((ديوان الشاعر:مـعـيـض بن عـريـفـج))

رد: ديوان الشاعر معيض ابن عريفج

[align=center]هذه القصيده موجهه الى الاخ العزيز ماضي بن منقل بن مرسال العنزي[/align]


[poem=font="arial,5,darkred,normal,normal" bkcolor="transparent" bkimage="" border="double,5,darkblue" type=0 line=0 align=center use=ex num="0,black"]
يـاالـلـه يالـلـي كــان قـلـت لشي كـن بالحــال كان = ان شئت فانت تكونه مابين كاف وبين نون



يـانـاصـر عبـادك هــل التوحيد وانت المسـتـعان = ومـن امنـوا لاخـوف علـيـهم ولاهـم يـحـزنون



يـارب تـفـرج ضـيـقة(ن)تصبح بها العشرة ثمان = يـدوخ فـيـهـا صـاحي التفكير من قو الطعون



البـارحــه ياطـول لـيـلي بـيـن خوف وبين امان = واليـأس يـغـلـبـه الأمـل بالله في كل الضنون



من هاجس(ن)يلعب على الحبلين وعقدهن متان = يـلـعب عـلى الحبـلـيـن والحبلين بعروق المتون



تـلـفـي ضيوف(ن) مـاتـزور الا معـنـيـن الزمـان = والكـل مـنـهـم يـفـتـح البـيبان بالصدر ويمون



مـاكـنـهـم غـيـرازدحـام الـلـي يــقـيمون رمضان = ان جاء الامام وقال بـسم الله عبر الميكرفون



كـل(ن) يـوديـنـي عـلى رايـه ولـه درب ومكـان = وقـامـت شـياطيـن المعنى يـلعبون ويرقصون



مـابـيـن صـحوات العـقـل مابـيـن نزغات الجنان = اشــوف بـعيوني ثنين الانس وازوال الجنون



نــوب ابـتـســم واصيـر بـخـلاقي خلوق وبهلوان = ونـوب يـتـعـقــد ناظري واترجم الونه لحون



واسبـح مـع الطاروق واجـاري طـروق الغيهبـان = وانـسـق بـيـوت القـصيـد بكل شكل وكل لون



تجـي المـهـار الشـاردة مـن غيـر سـرج ولاعنان = ثمين احط السرج وخطام الرسن بين العيون



خـيـل(ن)من خيـار الخـيـول اللي بـها مــايســتهان = تنساق لعيال الظهور وترفض عيال البطون



تنساق لك ياماضي المرسال من قلب ولسان = وانته مـن الـلـي بالمواقـــف ينـتـخــون وياقـفون



يا مـحزمـي فـي ساعة(ن)يكرم بها المرء ويـهان = وان كان معي السيف ابو حدين فاعداي يهبون



الـلـه يـعــز الصـقر ويخـيـب طـيــور البـغـبـغـان = ومن يشترون البغبغانه والله ان مايربحون



والا الصـقر يـعجـبـك فـعـله فـي نهـار الامـتحـان = راعيه صدره منشرح واهل الوكارى يزعلون



ملـيـت والـلـه يـابن عمي من فلان ومن فلان = إيـلـيـن طاب الخـاطـر مـن اقـوال مالايـفـعــلــون



الحمل يبغاله جمل وانت الجمل وانت الحصان = والنار من شبابها وانت اول اللي ياصلون



السالفه طالت وعرضت من زمان اليا زمان = وبعض مراسيل البشر دون الحراوي يرجعون



وانته ليامـنـك فتلت الشارب تجيب السمان = وشرواك مـن بـيـن النشاما يذكرون ويشكرون



واليابذل جهده رفيقك مايذم ولايدان = ومـن لايـقــدر مايـقـدر والنشـامــاء يـفـهــمــون



