((ســــجل حضورك اليـــومي ببيت مـــن الشــــعر النبطي )) ‏

لاأبعدت عن ديرتي يطري على بالي
شخص ذبحني ولاأدري ويش أسوي به

ما للتكلف بين الأصحاب داعــــــي
لاصار كلٍن عارفن قدر غاليــــــــه
لاصار فكرك دايم الدوم واعـــــــي
محتوم تعرف من تعزه وتصافيــــه
أصل الصداقه فن واحساس راقــي
إحساس لاأبيعه ولانيب شاريـــــــه
ماكل من كشــــر بوجــهك معــادي
ولاكل من يضحك بوجهك تخاويه !

لك فز قلبي فزة ٍ تسبق الصوت
وأسرع من الصاروخ حزة مطيره

يقول أبوي : إن صرت كنّك على شوك ..
...........................وعيّا صباحك يجلب (الشمس ) يمّك ..!

اصبر .. مصير الشمس تطلع .. وأنا ابوك
...........................وأمي كانت تقول : صادق كلامه .. وأنا أمّك

يوووووهـ من اكثر مكان اشتاق لها ,,
هالزاوية ^ ^"

..

الموت في عينك مَ يحتتآج : توضيييَح
أضرب مثثَل [ يآمآ , ويآمآ , ويآمآ ] !

آبوكك يذبح لَ النشششآمآ " مفآطيح "
وانتي بَ عينك ( تذبحين ) آلنشششآمآ

الله اكبر كيف يجرحن العيون=كيف ما يبرى صويب العين ابد
أحسب أن الرمش لى سَلهم حنون=أثر رمش العين ما ياوي لأحد
يوم روّح لي نظر عينه بهون=فزّ له قلبي وصفّق وارتعد
لفّني مثل السحايب والمزون=في عيوني برق وبقلبي رعد
نقّض جروحي وجدّد بي طعون=قلت يكفي قالت عيونه بعد
وانعطف هاك الشعر فوق المتون=وانثنى عوده وقفّى وابتعد
أشغلتني نظرة العين الفتون=حيّرتني بالتوعّد والوعد
هي تمون العين والا ماتمون=لى خذت قلبي وقفّت ياسعد

نقّض جروحي وجدّد بي طعون &&& قلت يكفي قالت عيونه بعد

من عادتي لا عكّر الوقت جوّي
أخفي دموعي عن نظر كل غالي

ما ابدي تناهيدي ولو شبّ ضوّي
وأدفن همومي بين فكري وبالي

الكبير الله .. ما غيره كبير
................... واحد ٍ هو فوق عرشه مستوي..


ويا عساني دوم في عيني صغير ..
.................. وعند كل الناس لي قدر ٍ قوي..!!

نوى القلب نيه مانواها لاحد غيرك=نوى القلب يمشي لك على السمع والطاعه
مع الشك والغيرة وهجرك وتقصيرك=أحبك وأقــول أمرك لـــه الروح خضاعه
جمعنا طريق الحب وانور بتنويرك=على صدفـة لقلــــوب الأحبــــــاب جمّاعــه
ملكني هواك وقادني بامر تدبيرك=أمانــه معـــك روحــــي مـــن البعـــد ملتـــاعه
تغزلت بك والشعر من بعض تعبيرك=كلامــــك سحــــر يخـــلف مــــوازين سمّــاعه
تقول الغزل مني شغل كل تفكيرك=عســى واعســــــى والنفــس بالزّود طمّــاعه

أنا فيني من الأيام جرحين(ن) على الخفاق=من الاقصين جرح وجرح(ن) من ربعي الادنيني

أقوم بجرح لكن ثاني الجرحين ساق وعاق=مشى سمه مع عرقي ويبست منه كفّـيني

يولّعني وَهج ناره وفي فكري كما البرّاق=عواصيف(ن) تودّعني وعاصوف يلاقيني

مثل ريشه نقلها ريح مع شوك وفي مضياق=يمزع شوكها جنبي وبالرجلين يدميني

ألَمها جضّ به قلبي ودخّن بالصّدر حرّاق=تفجّر كنّه البركان في سمعي وفي عيني

يعاقبني زماني يوم صدري بالعنا ما ضاق=أشيل الحمل ما تَعبت من الوعرات رجليني

أعرف أنه قدر عمري واعرف أن الزمن سرّاق=وهذا ما كتبه الله وأنا المكتوب يرضيني