صوت المطر والبرق شق السحابهومن... [ الكاتب : مساعدمزعل اليمني - آخر الردود : فارس عنزة - عدد الردود : 1 - عدد المشاهدات : 22 ]       »     من يشجب الثرمان يضحك بلا سنبيت... [ الكاتب : مساعدمزعل اليمني - آخر الردود : فارس عنزة - عدد الردود : 1 - عدد المشاهدات : 31 ]       »     ماكنها عند الخواطر ولاشي تكتب ... [ الكاتب : مساعدمزعل اليمني - آخر الردود : فارس عنزة - عدد الردود : 1 - عدد المشاهدات : 183 ]       »     على امل [ الكاتب : مساعدمزعل اليمني - آخر الردود : فارس عنزة - عدد الردود : 1 - عدد المشاهدات : 199 ]       »     خانت حلام اليل [ الكاتب : ضاامية الود - آخر الردود : ضاامية الود - عدد الردود : 2 - عدد المشاهدات : 193 ]       »     المخالفة لـ لاراا: Spammed Ad... [ الكاتب : فارس عنزة - آخر الردود : فارس عنزة - عدد الردود : 0 - عدد المشاهدات : 1 ]       »     (00962797413183) طريقة الحصول ... [ الكاتب : لاراا - آخر الردود : لاراا - عدد الردود : 0 - عدد المشاهدات : 3 ]       »     (00962797413183) شهادات توفل ل... [ الكاتب : لاراا - آخر الردود : لاراا - عدد الردود : 0 - عدد المشاهدات : 3 ]       »     (00962797413183) شهادات توفل ل... [ الكاتب : لاراا - آخر الردود : لاراا - عدد الردود : 0 - عدد المشاهدات : 3 ]       »     (00962797413183) (British Coun... [ الكاتب : لاراا - آخر الردود : لاراا - عدد الردود : 0 - عدد المشاهدات : 4 ]       »    



    منتدى خاص بشعر المحاورة والقلطه فقط

    إضافة رد
     
    أدوات الموضوع انواع عرض الموضوع
    قديم 07-07-2009, 04:20 PM   #1




     
    الصورة الرمزية معيض بن عريفج
     
    تاريخ التسجيل: Nov 2008
    المشاركات: 7,354
    معدل تقييم المستوى: 283
    معيض بن عريفج is just really niceمعيض بن عريفج is just really niceمعيض بن عريفج is just really niceمعيض بن عريفج is just really nice
    افتراضي محاورة بين معيض ونايف الخمعلي

    هذه المحاوره بين نايف الخمعلي ومعيض اليمني امل ان تحوز على رضاكم والبادي نايف يقول
    ياسلامي سلامٍ من ضميري فيه شيمه وطيب ومقدرية=عد مالاح براق الحيا بالمزن واستبشر الخايل يخيلـه
    ياهل المنتدى من شاف لي منكم غريب الشمال يرد ليه=أشتري خوة الأجواد وأشفق للسوالف معاهم كل ليلـه

    معيض



    مرحبا فيك يانايف تراحيب المطر ياهـلا يـا الله حيـه=والنشاما في الشدات وقفتهم تشرف بهـا كـل القبيلـه
    اه يافرحتي يانايف المطنوخ بالطيب ورجـال الحميـه=والله اني ماكب مرافق اهل الطيب مادام لي قدره وحيله


    نايف



    البقا فيك والطاروق كايف لاتلاقى خـويٍ مـع خويـه=لو تطول المسافة مانمل الخط لو صارت الطرقة طويلـه
    لو مزحنا بنيه طيبه لاتعتب ان صار مزح بطيـب نيـه=غارت الخيل واحذر ياولد بالارض لايطيح خيال الاصيله



    معيض


    غن ياصاحب الطاروق غن وعش قوس الربابـه جاونيـه=جاوب الذيب لامنه عوى ثم اقدح النـار فـي راس الفتيلـه
    امزح امزح وحنا معك نمـزح بالسوالـف وذمتنـا بريـه=كان صارت كذا والا كذا ابشر في عميل(ن) يجمل مع عميله