ومن مدت يدينه وفاء يؤجر وبأمر الله معان = واكثر فقارا الشعب محتاجين لاكن يستحون



ولاتواخذني تراني ضايق وحنا اخوان = واهل الوفاء هم مزبن الخايف عساهم يسـلـمون



واسلم وسلملي على اهل الطيب في ايت مكان = واسمح وسامحني على التقصيروالطيب يمون


[/poem]

[align=center][align=center]وسلاااااااااااااااااااااامتكم[/align][/align]

رد: ديوان الشاعر معيض ابن عريفج

[poem=font="simplified arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]

مشينا من الدمام والجو فيه غبار = على مور سيدس نوعها سوبر تريله

مشينا صلاة الظهر والجو عج وحار = محمل حديد وموتري باردن حيله

من حر اللهيب شوي والا يذوب القار = ولافيه بالموقف من الحر تقييله

ولابه مكيف والغماره سوات النار = وبنشر بنا التيدروبازت صواميله

وخويي تضايق من هدومه ودمه فار = وتغيرعليه مذهبه ويش اسويله

وخويي حياته كلها موتره فاكس ار = ولاتعود للطريق وبهاذيله

نــا وخـويـي بـيـنـنا حالت استنفار = ومن الزعل كلاً تلثم بمنديله

ان قلت له مسيت بالخير زعل وثار = وان جيت تصلح بيننا مالك الحيله

ماعاد ينفع لاتفاهم ولا معذار = وبليس ملعون الجدف مسرج(ن)خيله

من شافنا دفع البلا قال ياستار = ذولا مهبل مير منهم مهابيله

وخوينا والضيف واللي بطرفناجار = نشري رضاه ولاتجي صوبهم ميله

لابد مايرحل ويبقى لها تذكار = اما ونعم والا مسبه وترزيله

نبي ندارجها الياتالي النهار = وان قفلت واحد من الاثنين ياويله

حداني على اقصايه وانا من التعب منهار= وانا قبلها مانمت يومين مع ليله


وســـــــــــــــــــــــلااااااااااااااااااااااام ــتــــــــكـــــــــــــــــــــــــــم
[/poem][/quote]

رد: ديوان الشاعر معيض ابن عريفج

[poem=font="arial,7,red,normal,normal" bkcolor="transparent" bkimage="" border="inset,8,darkred" type=0 line=0 align=center use=ex num="0,black"]
وسع الخاطر وسولف ترى الدنيا بخير[/poem]

[poem=font="arial,5,darkred,normal,normal" bkcolor="transparent" bkimage="" border="double,4,green" type=0 line=0 align=center use=ex num="0,black"]
وسع الخاطر وسولف ترى الدنـيا بخير = والاجــل والــرزق بـيـديـن رب معـتني

وابـذل الاسـباب والـلـه عليماً بالمصير = وزيـن السـيـسـان والبـيـت عـقـبـه يبتني

ولاتحسف عند ماضـيك يالوجه السفير = مانـهــجـت بـه ســود الايـام لـك مـاينثني

مــايـلـــد رقـبـتــه لغـاربـه غير البعير = انــتــبـه قـــدام لـدرب ان طــاوعــتـنــي

كـان مالـلـه كـاتـبـن فـقر ماتمسي فقير = وكـان مـا الـلـه كـاتـبـن لـك غــنا ماتغتني

وكـان مالله كاتبن عافيه تمسي ضرير = وكـان ما الـلـه كـاتـبـن شـر كل شي لك هني

مـالـك الا الـلـي مـقــدر ولو انك تطير = تـقـتـنـع بــه غصـب صـدقــت او كذبتني

والزمن يومين يموم(ن)عبوس ن قمطرير = ويوم صبحه يشرح الصدر والجو اردني

ان قلب ضدك زمانك تحيزم بالجرير = ويتعب الفلاح بالزرع يطمع بالجني

واحتزم بالقلب الاصمع وبالسيف الشطير = ولعن ابو سيفن من ادنات ضربه ينثني

كان ماتشرب بيمناك من جم(ن)غزير = ولو عطاك اقرب قاريبك به ماتهتني

وكان هب النود في ريحة ازهار العبير = خذ من الدنيا كفايتك لاتصبح دني[/poem][/quote]

