الليالي تغير والزمن دوار [ الكاتب : مساعدمزعل اليمني - آخر الردود : فارس عنزة - عدد الردود : 1 - عدد المشاهدات : 74 ]       »     كل مهبة مهبه ومعها ريح طيب دل... [ الكاتب : مساعدمزعل اليمني - آخر الردود : مساعدمزعل اليمني - عدد الردود : 2 - عدد المشاهدات : 118 ]       »     شاعره سعوديه بااول امسيه بجده ... [ الكاتب : جروح الندم - آخر الردود : جروح الندم - عدد الردود : 7 - عدد المشاهدات : 338 ]       »     اللي على الهامش تعيش المهابيل [ الكاتب : مساعدمزعل اليمني - آخر الردود : فارس عنزة - عدد الردود : 1 - عدد المشاهدات : 102 ]       »     اوصاف الرجال [ الكاتب : مساعدمزعل اليمني - آخر الردود : فارس عنزة - عدد الردود : 1 - عدد المشاهدات : 119 ]       »     المخالفة لـ أوومانجفين: Spamm... [ الكاتب : فارس عنزة - آخر الردود : فارس عنزة - عدد الردود : 0 - عدد المشاهدات : 1 ]       »     FS (5Pieces) Apple iPhone Xs M... [ الكاتب : أوومانجفين - آخر الردود : أوومانجفين - عدد الردود : 0 - عدد المشاهدات : 3 ]       »     المخالفة لـ سولميوتيو: Spamme... [ الكاتب : فارس عنزة - آخر الردود : فارس عنزة - عدد الردود : 0 - عدد المشاهدات : 1 ]       »     FS (2Pieces) Samsung Galaxy S9... [ الكاتب : سولميوتيو - آخر الردود : سولميوتيو - عدد الردود : 0 - عدد المشاهدات : 4 ]       »     نسب عشيرة الحديد - الأردن [ الكاتب : سالم سلامة - آخر الردود : سالم سلامة - عدد الردود : 0 - عدد المشاهدات : 5 ]       »    



    إضافة رد
     
    أدوات الموضوع انواع عرض الموضوع
    قديم 12-13-2010, 04:36 PM   #1






     
    الصورة الرمزية أبـــ بنت ـــوهـا
     
    تاريخ التسجيل: Mar 2006
    المشاركات: 18,134
    معدل تقييم المستوى: 30
    أبـــ بنت ـــوهـا has a spectacular aura aboutأبـــ بنت ـــوهـا has a spectacular aura aboutأبـــ بنت ـــوهـا has a spectacular aura about
    (( ديوان الشاعر " سلطان سعد النومسي ))

    شرارة فريده=

    هاض القصيد وقلت لازم قصيـده=دام الهجوس لموقفـي مستعـدي
    شاعر وبقدحلـي شـراره فريـده=من عذب جزلات اللحون استمدي
    بنت الفكر لبست ملابـس جديـده=في ملعبة شعـري بعينـه تلـدي
    بنت طخما وتشوم صوب النشيده=والفكـر زوج وبالجزايـل يمـدي
    البارحه قلبـي ينابـض وريـده=والقاف شد القلب والعلـم شـدي
    ماني وانا سلطـان رجـلٍ بليـده=ولاني على درب الردى مستهـدي
    حرٍ ولـد حـرٍ علومـه سديـده=من طيب ابوي وطيب خالي وجدي
    اشوم للطيـب واشمـر عضيـده=واترك من عروقه بخوفـه تنـدي
    سـلام منـي والتحيـه فـريـده=تحيـةٍ لـولاد وايــل تـبـدي
    ربعي هل الطولات كلمـه وكيـده=ويلان مع روس المعالـي تعـدي
    رجالنـا هامـور طيبـه يصيـده=في بحر مدحه مايروغ ويصـدي
    عدونـا يقفـي وروحـه زهيـده=وان شافنا ثوبه من الرعب قـدي
    يومنهـا بيـام نــارٍ وقـيـده=شغمومنا عنـد اللـوازم يسـدي
    نارد حياض الموت روسٍ عنيـده=مايردنا عن جـم الامـوات ردي
    واليوم بمن الله مصـرف عبيـده=ثم بمـن حكـامٍ بسيـفٍ محـدي
    ملوكنا اللي شـرع ربـي تجيـده=ميزانهم بـرض العدالـه يشـدي
    واختامهـا منـي تحيـه مشيـده=يوم اعتلت وابراجها صلب يـدي
    و*17 و*17


