الفلم الهندي

تدور احداث هذا الفلم في القرن العاشر عشر .. يعني على ايام هتلر و جنكيز خان هههههههه

وصل سراج للمزرعه حقت ابوه و نزل من الحصان بعد ان ربطه بحبل موصول بالشجره لكي لا يهيج ( ثور ذا والا حصان ) .. و دخل المزرعه و جلس بالغرفه و قابل هناك المسؤول الرئيسي بالمدرسه و كان هالمسؤول لا يقل سربته عن سراج ..

قال سراج للمسؤول : ايش اسم انتا ؟ .. قال المسؤول : انا اسم عبيد خان سيم وزن جنكيز خان .. قال سراج : هههههههه انتا وازد خفيف دم .. قال المسؤول : ما عليك زود ( هندي بدوي ) .. و جلسو يحتسون ويتقهوون شاهي و قال عبيد خان : يا سراج انتا يشبه " مستر كولينو " .. قال سراج : مين هازا مستر كولينو ؟ .. قال عبيد خان : هازا نفر فيه فلوس بس مافي يعلٌم احد ايش في يملك ( يعني عنده خير و املاك بس ما احد يدري وش هي هالاملاك ) .. قال سراج : بشٌر ام مال انتا .. و جلسو يسولفون مع بعض الين ما ارقدوا ....

و في الصباح الباكر قام سراج و قام عبيد خان من النوم و راح عبيد خان عند العمال و كلٌف لكل واحد مهمٌه ( تقول كنهم بحرب هم ويٌا هالمهمٌات ) .. و كان سراج جالس تحت شجرة تفاح و ينتظر تفاحه تطيح عشان يخترع قانون الجاذبيه

راح عبيد خان عند سراج و قال له : هازا نيوتن قبل كم سنه مافي سوي اختراع جاذبيه .. استغرب سراج و قال : اجل مين في اختراع جاذبيه ؟ .. قال عبيد خان : انا من زمان في يجلس تحت هازا شجر و بعدين في يطيح تفاحه و بعدين انا كلام هازا تفاحه في يطيح عشان في جاذبيه و نيوتن كان في يجلس وراي و في يسمع كلام و على طول في روح ينشر هازا كلام و يقول انا في يخترع جاذبيه (نصبه من العيار الثقيل).. قال سراج : هراااااااام وازد , نيوتن حركه مافي كويس هازا حركه سيم سيم سمرمدي نفر .. قال عبيد خان : انتا معلوم يصيد ارنب ؟ .. قال سراج : انا معلوم يصيد قطوه ..

شوي الا جا واحد من حرس الملك يقول : أين مستر كولينو ؟ .. اشر عبيد خان على سراج و قال : هازا مستر كولينو [ راجع هالمقطع عشان تتذكر منهو مستر كولينو " قال سراج : مين هازا مستر كولينو ؟ .. قال عبيد خان : هازا نفر فيه فلوس بس مافي يعلٌم احد ايش في يملك ( يعني عنده خير و املاك بس ما احد يدري وش هي هالاملاك ) ].. و سراج مستغرب و يحاول ينكر و لكن عبيد خان يستعمل طريقة الضغط على حامل الكره .. قال الحارس : الملك يريدك يا مستر كولينو .. قال سراج : مافي مسكل بس انا يبغى يتروٌش عشان ريحه كربان روح .. و راح سراج و عبيد خان للغرفه و عبيد يقول : يلا سرعه يتروٌش عشان روح عند ملك يا مستر كولينو .. قال سراج : ترى انا مافي يفهم سالفه .. قال عبيد خان : انتا الحين روح عند ملك لازم يصير نافخ صدر .. قال سراج : انا بس معلوم ينفخ كرشه .. قال عبيد خان : لا يكثر و روح تروٌش يا سديق الملك في انتظار .. و راح سراج تروٌش و لبس احسن ما عنده و صار كنه مضيفه بطياره .. و حتى عبيد خان تكشٌخ بس سراج غير هع هع

طلع سراج و عبيد خان من الغرفه و على طول راحو للاسطبل و كل واحد خذ له حصان من النوع الممتاز الذي لا يشق له غبار من جميع النواحي الاجتماعيه واللاتينيه .. و يوم ان كل واحد ركب حصانه جا واحد من الحرس و قال : لو سمحت يا مستر كولينو انزل من حصانك هذا و اركب مع الملك و زوجته و ابنته اما انت يا عبيد خان خلك معنا سوف نكون ورائهم .. و نزل سراج من حصانه و جلس يناظر بعبيد خان و يطلع لسانه دلالةً على نجاسته .. ههههههههه