رد: ديوان الشاعر معيض ابن عريفج

[poem=font="arial,5,darkred,normal,normal" bkcolor="transparent" bkimage="" border="double,6,green" type=0 line=0 align=center use=ex num="0,black"]
ياعنزه تكفون ياهل اللمواقف والوجاه = ياهل الفزعات والفعل باليوم الخطير

يازحولن تنطح المعسره ربع(ن)دهاه = يالجبال الصم واعمق من البحر الغزير

متعب ينادي وتكفون لبو له نداه = والنقذو متعب من القيد والسيف الشطير

ياهل الفزعات تكفون في كل التجاه = عتق رقبه اجرها شي عند الله كبير

والردى مافيه خيراً ولارجل(ن)جناه = والمهونه مايواطن لها غير الحقير

ويش خانت رجل مايدفع الا في عشاه = مايخاشر معه الاجواد ذا مافيه خير

ياقليل المال لاتيئس اسباب الغناه = وياكثير المال لاتامن ان تمسي فقير

والله ان المال يكثر من السباب الزكاه = كل ممسك يسلط الله على ماله سعير

انهضو نهضة مصلين ان قام الصلاه = كان قال الله واكبر نهض جمعاً غفير

ياحلو بسمت سجين(ن)بعد يبسة شفاه = بعد ما الله يسر امره وبشره البشير

وقالو ابشر بالسلامه وابشر بالحياه = وربعك الويلان فكوك من سوء المصير

وغادر العنبر وودع رفاقه واخوياه = والدموع من الفرح وسط عينينه تحير

تخيل انك انت متعب السألك بالا إله = اوصف شعورك فا يمكن من الفرحه تطير

مسلماً قدر عليه الله بشيء وابتلاه = والمصايب كل يوم(ن) على المسلم تصير

مير يالويلان ياهل المواقف والوجاه = ويش تنتظرون والوضع ياربعي خطير[/poem][/quote]

رد: ديوان الشاعر معيض ابن عريفج

[poem=font="simplified arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
ياهل منتدانا سيداته وساداته = عموم الجميع الحاضر يعلم الغايب

عضومراقب مشرفين ومشرفاته = زائر مديرونايب ونايب النايب

سلامٍ من الله ورحمته مع بركاته = على البنت واخو البنت والآم والشايب

من اخوٍ لكم يهديكم اجمل تحياته = عسى جوكم طول السنه صافي وطايب

شاعر ويهديكم من اعز باقاته = وعسى الله يهاديني على المنطق الصايب

قبل مايلملم كل عفشه وحاجاته = مايبي يخلي مكتبه بينكم سايب

يبي يهنيكم ويترك بصاماته = من العايدين وكل عام ولكم أيب

من العايدين الفايزنٍ بمرضاته = وانتم بخير من اضغر البيت للشايب[/poem][/quote]

رد: ديوان الشاعر معيض ابن عريفج

و*16[align=center]صبــــرك عــلــى نـفـســــك[/align]

[poem=font="simplified arabic,5,darkred,normal,normal" bkcolor="transparent" bkimage="" border="double,5,darkblue" type=0 line=0 align=center use=ex num="0,black"]
صبرك على نفسك ولاصبراصدق اصحابك عليك = واشـتال حملك طا لما ان المشكلات صغيره

قـدام تـتـســع القـضــيـه ثـم تطـلع مـن يــديـــــك = كــم واحــد(ن)كــثــر تـمـاديه بأمــوره حيره

من قبل مـاتــلـجـا لشـــخصن ماتـبــيــه ولايـبيـك = والنـفـس تصـبح مجبره للكره ماهي مخيره

