زحمة مشاعر

عديت رجما في جنوب الشمالي
قريب من داري جنوبا بتغريب

خالي لو ان العقل ماهو بخالي
زحمة مشاعرتخطي العقل ويصيب

فكرة في ذيك الديار الخوالي
وش وضعها من قبل جيلين تقريب

وخذت في نفسي اعيد السوالي
اجيب بعض وبعض الاحيان مااجيب

وش قدمت نفسي وش اللي بقالي
لاصار بعد الموت مابه تجاريب

اما على الجنه تشد الرحالي
كسبت بالاعمال جزل المكاسيب

والا على النيران تصلي بصالي
ان مالطف بك عالم السر والغيب

وانت اللذي يرضيك جوا خيالي
وتزعلك ياهبت سموم اللواهيب

ويالله ياواحد عليك اتكالي
عبدك موحد دون شكا ولاريب

نطمع بلطفك يا عزيز الجلالي
ياغافر الزلات ياساتر العيب

مساعدالمزعل