ركب سراج بذيك الغرفه اللي قدام واحد راكب على حصان و يسوقها ( مدري وش اسمها ذي ) .. سلٌم سراج على الملك .. و على بنته .. و على زوجة الملك .. و كان سراج مهوب عارف وش يسوي رايح بخرايطها و عرقانه تتصبب .. قال الملك : ماذا بك هل المكان حار يا مستر كولينو ؟ .. قال سراج : مافي حار بس انا كذا دايم عرق يصب من جبهتي .. قال الملك : هاهاهاهاهاهاهاهاها إذن سوف احضر لك طبيباً لكي يعالجك .. قال سراج : لالا مافي لازم سوي تعب انتا .. و سكت الملك .. و كانت بنت الملك تناظر بسراج نظرات اعجاب و سراج مطأطأ رأسه من الخجل .. فلفل حار ههههههه

وصلو للقصر حق الملك و قال الملك لسراج : سوف آتي إليك بوليمة غداء .. قال سراج : لالا مافي لازم انا تو في يتغدى .. قال الملك : إذن براحتك .. و قام الملك يصوٌت على الخدم و قال لهم يودٌون مستر كولينو ( اللي هو سراج ) .. قال سراج : انا مافي روح غرفه الا لما يجي صديق انا عبيد خان .. قال الملك : لا توجد مشاكل دعه يأتي .. و راح سراج و نادى عبيد خان .. و يوم انه ناداه وادخلو القصر قال الملك : الآن اذهبو و ارتاحو في الغرفه و افيدكم علماً ان في العصر رقص و حركات ( عز الله بيجيبون الطعٌه ) ..

راح سراج و عبيد خان للغرفه و قال سراج : يا سديق انا مافي معلوم سوي شي في هازا مرقص .. قال عبيد خان : مافي مسكل الحين انتا روح و كل شي على الله .. قال سراج : انا الحين سيم سيم مستر كولينو ؟ .. قال عبيد خان : و تغطي عليه بعد ..

قام عبيد خان يعلٌم سراج وشلون ينفخ صدره و يمشي مشية الكرام .. و في نفس الوقت كانت زوجة الملك تعلم بنت الملك وشلون تمشي مشية الكرام ( إلا وش معنى مشية الكرام ؟ )

<-------- يكتب ولا يدري وش السالفه هع هع المهم فلم


يوم جا العصر تكشٌخ عبيدخان و سراج و راحو للصاله و قابلهم الملك و قال : بعد قليل سوف ترقص يا مستر كولينو مع ابنتي ..

جلس سراج مع عبيد خان يقول : انا مافي معلوم يرقص بس معلوم عرضه .. قال عبيد خان : انتا اول شوي روح بعدين انتا يدبٌر عمرك .. قال سراج : لالالا مافي يقدر ..

و يوم جا وقت الرقص و سراج ممتنع انه يدخل مع البنت بالرقص قام عبيدخان دف سراج و خلاه قدام الامر الواقع .. و قام سراج يدربي دميجته مع البنت وهو ما يدري وش السالفه بس على قولة القايل " دربي دميجتك على قد لحافك " <---- وش يبي ذا

راح عبيدخان عند الفرقه الموسيقيه و قال لهم حطو موسيقى عرضى .. و قامو حطو عرضه و سراج قام يعرض و البنت مهيب عارفه وش تسوي معه .. و عقب العرضه .. قامو ياكلون و يبلعون الين الله يحلها

دخل عبيدخان عند غرفة الطباخين و قام يهايط عليهم .. قال : هازا مستر كولينو عنده سندوق اكبر من جبهتي كله ذهب و عنده اراضي و مزارع مثل حقت تيمورلنك ( تيمورلنك يملك اراضي و ممتلكات كبيره بنفس هالبلد ) ..