    عزتي ماهي اليوم=

    انا عزيز وعزتـي ماهـي اليـوم=من شبتي ماحب حضـن الطمانـه
    ارقاء سماء صوب المجرات ونجوم=يوم ان ولد اللاش برض الحضانه
    وافخر الياقالولي النـاس شغمـوم=ويزيد فخري فـي علـو ومتانـه
    واللي على صوب العلا شام ويشوم=ماحـب تقصيـره بعلـم المهانـه
    وقول للطيب عسى عمـرك يـدوم=وانا خويه كل ماسـرج حصانـه
    من راس ابوي اخذتها طبع وسلوم=ربيت مـن عـزه وتلـت عنانـه
    من عزوتن منزالهم راس ملمـوم=اختـاروا العليـا مقـر ومكـانـه
    رجالهم بالطيـب مايلحقـه لـوم=لاثـارة الهيجـاء تزايـد جنانـه
    نوامسه ربعـي نـرام العـلا روم=عدونـا نسقيـه سـم رهبـانـه
    يقفي من الرهبه يتمتـم ومنجـوم=من ظيمهم يشكي جـوارح زمانـه
    ويلان بالقاله لنا وسـم ورسـوم=منحوت ماتمحى السنين ارسمانـه
    ويلان طير العز بأجوائنـا يحـوم=روس العلا تشهد علـو حومانـه
    ويلان سوق الطيب ماعنده نسـوم=نشريه مانحسب حساب سومانـه
    لو زاد مهما زاد نشريـه بعـزوم=ماننظـر البائـع يليـن هودانـه
    كبيرنا يذكر لنـا الهـرج منظـوم=ويفصل الهرجه ومنطـق لسانـه
    من الشجاعه كن به جـن ويعـوم=كنه خذا سلـم الشجاعـه ديانـه
    هذا ماقول وكـل ماقلـت مفهـوم=والرجل بالمنطق لسانـه حصانـه
    من غير تقصير القبايل ومحشـوم=رجلٍ تعزوى بلابتـه عـز شانـه
    و*17 و*17



    ريـم الاوعـار=

    اركب على اللي زوله يسر الانظار=جكسار ياوافـي جديـدن مديلـه
    تفقـده تشييـك مسمـا مسمـار=واحمل على السله لـوازم رحيلـه
    غادر تبوك بوقت الاشراق ببـدار=من الـورود بساعتـن تستويلـه
    عب التوانك فل وادعس على النار=من شيشة ابو رشيد والله وكيلـه
    والينحدر خط المدينه عـن الـدار=وامسى تبوك خلاف حنـا الدليلـه
    خله يسلي خاطرن منـه محتـار=خفف من همومه بشتـى وسيلـه
    مع كبري الجهرى تياسر على حدار=ثم انحـدر نبـي تسعـر مقيلـه
    ثم جهز القهوه وزود بهـا بهـار=علاج راسـي للصـداع وتزيلـه
    والينتهى المقيال من بـارد الغـار=الجكـس مفتاحـه يـدور زميلـه
    قم قربه وازهـم عليـه لمشـوار=نبي نحدره صوب ناقـض جديلـه
    مادام جوك صافيـن مابـه غبـار=اسـرع وراقبهـا بعـال الطويلـه
    واليقبـل الليـل وتيقنـت بحـذار=خله يشوف اكباس شيخ الفضيلـه
    اوقف جوار البيت من بابه يسـار=في موقعن بالقلب ذكـره وخيلـه
    سلم عليـه وقلـه الحـب جمـار=سلك الغرام سلاح وانتـه عميلـه
    اما يروف بحالتي ريـم الاوعـار=والا عسى ربـي يعـوض بديلـه
    و*17 و*17



