ركض وهروله ( محاوله شعريه) أبو وائل

[poem=font="simplified arabic,5,green,bold,normal" bkcolor="transparent" bkimage="" border="double,4,darkblue" type=2 line=0 align=center use=ex num="0,black""]

لا طلبني جيت ركض وهروله = وان طلبته عكس مطلوبي تسير

العسل أهديه وتهديني الحنظله = ولا تحط معي في تعذيبي خشير

ويش يجيب الورد لغصن الحرمله = وايش يجيب الغوج للوجه السفير

كامل الأوصاف والله مكمله = كل حلوه من حلاها تستعير

هي الاخيره وهي بقلبي الاوله = رغم هذا ولعت في قلبي سعير

بنت عز وعند أهلها مدلله = والغواني لقبوها بالسفير

كنها بنت العبيه مجلله = عن براد الجو وعن لفحة هجير

الخطا منها ملزوم اتحمله = ادعي الصحه وانا قلبي كسير

لامشت كنها بالنجوم محمله = قايده طابور والرتبه مشير

ناديتها با ام العيون مكحله = لو سمحتي ابي وقتن قصير

اضحكت .. وحسيت ان الضحكه مشكله = بين ريب وبين شر وبين خير

سمعتها بشويش .. قالت مشكله = مادرى اني على ذمة شخص غير

كنها فجرت بوجهي قنبله = كل هذا كيف ياربعي يصير

غادرتها والرجل بالمشي مثقله = كل خطوه على واقع صدمتها تسير

[/poem]