مع التحيه للاخ ساهر

الى ساهر للمرة الثانية

هذه خرابيش بسيطه بيني وبين الاخ ساهر بصراحه مزعلني في تدبيل المخالفات
وبعدين ياساهر وبعديــــن بعديــــن = انشهد انـك بلشت (ن) مابعـــدها
حطوه بالشارع وعلـــــــى اتجاهين = الرايحه والجــاي يحصــي عددها
اكله من جيوب الضعوف المساكين = اللـي ظروف الوقت هدت جهـدها
يسحب ولاتكفيـــــه كل الملاييــــــن = اللي من الشعب السعودي حصدها
خلف الكباري موقعه بين سيديـــن = وسرعتك لوزادت شويـــه رصدها
لايرحــم الحالـــــــه ولايقدر الديــن = واللي يتعرض لـــــه يروح بيدها
الله بلانا فيــــــــه مع وقتنـــا الشين = والظـــاهر ان القـــادم أمر وادها
منصور الضحيان

رد: مع التحيه للاخ ساهر

منصور قال وقوله الزين وساهر اشهد كبدي لهدها
يعطيك العافيه وصح لسانك