ابي اسأل اليل عن سر الهواء والغرام

[poem=font="arial,5,darkred,normal,normal" bkcolor="transparent" bkimage="backgrounds/24.gif" border="double,6,seagreen" type=0 line=0 align=center use=ex num="0,black""]
ابي اسأل اليل عن سرالهواء والغرام = هو ليه الاحباب تختار الظلام البهيم
لأن اهل الهواء تبي تعيش بسلام = وتتحقق احلامهم من دون سينن وجيم
فرحة لقاء بينهم والذ واحلا الكلام = والسر بوداعة الظلما وستر الرحيم
وابي اسأل الغصن ليه الريح هزه اشمام = واسأل لثامن وراه الشمس ووالجو غيم
وابي اسأل الجرح والسكين حد العظام = وابي اسأل العين والدمعه وخد اليتيم
وابي اجبر الخاطر اللي صار كله حطام = امساء معافا وجاه الصبح ماهو سليم
واسأل عيون السهر كم شوقها للمنام = وعن حاجة الضامي الى الما وبرد النسيم
واسال شموخ الجبال النايفات العظام = هل هزها الريح من عـهد الزمان القديم
واشره على البندقيه والفشق والحزام = والسيف والخنجر وقلب الشجاع العد يم
وابي اسأل الورد عن رقة جناح النعام = وابي السأل الشوك وآلااامه وصبر الحليم
وابي اسال الصقر ان ظاق الفضاء به وحام = واقراء عن ابو لهب واخذ براي الحكيم
ياخاطري لاتضايق سج شرق وشام = واصبر كما ايوب يوم انه مريض وسقيم
وانا ماعندي عصى موسى عليه السلام = يارب رحماك يامنزل من السحب ديم
وعقب عرفت الحلال وشفت حكم الحرام = قررت اهاجر بلاعودة شبه مستديم
واترك رساله وبيت(ن)أيل(ن)للهدام = وصورة جبين(ن)تجعدعقب ماهو وسيم
ملامح الحزن واثار الغلا والهيام = تعلو محياء البريء اللي بسن الفطيم
ودعتك الله حبيبي قبل مسك الختام = مع انك اغلا بشر بين الرجال والحريم
توديع طفلاً لآمه قبل سن الفطام = اقفت بها حكمة الاقدار بأمرالكريم
وان كان في قلبك من العطف واحد جرام = لاتضيع القلب خل القلب عندك مقيم
والله ماهز قلبي بين كل الانام = الاانت وانت اعتبرتك للمشاعر نديم
وشفت الإيجابات ماهي بالحقيقه تمام = وانته مخير وانا قنعان مافيه ضيم
وانا ادري اني عزيزك ياعزيز المقام = وانته تعرف اني اعزك من اقصا الصميم
وتخاف حسبتك تطلع لك خطا بالختام = وتخاف زلة ابونا ادم وحر الجحيم
وتخشى هروج السن اهل الحقد والوقت سام = والله مالومك لأنك شخص مانتب غشيم
وضليت واقف ولاترجع ولاتروح امام = ارتاح ولايوسوس فيك هرج الرجيم
انسى الامور القديمه والعلوم القدام = وتعال سولف وحنا اخوان ماني غريم
وابي اسال الحاتمي بالطيب وش للكرام = ولايردالكريم ان جاد غير اللئيم
لاياعريب الخوال وياعريب العمام = جزل المعاني نصنك وانت كلك حشيم
وانته سلالة هل التقدير والاحترام = واشد فتنه على الدجال بني تميم
ابيك ترجع مثل ماكنت قبل الكلام = وانا مابي شيء والله العلي العظيم
[/poem]