المهم راح زعيم الطباخين عند الملك و قال له هالكلام و الملك ما صدق خبر و قال لو يوريني هالاشياء بزوجه بنتي

في هذه اللحظات كان سراج جالس مع بنت الملك في الحديقه بدون لا احد يدري <------ الله يلعنهم من سرابيت .. و قال لها سراج : انا في كلام صراحه .. قالت البنت : قل ما تريد يا حبيبي .. قال سراج : انا مافي مستر كولينو .. قالت البنت : أجل من تكون ؟ .. قال سراج : انا نفر اسم سراج بس مستر كولينو يشبه انا .. قالت البنت : لا عليك سأظل احبك الى الابد سواء كنت مستر كولينو أو ظاطور

و عندما حل الظلام راحو القصر و نادى الملك سراج و قال له : هل صحيح ما قاله عبيدخان صديقك ؟ .. قال سراج : اس كلام عبيد خان ؟ .. قال الملك : يقول انك تملك اراضي عند تيمورلنك .. ارتبك سراج و قال : ايه صحيح كلام بس هازا بعيد عند تيمورلنك .. قال الملك : إذن يجب ان اراها .. و في هذه اللحظات جاهم عبيد خان و قال : مافي مسكل يا ملك انتا روح عند اراضي الحين ؟ .. قال الملك : نعم سوف نذهب الآن .. قال عبيد خان : خلاص انا في روح الحين قبل مافي روح انتا عشان ترتيب اكل حق انتا عشا ( يعني عبيدخان بيسبقهم عسان بيسوي عشا ) .. و سراج مستغرب و يناظر عبيدخان بحقد ..

ركب عبيدخان حصانه و راح على طريق اراضي تيمورلنك و كل ما مر عند ارض أو مزرعه قال للي فيها : مين يملك هازا ارض ( من يملك هالارض ).. قالو : إنها لسيدنا تيمورلنك .. و عبيد خان يقول : لا مافي تيمورلنك .. يقولون : لماذا ؟ ..يقول عبيد خان : تيمورلنك في تغيير اسم .. يقولون : و ما هو الاسم الجديد ؟ .. يقول عبيدخان : سراج
( يلعن خيره دبٌر لخويه صرفه )

كمل سراج طريقه الين ما دخل عند قصر تيمورلنك الكبير و طيٌح الميانه معه .. قال عبيدخان : انتا في يقدر تحويل من شكل لآخر ؟ .. قال تيمورلنك : ايه اقدر .. و قام تيمورلنك يحوٌل نفسه فيل و مره اسد و مره قرد و مره قدر و مره حبة فياقرا .. قال عبيد خان : انتا يقدر يتحول فار ؟ .. قال تيمورلنك : ايه اقدر .. و يوم ان تيمورلنك حوٌل نفسه فار قام عبيدخان و طلٌع قطو وخلاه ياكل هالفار يعني القطو كل تيمورلنك يوم انه تحول فار

و في هالوقت كان الملك راكب مع بنته و زوجته و سراج بغرفه يسوقها حصان و كل ما مرو عند ارض اسالوهم هذي لمين ؟ .. قالو : هذي للسيد سراج .. و سراج ماغير الا يضحك و هو ما يدري وين الله حاطه ..

و يوم انهم اوصلوا للقصر الكبير لقو عبيدخان قايل للخدم يجهزون العشا و قامو يبلعون الين ما اشبعو

و انتهى الفلم بزواج سراج من بنت الملك و زواج عبيدخان من احد هالخدامات المزيونات

وش رايكم بالفلم ؟؟؟؟


هههههههههههههههههههههههههههههههههههههه يدووووووخ

[align=center]هههههههههههههههههههههههههه
الله يرج بليسك صارلى ساعه اقراء
الف شكر لك [/align]

[align=center]ههههههههههههههههههههههههه

مشكوووووور والله يعطيك الف عافيه اخوي حصان[/align]

الله يرجك رج العجايز للبن مديري مشعل اسعدني حظووورك في فلم مستر عبيد خااان

هههههههههه الف شكر اختاااااااااااه الندى على مرورك العطر

ههههههههههههههههههههههههه
بالفعل يدوخ
بس التعليقات التي تخللت الفلم روعه
خصوصاً ( إلا وش معنى مشية الكرام ؟ )
مشكور أخوي حصان الرجليه

هههههههههه وش دراني شلون مشيت الكرام ؟ الف شكر اختي بنت ابوهاا على مشيتك الكريمه ههههه

قصدي مشيت الكرام