    نايف

    اسر واعبر جراهيدالصحاري ثـم اقهويـك بـن الشاذليـه=وان ثقل حملكـم ربـي يعينـك الله الله دور مـن يشيلـه
    وان وصلت البحر ماني موصيك اشربه وان قضى عود عليه=كان يزعجك ملحه لاتخـاف ابشـر بوديـك بيـاع البليلـه


    معيض

    ان سرينا سرى ليلك ويومك لاتـدور بحـر القيـض فيـه=وان بغيت الذرا والضل فيه الداب ياقرد عين اللي يجيلـه
    وان تناوشك ناب الداب مايمديك ياصاحبي تكتـب وصيـه=والبحر مايجي لي ربع كاسه وانت يغرقك ضحضاح الثميله



    نايف

    مركبي سقفها فضة ومن فوق النوايف لو تعرف القضيه=والذرا مانبيه وظلكـم ياهيـه عـزي لمنهـو يلتجيلـه
    وفيه عندي لناب الداب خاتم يرجع السم في بطن الأذيـه=وان قضى البحر لك عندي زيادة والزيادة ترى ماهي قليله



    معيض

    مركبك جعل ربك به يبارك ثم يرفعك فوق الجاذبيـه=ماعلينا من اللي بالبحر والجو واللي على ضهر التريله
    انت نايف ترا منته سليمان ابن دائود ياهـاذا البليـه=ماعرفناك ياحوت الخباري مانشدناك من ايت فصيلـه



    نايف

    احمدالله يومنه عطاني ثم مثلك حرمه من العطيـه=واستحق العطية دام جدي خمعليٍ ولي وايل دليلـه
    مير روح انشدالعربان تلقى منهواللي سميك ياسميه=روح التكسي وصرتو غلاقه ياعسى مايغرز بالسليله



    معيض

    قيل نايف على جنب الطريق اللي ورى الظلع من دون الحويه=يطبخ الفيل بالدله ويـوم انكـر لقووسطهـا راسـه وذيلـه
    لاوزن راسه اللي مثل راس ابـو الرقيعـي وذاق الميرميـه=جابها مطبله والنـار نـاري والدراهـم منـه والفيـل فيلـه




    نايف


    احسبه شاعر وزودت ناري وابتلشنا بذنبه ياخطيـه=ذابت جنوبه ولاباقي إلا راسه وذيله بوسط المليلـه
    يامطايا أبرهه وش جابكم للملعبة واللحون السامريه=جا يوَمي بخرطومه يامو جودته ولانويـت اخلـي سبيله


    معيض


    كل حسنه بعشر امثالها والله يجازي راعي السيه بسيـه=من يحج الحرم يحرم من الميقات مابه قميص ولا فنيله
    ليت نايف يروح لساحل البحر ويجاوب لحون السمسميه=والجماهير صفرعيونها واهل خشوم(ن)كبارن مستطيله




    نايف

    أسلم أسلم غريب ونحمد الله عقب ماضاع وسط المهمهيه=من سمع هرجتة قال الرجل هذا يصلى على ريحة شليلـه
    ميرشانت علومه بالنهايه ويخلط بيـن ذي وبيـن ذيـه=مانويت اتركه وان كان يبغى نعتقه لازمٍ يحضـر كفيلـه



    معيض


    مانت قيس الملوح فارضن شخصيته عنـد ليلـى العامريـه=ولانت صاحب سمو ولانت لاصاحب معالي ولاصاحب فضيله
    عارفن دربي اماصاحبي نايف مضيع نصـوص المسرحيـه=وبعـض خلـق الله الله لايواثمنـا بتالـي زمنهـا مستزيلـه



    نايف

    نايف ولابغيت اعتز وافخر يكفـي انـي عـزاي الوايليـه=كاسب الطيب من بين النشاما والمراجل رصيد ولي حصيله
    مير خذ لك من الثنتين وحده ليه الشعـر مبـروكٍ عليـه=وانت مبروك مسرحكم عليك وكان مليت تبشر في بديلـه



    معيض

    نايف اللي على اسمه نايفـن فـي كـل وقفـه وزيـر الداخليـه=وانت ضب (ن) لياجاء الظهر كب الجحر والرقب على راس النثيله
    من يصـدق علـوم مسيلمـه ومسيلمـه اكـذب اهـل الجاهليـه=في حياته محارب من هـل السنـه ويـوم انتهـا عمـره ياويلـه



