((ديوان الشاعر:مـعـيـض بن عـريـفـج))

[poem=font="simplified arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black"]
الا ياحمامه لاتنوحين كثر النوح = ماينفع لونك طول وقتك تنوحيني

لوان الونين يوسع الصدر به مصلوح = ماضاق صدري ثانيه يالمسلميني

كاننه على غالي ونينك فاهو مسموح = ترايه مجرب هم فرقاء المحبيني

احس ان نوحك نوحت الخاطر المجروح = وعلى نغمة الحانك تراقص شياطيني

احس انها ونت حزين(ن) من اقصى الروح = وحس ان فيك الهاجس اللي لعب فيني

الاليت ان جنحانك معي يوم اجي واروح = ابي يوم الضيق لدار خلي توديني

واباموح جنحاني مع الجو صوبه موح = واجي فوق حي(ن) ساكنه داعج العيني

واحلق على بيته واوقع على الاسطوح = على قمة الخزان وانظر حواليني

وان شفت الاجوا هاديه وابعد المشفوح = وتلفزونهم طفوه والناس نايميني

ثم انزل على شباك غرفت هكا المملوح = وان نامت عيون الاوادم يناديني

اليا صك باب الغرفه اللي قبل مفتوح = فتح درفة الشباك اللي بينه وبيني

قال ادخل وجيته وابتدى الهرج والامزوح = ونسيت الهموم وكل شيءٍ معنيني

ولاقال حياء على الصلاة الفجر له ضوح = توادعت منها وشهرنبي جناحيني

وانا شاكرك ومقدرك ياحمام الدوح = لو اليا طلبتك هالجناحين تعطيني[/poem][/