انافدى الطيب

[poem=font="arial,6,darkred,bold,italic" bkcolor="transparent" bkimage="" border="outset,7,green" type=1 line=1 align=center use=ex num="0,black""]

ان جاني المطنوخ ناجي سميحان = وسويت له دلة مهيل وعودي
وبراد شاهي يقعد الراس خدران = وجاب القصيد اللي يبل الكبودي
تسوى من جنيهات الذهب عشرة اطنان = وماحاشته يمنا الوليد السعودي
وماتملكه زغر العيون المريكان = ونفط العرب كله ونفط اليهودي
مثايلن يطرب لهن كل فهمان = الوافيات النادرات الوجودي
ان جاب طاروق ن من الشعر مليان = له شرد القيفان تركع سجودي
ان مد مد الوافيه دون نقصان = وان هد ابتع من سهوم البرودي
وحمد سعد ذيب النشاما بليهان = بحراًالياموجه تحرك يزودي
ويازن بيوت الشعر عنده بميزان = تاتيه عذبات المعاني وفودي
عنده عصا موسى وخاتم سليمان = وعنده صخا حاتم بليا حدودي
والكل منهم له على الطيب برهان = ولاينهرج هرج ن بليا شهودي
انا فدى الطيب على طول لازمان = اللي به المحتاج يرقا سنودي
ومايبتني بيت ن على غير سيسان = وساس المفاخر ثبتوه الجدودي
ويلان ان عدوا هل الطيب ويلان = ان ولعت عند الفتيل الزنودي
كل عنزة عند الملاقا لهم شان = من خلقة الدنيا وعاد وثمودي
تاريخهم واضح على راس مابان = غصباً على الجاحد وخشم الحسودي
وكل القبايل لهم باطيب عنوان = في كل ديره حقها من الآسودي[/poem]

صح الساااااااااااااااانك ابو وليد

بيض الله وجهك على القصيده الجزله

صح لـــــــــسانك ولا هنت على الابداع اخوي ابو وليد

الشاعر القدير معيض ابن عريفج

صح لسانك

والله يبيض وجهك على هذه القصيده التي اعتبرها وسام شرف تبقى معلقه على صدري

وعساني اكون عند حسن ظنك بي والطيب ليسى مستغرب منك وانتم اهل الطيب

والله يعزك يالبناخي حيث اثنيت علينا وعلى قبيلة عنزة كافه وجميع

الطيبين في القبائل حيث لم تهضم حق الطيبين وهذه صفة الرجال الوفيا في كل مكان وزمان
والله انني انحرجت عندماقرأت هذه القصيده التي تبقى في صدري لها طابع خاص

وانا كلي فخر بوجودك على الساحه

الشعريه

معيض بن عريفج من شعرأنا المميزين التي نكن لاهم كل التقدير والاحترم والله يطول عمرك ولايهينك

وعندما قرأت هذه القصيده احرجتني بعدم قبول هديتي لك المتواضعه جداً

لك ودي وتقديري

اخوك ناجي الخمشي

صح لسانك ولا هنت على الابداع


بارك الله فيك




تقبل مروري

ان جـانـي المطـنـوخ نـاجـي سمـيـحـان= وسـويــت لـــه دلـــة مـهـيـل وعـــودي

وحـمـد سـعـد ذيــب النـشـامـا بلـيـهـان= بـحـراًالـيـامـوجـه تـــحـــرك يــــــزودي

صح السانك ابو وليد

ولنعم بالجميع يستاهلون المدح

ماهي غريبه عليك ابو وليد الجزاله

بيض الله وجهك على القصيده العصمه

خااااااااااااااالي معيض بن عريفج


يسلموا وبيض الله وجهك على هالقصيده

ويسناهلون المدح المطاانيخ

دمت بود وخير يالغالي

صح لسانكـ ابو وليد

قصيدة رائعه ولا جديد فالإبداع عادتكـ

سلمت يمناكـ

تقديري

صح لسانك يا خوي قصيدتن جازت لي
حلوه بالحيل
الله يوفقك

الاخ
معيض بن عريفج
لافض فوك يامبدع
ابيات درر متناثره
صح الله لسانك