على شي ماصار

عبدالله
ماعندك أي اثبات ان زياد معتدى عليه

نوره
(تبكي)
بس حرام ظلم ليه يسون فينا كذا

عبدالله
انا نصحتك اخت نوره والقرار بيدك تبين تواصلين القضيه مارح تخلصين ولا عقب سنه وبتكلفك مئات الالوف

نوره
حسبي الله ونعم الوكيل

عبدالله
بتوقعين ؟

نوره
(بحزن)
ايه

توقع نوره وتخرج برفقة عبدالله من الغرفه


المشهد الحادي عشر

يدخل عبدالله برفقة نوره احدى غرف المرضى بالمستشفى ويظهر زياد وهو على السرير غائب عن الوعي وبجانبه الممرضه تقيس له ضغط الدم

نوره
زياد

تمسكه من يده وتضغط عليها قليل

نوره
زياد

يفتح زياد عينه ببطء وينظر لنوره وبجانبها عبدالله

زياد
(صوت مخنوق)
هل

نوره
(بحزن)
وقعت الاقرار خلاص

زياد
ليه

عبدالله
ماتشوف شر اخوي زياد ... انا انهيت الموضوع خلاص ورقمي عند المدام اذا احتجت شي كلمني

نوره
(لعبدالله)
متى بيطلعونه

عبدالله
الدكتور بيمر عليه بعد ساعه وبيعلمك متى يطلع ..فمان الله

يهم عبدالله بالخروج ويتذكر شي فيعود

عبدالله
على فكره شنطتكم وصلت وتلاقونها بالغرفه في الفندق

نوره
شكرا


المشهد الثاني عشر

في الفندق زياد بكامل نشاطه يجلس على الاريكه امام التلفاز وبجانبه نوره ويتفرجان على مباراة كرة قدم امريكيه وهما يتناولان الغداء


زياد
(بحماس)
وماصدق خبر يتركونه ويركب التاكسي ويشرد النذل ويجيني الزعيم ويفجر راسي بطلقتين

نوره
فلم هندي موب حلم ذا

زياد
حتى لو حلم على الاقل غامرت بروحي عشانك


نوره
الحمدلله ماصار هذا كله ..تخيل عاد انهم خطفوني من جد يم

زياد
مابقى حلم ماحلمته حتى البنت اللي شفناها بالاصنصير حلمت انها صارت خويتي ههههههههههه
(يرقص حواجبه)

نوره
(ترفع صوتها بغضب وتلتفت لزياد)
شف النذاله بس ..انا ميته صياح جنبك وانت جالس تتحلم بقلة الادب... وربي انك ماتستاهل


زياد
(بحرج)
الله الله وش فيك امزح وش دعوه صدقتي

نوره
(هدئت)
ايه احسب بعد

زياد
ضاع علينا يوم على الفاضي بسبة ابن(طوط طوط) ماتريس

نوره
الله لايوفقه ماني قادره انسى شكلك يوم طلعت من المحل وشفتك على الارض حسبتك ميت

زياد
غدر فيني والله

نوره
عبدالله قالي اذا جاكم احد وقال تبون مخدرات لاتردون عليه وادخلو اقرب محل جنبكم وهو بيمشي من نفسه

زياد
يلا اجل نطلع نجربها

إنتهت القصه

ههههههههههههههههههههه


يسلمووووووو اخوي كامل على القصه


ولك تحيااااااااااااااتي

صراحه ما قريتها بس عندي رجعه خيي الكبير كامل الله يسعد ايامك ما تجيب الا الحلوووو يا عسل

شرفنى مروركم العسل