    ذكريات الماضي =

    الا واقلبي اللـي كـل ليلـه دوم يغتاضـي=همومن وادعت وهموم حلت وفتحـت بابـه
    ثلاث سنين والمظلوم يطلب جلست القاضـي=ماغير الهم وابليس اللعيـن يفتـل اشنابـه
    لعنت ابليس ماالعون الثوى من شدة اعراضي=وانا مومن بربـي واعتصـم بالله واكتابـه
    جلست اقرأ بقرأنـه ورتـل جـل الالفاضـي=وحاديـث الرسـول وماتكلـم فيـه نقرابـه
    ولاكن كل ماذعذع هـواي وذكـر الماضـي=يجـدد ذكرياتـن ماضيـه والهـم يسعابـه
    تضيق فجوج نجد ومن سببها زادت امراضي=وتلعبـي همومـي لعبـة الكـوره لضرابـه
    اليامني تذكرت الزمـان بوجهـه الراضـي=زمانن يبتسم للخلق والبسمه مـن اصحابـه
    ماهو وقتٍ معه وجهين فاض بغدره وفاضـي=واظنه فاض مع عشرة مصالح يجرف ترابـه
    زمان الوقت هذا ودع الماضـي ولاعاضـي=ماغير هموم تسعى والليـال تغـزز اطنابـه
    الا يازين ذكرى ايام مع روضاتـن فياضـي=بالاعوام القديمه يوم كلـن يرضـي احبابـه
    محبة صدق مع برق الصداقه كـل ماناضـي=ينوض البارق اللي من صدوقه شعشع اهدابه
    خواطرنا على نهج الصداقه نهـج متراضـي=نسامح من خطا الزله وننسى كـل ماجابـه
    و*17 و*17


    البارحه=

    البارحه مابين ضايـق ومبسـوط=عجزت اميز ضيقتـي وانبساطـي
    جلست اعد الهم بأرقام وخطـوط=غير الهموم اللي بقـت لحتياطـي
    ونيت ونت من قضى الليل مجلوط=من عقب ماهو في وسام النشاطي
    من جادلن قلبي منه صار مشطوط=حبه يموج بداخلي مـوج شاطـي
    رسم غلاها بالحشا رسم مخـروط=حب اووفاء واخلاص ماهو خراطي
    على النقاء ياسامع محكم الشـوط=هدف نقاء ماهو رداء واختلاطـي
    على النقاء ومثبته داخـل نقـوط=:نقاء نقاء:يامفسريـن النقاطـي
    :نقاء نقاء:ماهو منمص ومزلـوط=محكوم عن درب الدنس بالرباطي
    واقلبي اللي بالغلا يحمـل النـوط=ياسامعين الهرج ماهـو هياطـي
    راس القلم في داخل القلب مغطوط=يرسم غلاها داخلي رسم ساطـي
    بسبابها كنـي هبيلـن ومقـروط=هلوست كنـي مدمنـن للتعاطـي
    كني بوسط شهار بالعزل محطوط=والهم ينبت مثل نبـت الحماطـي
    و*17 و*17



    المقناص=

    الله على ديارن لها القلب مشتـاق=شوق العروق الضاميه من ضماها
    يوم اشتعل برق المخاييـل بـراق=اشتاقت عروقـن نحيلـه لماهـا
    ياماحلا المقناص مع وقت الاشراق=برضن بها جول الحباري غشاهـا
    معك زمولـه صممـه فكـر رواق=فـاز وتميـز والصناعـه نقاهـا
    صنعة خبير الجكس مع ميزته فاق=خبرة صناعـه عاليـن مستواهـا
    يعجبك زوله لعترض فوق معتـاق=فوق الحزوم اللي عكاشن وطاهـا
    مركب مريح ينبهك لو بك ارهـاق=ازمالة المشتـاق لرضـن بغاهـا
    بعد الصلاه الياخشع قلبـك وراق=وانساح بالك يوم صحصح سماها
    امش بمناكبها معك ذرب الاعماق=خـوة رفيـقٍ ماتـدور وراهــا
    تلقا لطعم السالفـه لـون واذواق=هذا قصيد وذيـك قصـه معاهـا
    وزان الحديث بروضتن كلها اوراق=بأنواع طلعٍ نابتـن مـن ثراهـا
    برضن نزاه ومابها بيوت واسواق=ماغير شوفت صيدها مع ضحاهـا
    ياحلو مرماهن على شف مـدراق=ريمية خبيرن لستوى ثـم رماهـا
    في ملتقا ريعين يلحق بها الحـاق=ياصل هوى نفسه وغايـة مناهـا
    و*17 و*17



