وألا الوفا من غفوته فيك مافاق

بعض البشر لا منه أبعد عن العيـن
ينقص غلاه وذكرياتـه والأشـواق

إلا أنت لو تصبح ورا السور بالصين
منزلك ما بيـن الحنايـا والأعمـاق

تدري بعد لو غيبتك بـس يوميـن
أشتاق لك واشتاق واشتاق واشتـاق

ما تذكر إنك غبت في يـوم الأثنيـن
ويوم الربوع الكون في ناظري ضاق

يومين بغيابك مضن مثـل عاميـن
البـال فيهـن مـا تهـنـا ولا راق

وصبرت في رجوى مشاهدك بعديـن
والصبر مر وجمر الأشواق حـرٌاق

ما كان عندي لك دليـل وعناويـن
لكن أخبر إنك على الوصـل سبٌـاق

وكنت أحسب إني مستعد أصبر سنين
مهما أقاسي مـن تفاكيـر وإرهـاق

واليوم صار لغيبتك فـوق شهريـن
الله وكيلك مـا بقـى شـي ينطـاق

كتبت لك عن لوعـة البعـد بيتيـن
واخترت لك من غالي الشعر ما لاق

حتى شعرت إن القلم كـان مسكيـن
ينزف وينهي رحلته فـوق الأوراق

مدري قسى قلبك وهو طبعـه الليـن
وإلا الوفا من غفوته فيك مـا فـاق

تعال وإرجع يا مسافر علـى ويـن
وساعة لقانا خلهـا ضـم وعنـاق

وكان سمعت بشي أثقل مـن الديـن
لوعة حبيبٍ بـدٌل الوصـل بفـراق





شكراً من الـ قلب
لكل من مر من هـ ـنـ ـا