وتـنحــد لـلي ماتبـي شـوفه ولاهـو يـشــــتـهـيــك = وبعض المواقـف تجرح الخافق وتلعن خيره

ولوسـاعـدوك اصـحابـك بـهـذيـك والا فـي هـذيك = يـجـيـك يــومــاً بـه تشـــوف وجيههم متغيره

ان كــان ماتشــرب مـن الماء الصـافي بفعل يديك = يوقفك راعي البل عن الماء لين يروى حويره

واصــحاب طـنـخات الرخا ان شـان وقتك ماتبيك = تـطــرد حـمــام ن طار والا تطرد اللي طيره

الطـيـب الـلـه يـنـصــره درع ن وســيفن يحتميك = جـنب وجيه اهل الردى وانص الوجيه الخيره

والـلــي عـمــل مـعـروف جير موقفه تجيير شيك = وراعـي الـردى مـأيـمنع انك ماعمله وتجيره

والفـرع من ساس الاصل والاصل ساسه يحتويك = ان اعــجـبــك اومـاعـجـبك ماتسـتـطيع تغيره

والخـال يـورث لـك صــفاته قبـل صــيفت والديك = وكـلـك خـطا وان شــفت مخطي لاتقوم تعيره

ولانــتــه لحــالك بالــزمن اللي على غيركك عليك = ولايـنـحــنـي لـلـخوف راســـك والحياة قصيره[/poem][/quote]

رد: ديوان الشاعر معيض ابن عريفج

[align=center]وجد صدام العراقي قبل يوم الاعدام[/align]

[poem=font="arial,5,darkred,normal,normal" bkcolor="transparent" bkimage="" border="double,5,green" type=0 line=0 align=center use=ex num="0,black"]
يالحبيب اللي ماغيرك على روحي يمون = ولاعلى بالي ياغير انت ياعذب الكلام