    الشبح=

    الله على اللي بالمعارض موقـف=صنعة الماني كامـلاتٍ وصوفـه
    تـوه جديـدٍ بالطلايـب مكلـف=من مصدره ماقيـل فكـن بلوفـه
    حجم ثلاث اميـه بشـده معـرف=نفسي على الموصوف تاقف ولوفه
    اسمه بدا بالشين واسمن موصف=ياقف بحرف الحاء نهاية حروفـه
    كن منظر الديكور جسمٍ مزخـرف=مركب مريح ولاتحسـب الكلوفـه
    يعجب كثير المال عنده الياصـف=والا قليل المـال يصفـق كفوفـه
    اليامشى لمشي المواتـر تعفعـف=اسرع من الشيهان محدن يطوفـه
    يطو المسافـه للمواتـر يلاقـف=تقل يتغزلهـن بسرعـه لهوفـه
    لاشدن الكردان مع خطـه اختـف=يغتز خشمـه ويتعفعـف وقوفـه
    هو منوتي لديار حايل هو الشـف=شف الغريب اللي همومه تلوفـه
    عدا من النقره وكبـدي تشفشـف=اجبال اجاء مدخال خطه تشوفـه
    يلفي على دارن بها الدمع ينكـف=من عقب ماعيني بدمعـه ذروفـه
    ملفـاه بيـتٍ بالكرامـه مشـرف=بيتٍ لبـو بـاذر مكـرم ضيوفـه
    يلفي بحـزات السعـد ويتشـرف=ياحلو هاك اليـوم روحٍ عطوفـه
    و*17 و*17


    ارجوك=

    امانة الله عليك انـك تسامحنـي=بالفعله اللي فعلت ولنت راضيهـا
    خاواني ابليس صوبك يوم ورطني=يالعنت الله عليه النـاس يغويهـا
    طالعت يمك وعينك موت يخزرني=يومن قلت بغضب والله ماخليهـا
    حاولت اراضيك وعيونك تهددني=بالنظره اللي زعلها من مواريهـا
    وقفت حيران وذنوبـي تكاودنـي=والرجل حارت قبالك في خطاويها
    ارجوك سلك الغرام سلاح هددن=يطلقة غرامك تلاحقنـي وباريهـا
    ارجوك تدفن زعلك ولاتعاتبنـي=ترى العتب يسس الفرقا ويبنيهـا
    البارحه طيفـك بليلـي يداعبنـي=وجدي على شوفتك ساعه نقضيها
    يابو عيونن بها الموت يتقربنـي=اليانظرتـك ذكـرت الله محليهـا
    اما انت يمـي تـرد ولاتبعدنـي=والا انت قلي ورود الحب ناسيها
    و*17 و*17


