على فطرتك طيب وصادق

[poem=font=",6,white,normal,normal" bkcolor="black" bkimage="" border="none,4," type=1 line=0 align=center use=ex num="0,black""]
هلا ياصباح الخير والفل والريحان = وهلا ياصباح الطش والرش والغيمه
وهلابالسحاب اللي تشابك مع الربان = على قول ابن جدلان تضحك مقاديمه
بعـد من جفاف الارض تتباشر البدوان = رعوده تجاوب صوتها وانهمر ديمه
وهلا ياسكون اليل مع جلسة الخلان = ارخا سدوله هادي(ن)دون تعتيمه
وهلاياتمام البدرمع سمرة الرعيان = وهلايالحن وتراً حزينه تقاسيمه
وهلايانسيم الفجر يازهرة البستاان = وهلا بالحياء اللي في جبينك مراسيمه
وهـلا بالبـراءه لاتـبـسمـت يالفتان = لهاعند من يفهم تعابيرها قيمه
تسولف عيونك همس ويلامس الوجدان = رسالات تبقاء بقلب معشوقهامقيمه
بحياتي رسمتك لوحة الملهم الفنان = وهو مرهف بحسه ومبدع بتصميمه
وكتبت بك ديوان شعر وقصص والحان = وانامستمدن من غرامك تعاليمه
كتبه الغلا ماقاله محمد الشرهان = احساسي تقوم بنظم طرقه وتقديمه
سكنت الخفوق وسكرت دونك البيبان = وغيرك تجي ذكراه ركعه وتسليمه
وهلابمهرة(ن)تتعب على شانها الفرسان = كفو الشجاع اللي مايترك ملازيمه
تواضع من اجله لوهي بلا رسن وعنان = وهو يحترمها وهي شريدة مغانيمه
والله مالومه فيك ياشمعة النسوان = لوانه عطاك دبي والعين والخيمه
وهلاياشموخ العزياحلا صفاة انسان = ياطهر من الينبوع واطيب من الشيمه
على فطرتك طيب وصادق وحلو لسان = عفيف(ن)لطيف(ن) ماتغير مفاهيمه
وجمال طاغي مايتخالف عليه اثنان = اجزل لك الخالق بفضله وتكريمه
من عيونك سهوم المنايا على البرهان = وقتلك لغيرك ماحد افتا بتحريمه
بسم الله وماشاء الله على خلقة الرحمن = تبارك الخلاق احسن تقاويمه
اعيذك برب الناس من نظرة الشيطان = ومن نفخه ونفثه وجملة مزاعيمه
واعيذك برب الناس من شر انس اوجان = عسى نظرته لك ماتعدا بلاعيمه
احبك اشد من حب وضحى وابن عجلان = واشد من حب الولد وافي لشيمه
احبك وانا تايه بحبك بلاعنوان = وانا مسامح الضالم وانا من مضاليمه
والنفس طيراً في سماءجوك بجنحان = ان طار يرجع لك بطوعه وتصميمه
عسى الله يلهم قلبي الصبر والسلوان = لأن الحياة بغيبتك مالها قيمه
[/poem]

رد: على فطرتك طيب وصادق

صح لسانك لبى قلبك و لا هنت

رد: على فطرتك طيب وصادق

صح السانك يابو وليد ملايين

تعبير يلامس مشاعر واحاسيس شاعرها

ماقول الا بيض الله وجهك وصح السانك

رد: على فطرتك طيب وصادق

بحياتي رسمتك لوحـة الملهـم الفنـان
وهو مرهف بحسه ومبـدع بتصميمـه
وكتبت بك ديوان شعر وقصص والحان
وانامستمـدن مـن غرامـك تعاليمـه


وفعلآ ابدعت بالتصميم والفن ورسمت لوحة فريدة
تطرب الذاائقه

صح لسانك ولاهنت

صباحك شعر

رد: على فطرتك طيب وصادق

صح السانك ابو وليد


الله يعطيك الف عافيه

رد: على فطرتك طيب وصادق

صح لسانك