ماذا تقول لــ الشخص اللي في بالك ..؟؟

أهين كل اللي يفكر يهينك ****** كلن يهون إلا أنت لا ما تهوني

والله انى كنت ألوم اللى يضيق أن غاب خله
لين جربت المحبه والفراق وقلت توبه

لعنبو جد المفارق فيه هم وفيه ذله
أثر كل الحب لذه والفراق أكبر عيوبه

امس فارقت الغلا ومفارق الخلان عله
والعلاج الوصل لا تبلش طبيب ولا حبوبه

الزعل هو سبه الفرقا يهز الحب كله
ليتنى طولت بالى قبل لا يعلن غروبه

عارف قدره.. وقدر اللى يحبه فى محله
ذاك نفسه لا حشا ماهى على الحب مغصوبه

لا وربى.. كنت أحبه حيل مادورت زله
لا تشكك فى غلاه ولا تساعد فى هروبه

لايمى قبلك تعبت ألوم شعار المجله
وكنت مؤمن فى مقوله اعذب الشعر الكذوبه

وأثر كلن فى حياته له تجارب مستقله
وانت لا تشره على مثلى وتبلا لك بحوبه

كان جابتك.. الحميه روح له تكفى وقله
لا يخلينى واذا وده يخفف من ذنوبه

يستخير وله غلا قلب صدوق مايمله
فدوة له كل قلبي من شماله لى جنوبه

يوم قفى والخفوق يفوح عقبه فوح دله
وسط وقدرة واحد عز الشتاء والسهر دوبه

لا تقهوى بارده من برد فنجاله وزله
ثم قربها على جال الجمر وأرهى شبوبه

وين يدله هالخفوق وكل مايدله يتله
طاري اللى ياكثر ماأتعبت رجلى فى دروبه

لا طرى جريت ونه من بلاده مستحله
مثل ماراحت بلادى مع شعارات العروبه

كل هاجوس يجيبه جعل شعرى فدوة له
وأعذابى كل ماجبت لى الجبله هبوبه

مشغلن قلبي يحبه دون خلق الله من الله
هيه ياللى ممتلكنى حسن وأسلوب وعذوبه

ماسمعت ان الخوي له بالخوي تسعين زله
وانت طوف زلتى ياعل تفداك اللعوبه

صاحبي سيف الهجر لا صرت تقدر لا تسله
ماتظن ان العفو عند المقدره اكبر عقوبه

ايه انا اللى كنت ألوم اللى يضيق ان غاب خله
لين جربت المحبه والفراق وقلت توبه

..

شخص إلا منه مضى لي معه .. يوم
أندم على ايام مضت قبل ما | القاه |
احتاج له لا صار في صدري .. هموم
ولو ينكسر ساقي تسندت( يمناهـ )
جعل المعزة بيننا دايم الدوم
هذا الرفيق اللي من الصعب تنسآآآهـ

[align=center]
كنا صغار
نكتب على ذاك الجدار
الحب عذب
وننسى الألف
والمعنى جدا مختلف !!


[/align]

شفت الحقيقه بين رمشك وعينك
تنثر جروحٍ مقفيـات ومقابيـل

فديت من كان لغيابي يعاني ..
فديت أنا ممشاه وخطاويه ..
ماني بقاطع رجاه لو دهري جفاني ..
هوتاج راسي وبعيني أدرايه ..
شوفته تسوى كل عمري وزماني
وجرحه بدموع عيني أداويه ..

تعال داوي لوعتي شوف الخفوق اللـي حـواك
واقرى معالم لهفتـي و تلقـى العلـوم الشافيـه
تعااااااال

أفرح إذا شفت الفرح في محياك..
وتضيق بي الدنيا إذاشان حالك..
جعل الولي ياصاحبي دوم يرعاك..
وجعل الفرح في كل الايام فــــــــــالك..

اقوله الله يرحم ايام الوفاء مات مع جدك

اقتباس:
المشاركة الأصلية كتبت بواسطة رياح الوفاء
اقوله الله يرحم ايام الوفاء مات مع جدك

هع هع هع رياح الوفاء والله انك صادقه وكلن يصيح ويقول ماخنت