    نايف

    اسمي اسمه و واحد من عياله لاتخلـي علومـك سرمديـة=مير قلي وش اسمك ياسمي ابليس مدري وش اسمك ياخليله
    لاتقول انك من احفاد ابا القاسـم تـرى مانصدقهـا قويـه=او تقول انك انت الشافعي والا تقول انت معشوق الجليلـه



    معيض

    ادري انك تحت كم العباه وابنـت الشيـخ بالـدار محميـه=مار رجلينها برا القفص وخليـف لامرهـا ماينـدري لـه
    وأسمي الوافي ويمناك لادارة رحى الحرب في وقت ضحويه=حب كوعك وتاقف وقفتي ساعات والكوع ترهـا مستحيلـه



    نايف

    كلنا تحت ظل اخوان نورة ترقد الليل وعيونـك هنيـه=والسوالف على مثلك بسيطه مير من ياخذ علوم الهبيله
    جبت بقعاء وحطيت المصايب فوق راسك وغردياعطيه=ترتقي مستحيله ياغراب البين لسهيل..ماعندك وسيلـه



    معيض

    ودي ادغدغه من شان يضحك وان ضحك قلت دن الهاشميه=ياحليله ليابدل دمـوع العيـن بدموع(ن)اخـرى ياحليلـه
    السوالف تراها بيني وبينك وعـن جملـة النـاس مغطيـه=باقين لك شهر وتجاب لك حلبه مع الصبح واشراك وبعيلـه



    نايف

    كيف ابا اضحك وحال القدس حالة واهل بغداد عند السومريه=كن في جفني من الشوك غمر وتقل يجمع على كبدي مليلـه
    ماسهرنـا ولاراحـت غبينـة لـو تعـود اليـال الاوليـه=كم عيونٍ من اللوعة سهارى كم قلوبٍ مـن الفرقـا عليلـه



    معيض

    اهل بغداد قوم اصحاب فتنه واهل القدس قايدهم هنيه=مار لاتامنون العود بوش يجددونه عقب ماقفا مديله
    لوتعود اليالي الاوله يمكن يضحون في نايف ضحيه=معايد القريتين اللي ذبحه الجوع مجهد ولابرد غليله



    نايف

    من حداه الزمن ثم اعتزى بعيال وايـل هنيـه ياهنيـه=لو تردّى مع الايام حظي والزمن قد عليه صـار ميلـه
    وانتخي في ربوعي ياحديهم لا حشى مايبات الظيم بيه=وان ظهر بوش لاتامن يجي صدام ثاني ويلعن سلسبيله



    معيض


    ابشر ابشر لياصارت عزاوي مانخلي شوات النار نيه=نارنا تشتعل والشاوري بالكيس كل(ن) يعمر من سبيله
    راح طارق عزيزوراح صدام ولحقهم عقب فتره وخيه=اخر سياسة ابوعدي حط الحبل في حلقه ومنهو قتيلـه



    نايف

    عارفك فيك شر ولاانت هين والهقاوي بكم ماهي رديه=مثل صاحبك نايف فيكم اللي ينتخي مايعود بالهزيلـه
    مير لونسرج من الشعر خيله ثم غارن بذيك الجرهديه=أقرب الصيد بالقيفان قسمك والا انا لي بالصيد الجميله



    معيض

    ارجع ارجع لصاحبك الشمالي مثل ماعاد صفوان ابن اميه=صافح الضلع وامش بحيد جنبه والجبل راسين ماينقويلـه
    وانت فيلق لحاك بالمعانـي ماينوخـك فـوج ولا سريـه=بس لاشفتني ضاعت علومك لومعك يحضر من الجن عيله



    نايف

    مابك قصور والله يالشمالي ميراناماعترف بالاولويـه=وادري الضلع راسي لكن اليا جاه نجم من العالي يهيله
    ايه اصافحك في حكم الصداقه والسلام لخويٍ من خويه=والقضيه ترى ماهي قضية دمنه وسالفتها مع كليلـه



