"احسد الدراويش"

هذي حياتي بين صد ن وتطنيش
حبك سراب وخافقي حيل عطشان


فهمتك اني دون وصلك فلا اعيش
وشرحت لك وانا اعرفك دوم فهمان


تعرف علاج اهل الكبود المعاطيش
وتعرف بسر اللي من الهجر ضميان


وان قلت لي وين الصبر قلت معليش
صبري نفذ ما عاد للجرح كتمان

من طول صبري صار بالعقل تشويش
وتعبت شعري والقوافي والاوزان

ياليتني طيرن عليه ابيض الريش
وياليت لي يامنوة الروح جنحان

مامر ابد مركز ولا امر تفتيش
وجيب لك قلب ن على الوصل ولهان


ليه الجفا ليه القسا يا الغلا ليش
واحساسي اللي يعشقك فيك هيمان


من زود همي صرت احسدالدراويش
ماجربوا حب ن ولاهجر خلان

رد: "احسد الدراويش"

من طول صبري صار بالعقل تشويش
،،،،،،،،،،،،،،،،،،،،،،، وتعبت شعري والقوافي والاوزان

صح لسانك يا رياح الوفاء
أبيات جميلة ورائعة

شكراً لكِ

رد: "احسد الدراويش"

صح بدنك اخي فارس عنزة

والله يعطيك العافية على طيب مرورك

لك تقديري

رد: "احسد الدراويش"

صح لسانك وبوحك الجميل

رد: "احسد الدراويش"

صح بدنك الخياله وسلمتي