    مرثية الشيخ صالح العواجي=

    جاني خبر هز المعاليق من غاد=كما تهز الريح غصنٍ بوادي
    البارحه مابين سرداد مرداد=احوم ليلي كن لي شي غادي
    امرِ غريب بقلب ماهو بمعتاد=وقول ياقلبي ماهو شي عادي
    واثر الخبر من دار فكاك الاعقاد=تبكي فراق الشيخ ذرب الايادي
    بيضاء نثيل تجاوب صياح الاولاد=يوم الهنوف امست بلبس الحدادي
    والحزن ضافي واحمر الجرح يزداد=بفراق ابو طلال والدمع زادي
    وانا جروحي ياعرب جمع وافراد=تزايدن وقت العزاء بأمتدادي
    من موت صالح شيخنا سيد الاسياد=شيخٍ على القالات شيخٍ سدادي
    امرٍ جليل وحط للخلق ميعاد=امرٍ من المعبود رب العبادي
    واستغفر الله كان زلاتي حداد=عن امر ربي يوم زل اعتمادي
    امرٍ فجيع وياعرب يومٍ انكاد=صار اللحد لبو طلال الوسادي
    كلن على فرقاه بالحزن مداد=ودقات قلبه مثل دق الوتادي
    يابو طلال ارثيك ياسيف جلاد=يامزبن اللي ضف شمسه سوادي
    ليلة رحيلك مأستلذيت بهجاد=والربع مثلي مأستلذوا هجادي
    يابو طلال الوايليه لها ارعاد=ترعد حزن وسط الضلوع الشدادي
    عليك يالمقدام تبكي ولاتهاد=الياذكرت رزتك قدم القعادي
    لك هيبةٍ في كل ماقف ومقعاد=يازول حرٍ ناض وقت الهدادي
    تبكي عليك من المعاميل بغداد=ويبكي عليك وجارها والزنادي
    والنجر صاح وصيحته ترعد ارعاد=زعزع وطاء بيضاء نثايل ينادي
    يالشيخ صالح جعل للخلد خلاد=ياعل مثواك الجنان الخلادي
    ياعل مشروبك من الكوثر يعاد=تروى بها وانت بعزيز البرادي
    يالشيخ صالح سيرتك كلها امجاد=سيرتك عز وللقبيله سيادي
    لو باد كل الكون فالذكر ماباد=يبقى مع التاريخ سيرة قيادي
    سيرة بطل ماناشها ذم وانقاد=محشومةٍ عن سوء هرج النقادي
    واللي مخلفهم على طيبك اسياد=اسياد للعلياء بالامر الوكادي
    اولادك اللي للمهمات رواد=يرثون طيبك ياعزيز المبادي
    و*17 و*17


    سرى ليلي=

    سرى ليلي وهمساتك تناديني نـداء نـداء=وصنـدوق الضمايـر لاتذكرتـك ينادينـي
    انا معك ابتليت وجعلني فدوه فـداء فـداء=فداك الروح ياروحي لـو العالـم تعادينـي
    يانور العين وانت النور نمشيبه قداء قـداءا=حبك حب وافيبه وقولـه يانظـر عينـي
    احبك حب مخلص وازعج بيوتي حداء حداء=ولعيونك قصيـدي منبعـه دم الشرايينـي
    انا لامن تذكرتك يجي بذني صـداء صـداء=اخيلك داخل اسماعي بهرجاتـك تسلينـي
    الا ياسعد من برض الرياض ولك بداء بداء=بدا جارك يشوفك يوم من بيتـه تمرينـي
    انا مشتاق لك والقلب بسبابك غداء غـداء=مثل قلب الصغار اللي على اللعبه محبينـي
    اسير وللتمني صرت يالغالي جـداء جـداء=جدايه بالتمني بـس والشوفـك بعيدينـي
    و*17 و*17


    الدخيله=

    سمعتها تبكـي ترجـى خلفهـا=وتقول انا سوات الدخيل بجوارك
    تصرخ تقول الحب غصبن ولفها=وانا الدخيله ليك في وسـط دارك
    هب النسيم ومع غرامـه شغفهـا=تنخي تقول افزع وقرر قـرارك
    قلت ابشري شمسك لايبدي كسفها=دامه على وضح النقى من خيارك
    يابنت بنت الشيخ تعلـن شرفهـا=حذراك لايظلم ويكسف نهـارك
    يوم الثقه فيني ضبطتـي هدفهـا=لابد اعلمك الصواب ابمسـارك
    النظره اللي يوم شوفك خطفهـا=يابنت وشلون اقتويتي حصـارك
    ان كـان حبـه يالبنيـه سقفهـا=لابد تلقيـن الخبـر بأنتظـارك
    و*17 و*17