اشهد اني مغرمٍ بك الى حد الجنون = وكثر خيري كان ماصاربي منك انفصام

شاردن فكري بذكراك مدري وين اكون = داخل(ن) في عالم الوسوسه هي والهيام

قل لحسادك وحسادي انتم وش تبون = ابتعد يارجل عنا وروحي يامدام

مالكم ذمه وامانه ولاانتم تستحون = والنميمه عيب في غيبة الشخص وحرام

واقبلي ياشمعت الكون وعلاج الطعون = عالجي من في محبتك هايم واستهام

انعشيني يانسايم هكا الصبح الفتون = لاتنفس صبح وجهك ورمش العين نام

نام نوم السلهمه من تحت هكا الجفون = وابتسم ليه محياك في احلا ابتسام

واه يالبيه يااليل من فوق المتون = ومهرتن ماحط فيها عنان ولاخطام

فيك من لون الدلع والحيا والزين لون = وبك براءات الطفوله وهيبات الحشام

والوقار اللي على شيوخنااصحاب الدقون = هو عباتن لك وقفاز كفك واللثام

زينة الدنياء هو المال ايضاً والبنون = وانت وحدك مال وابناء عندي بالتمام

والله اني عقب فرقاك عايش ومغبون = مابقاء بميزان صبري من عزومي جرام

من يوصل له كلامي ويعطيه اللحون = من بشر والا من الزاجل طيور الحمام

الهواوي لوتبسم مع اللي يضحكون = راقبه باليل تلقاه صاحي ماينام

ان هدى اليل المداليه وازداد السكون = دوره تلقاه قاظم على راس البهام

ياوجودي كل ماشفت براق المزون = وجد صدام العراقي قبل يوم الاعدام

انفرد بي عن هواء البيض مكحول العيون = ساقني سوق المكلبش تحت ضغط النظام

عشت وضع القاتل اللي مصيره بالسجون = من كثر خوفه من الموت دين واستقام

مرة(ن)يتخيل انه مع اللي يطلقون = ومرة(ن) يتخيل السيف قصاص العظام

اهل الحق حلفوبه واهله يحاولون = وغيرذالك فيه قاصر قبل وقت الفطام

توني مليت من قول هونها تهون = يوم ورى يوم والعام يمضي بعد عام

كيف احرر قلبي من الأسرمهما يكون = من قبل مراسم اهل العزاء فيني تقام

من وليف(ن)شال قلبي وخلاني بدون = ومن فقد قلبه وعقله حقيقه مايلام

ياقبورن ضمة اهل الغرام السابقون = اللهم اجعل قبورهم برد وسلام

انتم اللي سابقونا وحنا اللاحقون = شاءت الأقدار ونصير من قتلى الغرام

ياوجودي كل ماشفت براق المزون = وجد صدام العراقي قبل يوم الاعدام[/poem][/quote]

رد: ديوان الشاعر معيض ابن عريفج

ياصبااااااااااااااااح الخيييييييير

[poem=font="simplified arabic,6,black,bold,normal" bkcolor="transparent" bkimage="backgrounds/27.gif" border="double,6,black" type=0 line=1 align=center use=ex num="0,black""]
ياصباح الخير ياوجه الرضا الزعلاني = صح نخطي صح نزعل مير مانطولها
والرضاء والغيض مخلوقه مع الانساني = والثرياء بالسماء مايختلف منزلها
انت تدري انك اغلاء من اعز اخواني = ونطفي الفتنه وشيطان البشر يشعلها
تعرف ان اكبرعدوللمسلم الشيطاني = لاتقول طنش تعيش وربك يسهلها
طالبك طلبه من احساسي ومن وجداني = ان بيبان الزعل من بيننا تقفلها
لوحمد دايم يبي ياخذ على حمداني = كان على الدنيا السلام ومابها بأكملها
والقلوب الياتعافت صحت الابداني = والرياء والكذب كان احتلها يقتلها
والقلوب البيض لو تنباع بالدكاني = اكثر قلوب الخلايق ودك تبدلها
ثم تصير صدورهم ا وسع من الصماني = والنوايا طيبه الله يامجملها
مير هاذي خلقة(ن)للواحد الرحمني = الله اللي يهدي الثقلين او يضللها
ليش تزعل والعمر والكون كله فاني = اخر الدنياء الرواسي ربك يزلزلها
ويخرج المجني عليه وثم يجي الجاني = وكل نفس وماعملته ربك يعاملها
وعند ربك مايفيدك قول وش دراني = الرساله عندك من محمد من اولها
جتك مع هالصبح وردة فل من بستاني = وهقوتي ماترجع الورده تبي تقبلها
وانت قلبك واحت اليشموم والريحاني =وشجرة الغرقد عسى وجيه الغضب تاكلها
جاك عذري مع مناديبي بنطق لساني = هرجتن من قلبي لقلب الرضا مرسلها
وشوفني حطيتها في منتدى الويلاني = بمنتدى قصائد الاعضاء لك منزلها
بمنتداي اللي جمع بيني وبين اخواني = من حدى بنوك الدرر اللي الله مجملها
ولاتكدر خاطرك ترني معك زعلاني = وان نويت تصدعني صدتك كنسلها
[/poem]

