((ديوان الشاعر:مـعـيـض بن عـريـفـج))

[poem=font="simplified arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
يــــاطــلة الصـبح بعـدالفجر ساعة بدا = يــانســمـةٍ مــرت الــوادي وزهرالورود

يـاريحـةالياسـمين اللـي عـــليــه الـنـدا = يابـســمةالطـفـل بـعيـون الحـنـون الـــودود

يافرحة النصرعقب مـــجابهات العدا = يـاطـشـةالمـاعـقـب يـبــس الحـشــاوالكبود

ياقمةالزين والطـيبه عـــفـاف وهـــدا = عـــقـــل ورزانـــه إيـــلاهـيــه بـليـاحـدود

الله يحرسك من اهل الشرواهل الردا = ويالله عـسى مـاتـنـظــرلك عيـون الحسود

يامــهــرةٍ لاهــي تباع ولاهي تنهدا = من افضل خيول الوليد ابن طلال السعود

هي مـنـوت اللي لياصـكـوعـلـيـه يحدا = يــردهـا للمتلي غــصب مـاهــوشـــرود

واليــاتـنـقـض جـديـلـه لــون لـيـلاًهدا = خـيــم عـليــة الضــلام وثــم ســاد الركـود

صــدره وخــده قـمرينٍ بـجـسـم حددا = يفصــلهن الـعــقـــد في عنقن زهيه العقود

والعــين عيـن اشـقراًيســمع لأسمه ندا = اليــارتــفـع رمشـهـن خرسٍ مضاليل سود

عسى ضحايا العيون الناعـسات شهدا = مثـل الـذي قـتـل مـن دون الشـــهاده يـذود

اليـانـظـرلي بسـودن خـرس مالي جدا = اخــطـر مـن الحارق الخارق بسهم البرود

واهـــل الـهـــوا كـلا ً يـقـدم حيـاتـه فدا = ونــمـروقـيــس الملوح والخـفاجي شهود

والــحـب حاكـم ظلوماً مال ضلمه مدا = اشــد مـن ظـلـم هتــلـر بـضــطهاد الجنود

يــاكـثــرناســن تضاهـر كأنهم اســعدا = والــهــم بـيـن المـحـانـي كـل سـاعه يزود
لابــعـيشـتن راضيـه ولابـحيـات زهدا = ولايــضــيـع الأمــل مـهـمـا تشـــد القيــود

امــل فـقـيـرن يـكـد ولا يحصـل غــدا = ولاهـوبـمسـتســـلمـن للــفــقــر لين اللحود

مثـلي ذهـب كـل صبره واجتهاده سدا = وانهرت عقب النخاوي والصبرو الصمود

اليــازعـلة ونـظـرلي قـلت عمـري فدا = كــــل شـــي يــهـــون الاالجـفا و الصـدود [/poem]