ردي ...خفوقي

مساكم الله بالخير جميعا

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
[poem=font="simplified arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
البارحه والمشاعر حيل معتفسه = والمشكله حايره بحلولها الصعبه
ياشينها لاخلا الرجال في نفسه = وده يفكر وهي مافارقت جنبه
مايوم جربت ابد بلحالي الجلسه = والبنت غابت وغيبتها غدت غبه
آخر هجوسي لها....تسمّع الهجسه = ماهيب والله ياكل الغلى لعبه
تجين حتى دخلتي القلب مندسه = وتحركين الهوى حبه ورا حبه
وتولعي الشوق عقب اطفاه في حسه =وتنوري بظلمة احلامه ضوا اللمبه
لينه تولع وصار يدور الهمسه = وانتي كبرتي وتربعتي على قلبه
الى تعب دوّر من يدينك اللمسه = والشوق يتعب معه واحيان يتعب به
جيتي بظلمة خفوقٍ مااحترى شمسه = و ولعتي النور فيه وبيدك الرغبه
واليوم نفسه من مفارقك محتسّه = مانيب مانعك لكن طفّي اللمبه
وردي خفوقي مثل ماكان ابد نفسه = صعبه .؟ وفرقاك اجل فيني بعد صعبه[/poem][/poem]

وسلامتكم