رد: ديوان الشاعر معيض ابن عريفج

حبيبي ساااااااااااامحني

[poem=font="simplified arabic,6,white,bold,normal" bkcolor="transparent" bkimage="backgrounds/21.gif" border="double,6,crimson" type=1 line=0 align=center use=ex num="0,black""] من حـقـي اعـيـش وابي شي يفرحني = الـعـمـر كــلـه مايـسـوى الدمــع والنـوحي
حبيبي الرجوك كان اخطيت سامحني = وان جاء الخـطـاء مـنـك مايحتاج مسموحي
وانا بشر اخطي ولاخطـيت ناصحني = لـي عـقــل مـدرك وامـيـز وافـهـم واوحي
تعامـلك معي بالـطـيــبه يــريــحنـــي = واعامــلـك باحـتـرام ولطـف ومـزوحـــي
نعيش طـفـلين لاجـرحك ولاتجرحني = روحـي بـرورحـك وروحك داخل بروحي
تسـبــنـي مـن غـلاتــك تـقـل تمدحني = الـلي تـحــبــه مــالــه سـيـئات مـملوحي
اكـتـبـني بلـوحت احلامك واشرحني = واحـفظ حـقوق الطبع بأخلاص ونصوحي
وانا دخيـلــك لاتـكـتـبـنـي وتمسحني = وتـصـير دكـتـوري الـلـي ســبـب جروحي
وان كنت ناوي من احلامك تصرحني = بــاب المــفــارق لـلـي زعلان مـفــتوحي
واستر ماواجهت مافضحك ولاتفضحني = وسـر الـفـتى لاتـعــدى شــــفــاه مفضوحي[/poem]

رد: ديوان الشاعر معيض ابن عريفج

يـــــاوطنــــــــا

[poem=font="simplified arabic,6,white,bold,normal" bkcolor="transparent" bkimage="backgrounds/10.gif" border="double,6,green" type=1 line=1 align=center use=ex num="0,black""]
ياوطنا والله انك على الحاسد بعيد = السماء اقرب له من انه يقرب لك شبر
ياجبل دخان حنا جبال(ن)من حديد = مثل ثقلك مثل صبرك ترى فينا صبر
نروي ارضك من دماءنا بلاشرط(ن)وقيد = مانساوم في تراب الوطن لو هالكبر
البطل اما له النصر اويقتل شهيد = ياحيااة بعز والا الشهادة والقبر
ان سلم منصور والنصر عنده يوم عيد = وان قتل نال الشهاده وهذا المعتبر
العدو مهما يحاول حشى مايستفيد = وكان واجهناه ماعنه ردادت خبر
مرحبا بالموت والموت في حبل الوريد = ومرحبا بالجرح ويطيب والكسر انجبر
ومرحبا بالعز والا المذله للبليد = وناخذ من دروس صفوة عباد الله عبر
[/poem]

رد: ديوان الشاعر معيض ابن عريفج

الف شكر على تزويد

متذوقي الكلمه الجزله

بهذا الديوان الثري بمايثري الذائقه

الرفيعه

ولن يكفيه مني المرور على عجاله

ووجود ديوان لك هنا شرف للموقع ونحن كذل نتشرف

بتصفح مايحويه من درر

تقبل تحياتي

رد: ديوان الشاعر معيض ابن عريفج

كسر الخواطر

اقتباس:
المشاركة الأصلية كتبت بواسطة معيض بن عريفج
[poem=font="arial,6,green,normal,normal" bkcolor="transparent" bkimage="" border="inset,6,darkred" type=0 line=0 align=center use=ex num="0,black"]
كسور العظام تجبر ويجبر التكسير = وجروح الخناجر تلتئم ونتناساها
وكسر الخواطر ماله علاج بالتجبير = وجروح المشاعر دائماً تنزف دماها
لاجت من صديق(ن) مثل جساس مع الزير = وتسلل عليك بخنجر الغدر واركاها
ذي والله اللي تنتج الضغط التفجير = لين المشاعر منك تناثر اشلاها
واليانتهت بالقتل والنسف والتدمير = ماعاد باقي أي امال(ن)ترجاها
بألمها ماينفع لامسكن ولاتخدير = تزود وتجدد كل ماحل طرياها
ومن بعدها ماينفع اللوم والتحذير = اليافاتك اولها خذ الصبر بالتلاها
والله ان قتل الحد ارحم من التعزير = واخير من ناراً بالاقدام تاطاها
يموت النخل شامخ لوانه يجف البير = تحتها الضلال ويامن الطير بحماها
وحياة وممات البؤس والعارللخنزير = والاالنشاما كرم الله ملحاها
وجيه النشاما بيض وكفوف اهلها خير = ولايختلف مع طول الايام مبداها
بعيدين عن ترويج الاكذاب والتزوير = شهودها الافعال والصدق زكاها
وراعي الضميراللي ماينجح به التطهير= اللي يحسد الناس كان الله اعطاها
لسانه هذا زينه وهرجه وقلبه غير = ومرضى القلوب تحير الطب بدواها
وان كان عندك مصلحه عاملوك امير = نفسيتك كل(ن) يبي يكسب رضاها
واليانقطع حبل المصالح يطير الطير = وتصير مثل العين كان انتها ماها
اعرف الممثل والمخرجين والتصوير = لاتحسب اني ناقة الله وسقياها
حافظ مسلسلك المدبلج مع التقرير = واحط النقط فوق الحروف وتهجاها
وكل البشر تعرض على ناكرونكير = وماقدمت نفسك من اعمال تلقاها[/poem]