    هبوب الريح=

    قهر قهر يداعبني عسى الله يلعن الشيطان=من اللي قاللي هرجك سراب وجيت تلعبي
    قهر قهر يداعبني من اللي قاللي خوان=وانا رجلٍ صريح وبالنقاء دمي له انصبي
    انا جيته وفاء جيته وكاسي بالنقاء مليان=ولاني يمها بسرداب خاين جيت متخبي
    يقول اني كسرت الشجره اللي غصنها ريان=وانا ماشفتها ولاجيتها بالسوق متغبي
    لكن المسأله ياهل الهوى علمٍ لفاء مسيان=سمعت انه لجل قربي فواده صار منجبي
    يقول انه لجل حبي سراء مع سكة الشفقان=هبوب الريح من قوة غرامه يمي تهبي
    لذا بادلتها شعور الغلا من قلبي الضميان=وقلت انظر مجيي بالنقاء كان كتبه ربي
    وصار اخلاف من بعده كواني كية الوجعان=يقول انته على درب الخيانه بس تعجبي
    وقلت الله وكبر كيف افسر كلمة البهتان=الا ياليتني قفيت قبل اسمع منه سبي
    مادام اني عطيته كلمةٍ تجلي عماء النعسان=وقلت اصبر وتلقاء القلب مع وضح النقاء يلبي
    وهذا ياجماعه ماحصل مني ومنه وكان=ماحط اباله اني بالوفاء والعز متربي
    عزيز وعزتي ترقا سما في عالم الشجعان=وعن درب الخيانه والردى بعدي هو الطبي
    و*17 و*17


    أحبك=

    هلا ياطلة الفرحه هـلا ياغايـة المشتـاق=هلا يافرحتـن بالقلـب حـط الله مكانتهـا
    احبك والغلا ينبع ومنباعـه مـن الاعمـاق=ولاادري وش بعد هذا غلاتك وش نهايتهـا
    تدلل يابعد عمري ترى سلك الغـرام رقـاق=عسى تفداك بنت شيوخ مع جرت عبايتهـا
    يميل القلب لك ميل السحاب وداخله بـراق=ويرعد فوق حايل يوم اجا للسحب ضمتهـا
    هويتك دون ماشاهد ولاشفتك مع الاسـواق=هويتك بالعلوم اللـي تواردنـي بلهجتهـا
    دخيلك دام طراد الهوى في داخلـه سـراق=لصوص الحب برواح البشر تسرق بضاعتها
    ابي ترفق بقلبن منك همه عـوده بطـراق=ويسرقني غـلاك وكـل سرقاتـه يشتتهـا
    دخيلك لملم شتاتي ابي ترفق علـي ارفـاق=دخيلك ياخلية شوق يـوم الريـح مرتهـا
    تعال اقبل ولك قلبي كما الفنجال لك ينسـاق=تعال اقبل ولك روحن هبوب الحب ساقتهـا
    و*17 و*17


