أشرايك تكتب بيت شعر ايعبر عن حالتك النفسيه !!!!!!

وش عاد تبغي! قلب ولسان شاعر
الا عيوني خلّهـا لجـل اشوفـك!
::
تثبت لك الايـام صـدق المشاعـر
وتشوف وسط القلب نقشة حروفك!

وأبي ابتكرلك صبح .. ياصبح عمري

...................... واقطف لك ارووووع ماتلاقيه بالجاي

صبحن مفصل لك على القد ... كبري

..................... وابعد مسافاته على بعد جواي ..!

.
.

تصبح على دنيا بها العمر يغري

................... تصبح على عمري .. وشوقي .. ودنياي


تصبح على شوفي .. وصدري.. وعطري

................. تصبح على كفوفي.. وحظني .. وشفاياي

يالله ياللي من ترجاك ما خاب= طلبتك أمي في جناحك تحوفه
اللي خطفها الموت بديار الاجناب= تبي المعونه مير عيت أظروفه
تدور الاسباب ميرالأمل خاب = ساقه مليك الموت واشهر أسيوفه
الموت حق وما على الموت أعتاب = مير البلا فرقا الحبايب نكوفه
قلته وأنا من جور الأ يام منصاب= بعدك حياتي ما عليها أحسوفه

لا صار قلبي لك وطن ..
أبسألك وين الولاء ..؟
وشلون حال المملكه ؟
دام الخيانه من ( ملك ) !؟

وقفت والريح تعلب في / طرَف ثوبي
و قلت وعيوني تخيل الغيم : سبحانك




يآ مالك الكون أنا تخجلنيْ " ذنوبي"
أسألك / عفوك على عبدك و غفرانك

ارضــيه وان ضاق صـدري قام وارضـــــــاني
كـرامته فـوق فــــــوق الــراس مـرفوعــه
هو ثالث عيوني شريـــــــــك لقلبي الثــانـي
مـحبــته فــي صـمـيم الـقلــب مـزروعــه
مــايـمــرح اللــيل الا مــنــه تباطــانـي
وانـا اتصــبر وقـلـــبي حـطـم ضــلوعـــه
جــيته وجــانــي وبــكــيتـه وبكــانــي
جـــلس يمسح دموعي وانا امـــسح دمـــــوعه

لاتَجْـعَـل مَــشاعـِرك أَرْضاً يُداسُ عـَـلَيْها
بَـلْ سَــماءٌ يَتــمنىّ الجَميعُ الوُصولَ إِلَيْــها

ياناثر في واحة الهمس نعناع
جف الرحيق ونشّـّف الصمت ريقه
:
كم غيمة صوت لها ظامي القاع
تناسته لو هي ../.. تمر بطريقه
:
اثر الغلا لا زاد عن حده انباع
مثل الدفا لا زاد يصبح حريقه

بالما كتبت أغلى المباديء والأحلام

.............. لا واخساره يالكتابه على الما

تعـاتـبـنـا بمـا فيه الكفـايـه من ثلاث سنين

.......................... وسالت دمعتين و طاح قلب وماتت أشواقي !

تعبت أضحك على نفسي وأبرر لك واعيش الدور

.......................... وتعبت أجامل ظروفك وأصدق كذبك الراقي !