رد: ديوان الشاعر معيض ابن عريفج

الحياةافراح واحزااااااااان

[poem=font="arial,5,darkred,normal,normal" bkcolor="transparent" bkimage="" border="double,5,green" type=0 line=0 align=center use=ex num="0,black"]
ياصباح الخير ياحلى صباحاً بالوجود = ياشعاع الفجر والغيم وانسام العبير
يابراءاة الطفوله بالاعين والخدود = ويافرح ام ن تبسم لها الطفل الصغير
وكل ذونعمه من الله مع الناس محسود =وانت غير الناس والناس غيرك وانت غير
الله اعطى الناس حد وعطاك بلاحدود =وان عطاهم خير انته عطا لك شي اخير
لاتواخذني الياباحت اسرار السدود = ضايق(ن)بالي وضيق علي من العصير
وصرت محتاجك حبيبي وتمنعني قيود = وصرت ادور بدائره مغلقه بس استدير
ان بغيت اوصل العلم لك جاني برود = وثم خفت وجيت راجع مع نفس المسير
والحياء والحب وسط الحشاء مثل البارود = وانفجر قلبي وانا بين اقول او استخير
والقلوب الله يسامحك بالخافي شهود =وانت وسط القلب شيدة بيتك بالضمير
وصرت انا لك مملكة وانت مثل ابن سعود = بس تفرق انت مالك وكيل وزير
وانت لاستخدمت نجل(ن)وساع(ن)خرس سود = مع طروق البرقع اللي مطرز من حرير
تطرح الفين اسئله مار ماتلقا ردود = غير قولت (ااااااااااااه) من واحدن عمره قصير
وكل يوم وحبك بقلب من حبك يزود = لين صرت بقلبه ودمه ووسط النظير
كان عقلي ماسك(ن)قلبي وكلي صمود = وراح قلبي وتبعه عقلي وجيتك مغير
ان قضاء من اليل هود وبقاء من اليل هود = عفت لينك يالمخده وعفتك يالسرير
عيني اليا نامت الناس عيت لاتنود = كأني مكلف على اليل والقمراء خفير
والبلا ينتابني خوف وبذهني شرود = والأمل لولاه مايبذل الجهد الفقير
وجيت لك كالأعزل اللي احاطوه الجنود = جيت مستسلم ورافع يديه للأخير
مامعي الا قلب واحد وراح بمايجود = ليت لي قلبين وان راح حطيت الاسبير
ترني احساس ومشاعر ولاحتمل الصدود = والغلا والولف يقضي على قلب البعير
لعن ابو شيطانك ارفق عساها ماتعود =ساعة(ن)فيها عرفتك وخلتني اسير
والعيون الناعسه تأسر قلوب الأسود = والأسد يسلم الأمر00 لو00يزئر00 زئير
استلمني طالماني على رضاك محدود = الغلا اللي حدني والغلا شراً شرير
ماعشقت الا من الصيد طرقاناً عنود = ومشكلتها نسمة الريح منها تستذير
ايه تستاهل محبتك يالغرو والودود = وابشر اني معك مهما يصير اللي يصير
ارق بي وارقابك ارقابك ارقابك سنود = لوتبينا نطير يم السماء قل طر واطير
حطني بالضل والشمس واهجها يكود = ودفني بالبرد يوم الهواء جاءله صفير
ياعريب الفرع والساس وجذور الجدود = لاتوديني بحبك الى سوء المصير
شوف لي حل بحياتي ترا همومي وفود = كان عندك هم واحد معي جمعاً غفير
والحياة افراح واحزان واخرها اللحود = يالله انك تشفي الجرح والعظم الكسير
فلها لازان وقتك تر العمر محدود = واحتزم لاجاك يوم(ن)عبوسن قمطرير[/poem]