    يالله يالمعبود=

    يالله يامنزل طشيش الهماليل=يابالفرج يامن على الصعب قاوي
    يامنزل القران وكتاب الانجيل=ياعافيا ايوب شر البلاوي
    يالايجن صبحك مع ظلمة الليل=ياعالم البين وسرٍ خفاوي
    يامفيحٍ زمزم من ارجل اسماعيل=واسقيتلك مولود وانساح راوي
    يامنزل اليسرى على العبد تنزيل=ياعاقلٍ يوسف لعودٍ عزاوي
    يالله يامحيي ديارٍ مماحيل=بالغيث يالمعبود لاقمت ناوي
    ياالله يامشفي عبادٍ معاليل=برحمتك اليبحثوا للمداوي
    ياالله يامحلي نهر صافي النيل=يجري من الخرطوم ميه نقاوي
    ياجازياً من كان يسهر تنافيل=يامنقذٍ منهو من الجوع خاوي
    يالله يالمعبود تهلك اسرائيل=من مزنةٍ هلت غضبها سماوي
    عاد وثمود اهلكتهم مع هل الفيل=اتبع وراهم حزب اليهود الخزاوي
    يالله يارحمن يافارج الويل=قوتك عظمى يامجيب الدعاوي
    ارسل عليهم سود رهبٍ مخاييل=امزان من منشاك مع برق ضاوي
    ينزل غضبك من السماء تالي الليل=معه البرد ينزل من الجو هاوي
    يبقاله اسبوعين رجس ونوازيل=حسه لهل خرخير بالسمع داوي
    تبقى جثثهم كالحزوم المظاليل=من قوتك يامن على الصعب قاوي
    نسمع ملائكتك بصوتن وتهليل=منك النصر وانت الرحوم العطاوي
    يصبح عظه لهل القلوب المغاليل=لكالة الخنزير نسل الزناوي
    يروي بها التاريخ جيلٍ بثر جيل=عبره من المعبود نصرٍ يداوي
    ياناس شوفوا مانشوفه تهاويل=لبنان تنخى وارض غزه تعاوي
    القدس يشكي له سنينٍ مزاميل=واليوم صارت صوب لبنان تاوي
    اليعلن التلفاز بعض المراسيل=كلٍ على حاله مع العلم راوي
    وش ذنب دمع مغرقين المناديل=وش ذنب دم المرضعات النساوي
    وش ذنب دمع اللي بوسط الزهاميل=وش ذنب بطنٍ من خلا الجوع خاوي
    وش ذنب دم الجرح من جبهة العيل=سالت دماهم مع صياح ونخاوي
    يالله انا طالبك واسرع بتعجيل=يامعجلٍ يسرك لعبدٍ رجاوي
    __________________
    أبـــ بنت ـــوهـا غير متواجد حالياً   رد مع اقتباس
    قديم 12-13-2010, 05:18 PM   #2




     
    تاريخ التسجيل: Dec 2008
    المشاركات: 4,624
    معدل تقييم المستوى: 30
    رياح الوفاء has a spectacular aura aboutرياح الوفاء has a spectacular aura about
    افتراضي رد: (( ديوان الشاعر " سلطان سعد النومسي ))

    صح لسانك ااخوي سلطان سعد النومسي

    قصائد رائعه وددر ثمينه بارك فيك

    والف شكر لك اختي بنت ابوها على البادرة الطيبه
    __________________




    رياح الوفاء غير متواجد حالياً   رد مع اقتباس
    قديم 12-13-2010, 05:57 PM   #3


     
    الصورة الرمزية نايف العنزي
     
    تاريخ التسجيل: May 2009
    المشاركات: 4,897
    معدل تقييم المستوى: 213
    نايف العنزي will become famous soon enough
    افتراضي رد: (( ديوان الشاعر " سلطان سعد النومسي ))

    يسلموا اختي بنت ابوهاااااااااااااااااا

    على هذه البادره التي لا تاتي الا من الكبااااااااااااار

    دمتي بهذا الجماااااااااااااال

    ويسلم لسااان الشاااعر على هالقصائد

    الجميله
    __________________
    [IMG][/IMG]
    نايف العنزي غير متواجد حالياً   رد مع اقتباس
    قديم 12-13-2010, 06:42 PM   #4




     
    الصورة الرمزية معيض بن عريفج
     
    تاريخ التسجيل: Nov 2008
    المشاركات: 7,354
    معدل تقييم المستوى: 272
    معيض بن عريفج is just really niceمعيض بن عريفج is just really niceمعيض بن عريفج is just really niceمعيض بن عريفج is just really nice
    افتراضي رد: (( ديوان الشاعر " سلطان سعد النومسي ))

    شكراً اختي بنت ابوها
    على تدوين ديوان للشاعرسلطان سعد النومسي
    الذي يحتوي على الكثير من القصائد الجزله
    __________________
    I thank those who work for me this signature
    Is not necessary to know who I am
    معيض بن عريفج غير متواجد حالياً   رد مع اقتباس
    قديم 12-14-2010, 04:11 AM   #5


     
    الصورة الرمزية حفيد الأسدين
     
    تاريخ التسجيل: Apr 2006
    الدولة: الرياض
    المشاركات: 7,935
    معدل تقييم المستوى: 313
    حفيد الأسدين will become famous soon enoughحفيد الأسدين will become famous soon enough
    افتراضي رد: (( ديوان الشاعر " سلطان سعد النومسي ))