    معيض

    انت لاصدت صيده ماتعلم وغيرك ان صاد قلت اله الحذيه=وكان عيا على الماخوذ تدعي وكان طاعك اضنك تدعيله
    وين دلتك اللي تذكر من اول عـودت تاليتهـا زمزميـه=والنشاما على شرواك تشره والبنادم تـرا ربـه وكيلـه



    نايف


    ودي اكشف لك المقصود ياذيبان والقصد والنيه مطيـه=خل منهو جهل باللعب ياخذ منك درسٍ ومني يستويلـه
    أبشر أبشر وابا اغز البيارق واعتذر فوق برج الفيصليه=اشهد انك من الشعار بلوى وباللقا أنت من يحمي دخيله
    [/quote]

    وسلااااااااااااااااااااااااامتكم؟؟؟؟؟؟؟
    معيض بن عريفج غير متواجد حالياً   رد مع اقتباس
    قديم 07-07-2009, 05:03 PM   #2


     
    الصورة الرمزية سامي التويجري
     
    تاريخ التسجيل: Sep 2007
    المشاركات: 8,400
    معدل تقييم المستوى: 316
    سامي التويجري is on a distinguished road
    افتراضي رد: محاورة بين معيض ونايف الخمعلي

    وانت سالم


    صح لسانك ابووليد

    ولسان نايف الخمعلي


    اديت الواجب
    __________________
    سامي التويجري غير متواجد حالياً   رد مع اقتباس
    قديم 07-08-2009, 08:09 AM   #3




     
    الصورة الرمزية برنس الويلان
     
    تاريخ التسجيل: Apr 2009
    المشاركات: 5,065
    معدل تقييم المستوى: 229
    برنس الويلان is on a distinguished road
    افتراضي رد: محاورة بين معيض ونايف الخمعلي

    صح لسانك ابو وليد

    صح لسان نايف

    تقبل مروري
    __________________
    محمد التويجري
    برنس الويلان غير متواجد حالياً   رد مع اقتباس
    قديم 07-08-2009, 02:17 PM   #4




     
    تاريخ التسجيل: Dec 2008
    المشاركات: 4,624
    معدل تقييم المستوى: 30
    رياح الوفاء has a spectacular aura aboutرياح الوفاء has a spectacular aura about
    افتراضي رد: محاورة بين معيض ونايف الخمعلي

    صح السانك اخوي معيض اليمني

    وصح السان الشاعر نايف الخمعلي

    محاورة رائعة وممتعة الله يعافيكم

    لك تحياتي وتقديري
    __________________




    رياح الوفاء غير متواجد حالياً   رد مع اقتباس
    قديم 07-11-2009, 08:18 AM   #5






     
    الصورة الرمزية الـــــريـــــم
     
    تاريخ التسجيل: Apr 2006
    الدولة: دار أبــــــو مـتعــب
    المشاركات: 23,436
    معدل تقييم المستوى: 633
    الـــــريـــــم will become famous soon enoughالـــــريـــــم will become famous soon enough
    افتراضي رد: محاورة بين معيض ونايف الخمعلي

    صح لسانك اخوي ابو وليد
    وصح لسان الشاعر نايف الخمعلي
    محاورة رائعة وممتعة الله يعطيكم العافيه
    بانتظار المزيد من المحاورات الممتعه

    دمتم بخير



    __________________

    الـــــريـــــم غير متواجد حالياً   رد مع اقتباس
    قديم 07-14-2009, 06:02 PM   #6




     
    الصورة الرمزية *~آلـ ع ـزوووف~*
     
    تاريخ التسجيل: Jun 2009
    الدولة: بعالــ.. لاحـدود لهـ ..ــم
    المشاركات: 6,841
    معدل تقييم المستوى: 263
    *~آلـ ع ـزوووف~* is on a distinguished road
    افتراضي رد: محاورة بين معيض ونايف الخمعلي

    صح الله لسانك اخوي المميز ابو وليد

    وصح الله لسانك شاعرنا نايف الخمعلي

    ما أجمل اقلا مكِم الذي خطت كل هذه الحروف ..
    قلم ذهبي واحساس صادق وابداع لاحدود له

