مـن سـاس وايـل مـلـتـجـأ كل مـضـيـوم

[poem=font=",7,black,bold,normal" bkcolor="transparent" bkimage="http://mdyf.net/vb/mwaextraedit4/backgrounds/73.gif" border="solid,4,black" type=2 line=1 align=center use=ex num="0,black""]

تكفى ترى ماقلتها قبل هاليوم=من خلقتي ماقلت تكفى لرجال

ولا عمري أنخى من الشغاميم شغموم=حتى لو أنه حدني أشهب اللال

مانخى ولكن لا نخاني من القوم=له أنتخي لو حالتي حالها حال

أقوم والا علني يوم ماأقوم =أسوق له وجهي وكفي وماطال

واليوم شفني قلتها ماهي علوم=ناديت باعلى الصوت ياذرب الافعال

أقولها وأنا من الوقت مزحوم=للوقت ميله .. وللمواقيف رجال

ما قلتها ياكود ضايق ومظلوم؟=وانت السند يامعّرب الجد والخال

كنك (صلاح الدين) بمواجه الروم = لك هيبةٍ تكسر ثمانين خيّال

لك وقفةٍ يفخر بها كل زيزوم = ولك جاه يرقابك على نايف الجال

دامك من اللي باللقاء ينطح القوم=لا عِميت الابصار والحرب سّجال

من ساس وايل ملتجأ كل مضيوم=وقفاتهم عند العرب مضرب أمثال

اللابة اللي مجدها دايم الدوم = تاريخها تفخر به أجيال وأجيال

يوم الرجال أقوال وأفعال وسلوم = تاقف لاسم وايل صناديد وأبطال

ولاني بمن يشفق على السب واللوم=قضاب ميلة صاحبه كل مامال

والعبد ماصابه من الرب مقسوم=ولا تزعل القسمه طويلين الامال

تكفى ترى ماقلتها مثل هاليوم=من خلقتي ماقلت تكفى لرجال







[/poem]


.


.