    صح لسانك ااخوي سلطان سعد النومسي

    قصائد رائعه وددر ثمينه بارك فيك

    والف شكر لك اختي بنت ابوها على البادرة الطيبه
    __________________
    حفيد الأسدين غير متواجد حالياً   رد مع اقتباس
    قديم 12-14-2010, 08:54 AM   #6






     
    الصورة الرمزية الـــــريـــــم
     
    تاريخ التسجيل: Apr 2006
    الدولة: دار أبــــــو مـتعــب
    المشاركات: 23,436
    معدل تقييم المستوى: 622
    الـــــريـــــم will become famous soon enoughالـــــريـــــم will become famous soon enough
    افتراضي رد: (( ديوان الشاعر " سلطان سعد النومسي ))

    شكراً غاليتي بنت ابوها
    على تدوين ديوان للشاعرسلطان سعد النومسي
    الذي يحتوي على الكثير من القصائد الجزله

    __________________

    الـــــريـــــم غير متواجد حالياً   رد مع اقتباس
    قديم 12-14-2010, 03:51 PM   #7


     
    الصورة الرمزية ابوتركي
     
    تاريخ التسجيل: Jun 2010
    المشاركات: 8,057
    معدل تقييم المستوى: 265
    ابوتركي will become famous soon enoughابوتركي will become famous soon enough
    افتراضي رد: (( ديوان الشاعر " سلطان سعد النومسي ))


    صح لسانك ااخوي سلطان سعد النومسي

    قصائد رائعه وددر ثمينه بارك فيك

    والف شكر لك اختي بنت ابوها على البادرة الطيبه

    __________________
    ابوتركي غير متواجد حالياً   رد مع اقتباس
    قديم 12-15-2010, 09:31 PM   #8


     
    تاريخ التسجيل: Aug 2010
    المشاركات: 208
    معدل تقييم المستوى: 105
    سلطان سعد النومسي is on a distinguished road
    افتراضي رد: (( ديوان الشاعر " سلطان سعد النومسي ))

    الاخت
    بنت ابوها
    اقف امام اهتمامك وما قمتي به
    من تكوين ديوان لي ولكافة الاخوان الشعراء
    وتميزك الراقي بهذا المنتدى الراقي
    اقف وانا عاجز عن التعبير امام ماسطرتيه لي من ديوان
    فالشكر لايكفي وانما اقول تسلم اناملك
    ورعاك المولى ودام تميزك الراقي والملحوظ

    رعاك الله


    لاخلا ولاعدم
    سلطان سعد النومسي غير متواجد حالياً   رد مع اقتباس
    قديم 12-16-2010, 11:29 PM   #9


     
    تاريخ التسجيل: Aug 2010
    المشاركات: 208
    معدل تقييم المستوى: 105
    سلطان سعد النومسي is on a distinguished road
    افتراضي رد: (( ديوان الشاعر " سلطان سعد النومسي ))

    رياح الوفاء
    نايف العنزي
    معيض بن عريفج
    حفيد الاسدين
    الريم
    ابو تركي

    مروركم هنا شرف لي ووسام على صدري
    صحة ابدانكم
    هذا المتصفح نور بمرورك واهتمام الاخت بنت ابوها

    اسعد الله اوقات الجميع بالخير والمسرات
    سلطان سعد النومسي غير متواجد حالياً   رد مع اقتباس
    إضافة رد


    الذين يشاهدون محتوى الموضوع الآن : 1 ( الأعضاء 0 والزوار 1)
     
    أدوات الموضوع
    انواع عرض الموضوع

    تعليمات المشاركة
    لا تستطيع إضافة مواضيع جديدة
    لا تستطيع الرد على المواضيع
    لا تستطيع إرفاق ملفات
    لا تستطيع تعديل مشاركاتك

    BB code is متاحة
    كود [IMG] متاحة
    كود HTML معطلة

    الانتقال السريع


    الساعة الآن 12:57 AM.


    Powered by vBulletin® Version 3.8.8
    Copyright ©2000 - 2018, vBulletin Solutions, Inc.