    نتظر ابداعتكم

    الم الزمن
    *~آلـ ع ـزوووف~* غير متواجد حالياً   رد مع اقتباس
    قديم 07-25-2009, 03:06 PM   #7


     
    تاريخ التسجيل: Feb 2008
    المشاركات: 266
    معدل تقييم المستوى: 148
    نواف عوض العنزي is on a distinguished road
    افتراضي رد: محاورة بين معيض ونايف الخمعلي

    خلوووووووووووووووووووها

    صح السنتكم

    والله يستر منك وافين وانا اخوووكم
    __________________
    و*12

    اللهم لا تجعل الدنيا اكبر همنا ولا مبلغ علمنا ولا الى النار مصيرنا واجعل الجنة هي دارنا اللهم انك عفوا تحب العفو فاعفو عنا
    نواف عوض العنزي غير متواجد حالياً   رد مع اقتباس
    قديم 07-26-2009, 07:47 AM   #8






     
    الصورة الرمزية أبـــ بنت ـــوهـا
     
    تاريخ التسجيل: Mar 2006
    المشاركات: 18,134
    معدل تقييم المستوى: 30
    أبـــ بنت ـــوهـا has a spectacular aura aboutأبـــ بنت ـــوهـا has a spectacular aura aboutأبـــ بنت ـــوهـا has a spectacular aura about
    افتراضي رد: محاورة بين معيض ونايف الخمعلي

    صح لسانك أخوي أبو وليد
    وصح لسان الشاعر نايف الخمعلي
    محاورة رائعة وممتعة
    الله يعطيكم العافيه

    تحياتي وتقديري لك



    __________________
    أبـــ بنت ـــوهـا غير متواجد حالياً   رد مع اقتباس
    قديم 07-27-2009, 03:14 AM   #9


     
    تاريخ التسجيل: Jul 2009
    المشاركات: 7
    معدل تقييم المستوى: 0
    أبوأسامة is on a distinguished road
    افتراضي رد: محاورة بين معيض ونايف الخمعلي

    صح لسانك ابا وليد
    وصح لسانك يانيف
    والجميع مشكورون
    وننتظر المزيد من الابداع والله من وراء القصد
    أبوأسامة غير متواجد حالياً   رد مع اقتباس
    قديم 07-31-2009, 11:31 PM   #10






     
    الصورة الرمزية حلا الويلان
     
    تاريخ التسجيل: Jul 2008
    المشاركات: 7,960
    معدل تقييم المستوى: 296
    حلا الويلان is on a distinguished road
    افتراضي رد: محاورة بين معيض ونايف الخمعلي

    صح السانك اخوي معيض اليمني

    وصح السان الشاعر نايف الخمعلي

    محاورة رائعة وممتعة الله يعافيكم

    لك تحياتي وتقديري
    __________________



    اللهم يا رحمن ارحم والدي اغفرله وارحمه وعافه واعف عنه واكرم نزله ووسع مدخله واغسله بالماء والثلج والبرد ونقه من الذنوب والخطايا كما ينقى الثوب الابيض من الدنس
    • اللهم ابدله دارا خيرا من داره واهلا خيرا من اهله وادخله الجنه واعذه من عذاب القبر وعذاب النار
    •• اللهم انسه فى وحدته وانسه فى وحشته وانسه فى غربته

    • اللهم اجعل قبره روضة من رياض الجنه ولا تجعله حفره من حفر النار
    • اللهم اعذه من عذاب القبر وجاف الارض عن جنبيه

    حلا الويلان غير متواجد حالياً   رد مع اقتباس
    إضافة رد


    الذين يشاهدون محتوى الموضوع الآن : 1 ( الأعضاء 0 والزوار 1)
     
    أدوات الموضوع
    انواع عرض الموضوع

    تعليمات المشاركة
    لا تستطيع إضافة مواضيع جديدة
    لا تستطيع الرد على المواضيع
    لا تستطيع إرفاق ملفات
    لا تستطيع تعديل مشاركاتك

    BB code is متاحة
    كود [IMG] متاحة
    كود HTML معطلة

    الانتقال السريع


    الساعة الآن 04:49 AM.


    Powered by vBulletin® Version 3.8.8
    Copyright ©2000 - 2019, vBulletin Solutions, Inc.