"ذكرى ملك"

عسى جنان الخلد له خير منزال
عذب قلوب الشعب والله رحيله
مانعترض لو ان موته برا الحال
ياكم نفوس ن من فراقه عليله
يا شين فرقا سيدي طيب الفال
اللي لجل شعبه يشيل الثقيله
والدمع بفراقه على العين همال
ياشينها الفرقا وياهي طويله
لو راح زوله دوم يبقى على البال
هذا الوفاء واجب ولاهو جميله
حبه سكن بقلوب شعبه ولازال
حب ن مخلد بالقلوب النبيله
ذكراه تبقا خالده عبر الاجيال
ذكرى ملك لنا الفخر ننتمي له
عساه بالجنة بروض ن له اضلال
ندعي له الرحمن في كل ليله