رد: ديوان الشاعر معيض ابن عريفج

[poem=font="arial,6,firebrick,normal,normal" bkcolor="transparent" bkimage="backgrounds/14.gif" border="double,5,green" type=0 line=0 align=center use=ex num="0,black""]

لاباس لاتشتكي ضيقتك ياصدري = الصبرمفتاح الافراج ومعاوينه
خلك على لازمك حازم ومن بدري = وخلك على زلت اصحابك وسع لينه
ان جا الخطا من غشيم (ن) ماعرف قدري = علمته العلم من بيني ومن بينه
وتركت كلب الخواجه بالسعه يجري = ولا ني خواجه ولاني من محبينه
والراس مرفوع بين الناس من صغري = واللي يترجا البشر ماهم بمرضينه
ويامتني العذر عن حملتك لايطري = ولاتعتذر شيل حملك في مضامينه
اصبر مادامك بغيب الوقت ماتدري = يمكن تجي تاليتها من الولي زينه
اصبر لوان الصبر محسوب من عمري = ولاابا التجي للمسيكين ومساكينه
وماقدر الله يجري لازم(ن) يجري = غصب(ن) على صاحي الوقت ومجانينه
واليل عقب ظلامه يرحل ويسري = والشمس لابينت كل(ن) معه عينه
ولاتنحني للهموم وتنكسركسري = وان طاح صدرالجمل كثرت سكاكينه
والموووووووت طعن الصديق بخنجر الغدري = وخان الصداقه وثبتها بشرايينه
[/poem]

رد: ديوان الشاعر معيض ابن عريفج

[poem=font=",5,darkred,normal,normal" bkcolor="transparent" bkimage="" border="double,4,green" type=0 line=0 align=center use=ex num="0,black""]
حبيبي ياذهب يالول يامرجان ياياقوت = احبك وا نت حبك فوق حب اهل الهواءسامي
دخلت القلب ماستاذنتني من قبل اقول لك فوت = واليااحتليت قلبي وش تحرا غز الاعلامي
غلاك اتنفسه واشرب منه وايضاً خيالك قوت = ابي اشرد منك في فج الخلاء والقاك قدامي
وانا اعلن لك ولائي واقتناعي بك بأعلا الصوت = وابصم لك بكل العشر ماهو بس ببهامي
احبك وانت حبك ثابتن وسط الحشاء منحوت = كما نحت ن على صم الحجربركون الاهرامي
وانا احفض المحبه يوم يهمل ركنها السربوت = وانا مجنونك اللي ماصحى من سكرت العامي
وانا اقول ان سحرك فاق تأثيره سحر هاروت = وتوزع مع شرايين الفؤاد وخش بعظامي
دخيلك لارحلتي ودعيني من قبل لاموت =ابيك اخر ماشوفه من جميع الخلق قدامي
دقايق بس اشوف الثلج والجمر الحمر والتوت = وبعدها نفذيبي من عيونك حكم الاعدامي[/poem][/quote]