الشــعر"!

صباحكم جنه ورضى !!

شكراً كثيفه لأبو مشعل !!

[poem=font="simplified arabic,6,white,bold,italic" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black""]


ما للشعر يالجنة الشعر دستور=أحساس و الإحساس عالي مقامه
تهيم فيه أذواق و يحرك شعور=أليا همــا بيــن .. الحنايا غمـامـه
والناس كلن له قناعه ومنظور=والشعــر أدب يفرض علينا احترامه
الشاعر اللي مالوى أرقاب جمهور=في عذب معناه .. وجزالة كلامه
أن قام ضربة حض وأن عاش مغمور=ما أرضى ضمير ولاسلم من ملامه
لو انكشف وجه الحقيقه عن الزور =ما قام حظ اللي .. دوى بـه هيامه
الشعر أدب وأوزان وأجراس وبحور=من يَخْبرْ اللي ما صحى من منامه؟
ليته سكت لاهان والحال مستور=ما صار بوجيه .. القصايد علامة
لكن مع الشيله لو البيت مكسور=هيجـن و با لإطرى رفعنا مقــامه
وين أنت يالراي المحايد مع النور=هل مثــل هذا .. يستحــق الزعامة
الشعر ما هو حرف يكتب على سطور=يشهد به اللي ما نعرف وش مرامه
الشعر صوت أجيال واحكاية عصور=من فجره الأول .. ليوم القيامة!!
الشعر ناره قاتله .. كل ديجور=يعرف بها درب الظـلام وعسامه
قولو لبن عبار و الشعر مدمور!!=سمعه شكا صوت الوزير و غلامه
جاب لسدانة بيت مبني ومعمور=بيض الـورق يبصـم عليها بهامه.!
طرادت الشهرة و عبادة الجور=سادوا بها .. مثل القصيد وختامه
معهم على غصن الشجر كل عصفور=رفرف لهم .. جنحان طير وحمامه
وسط السما وليل النهايات مستور=في دولة المليار .. علق وسامه
زفو له الفرصة وسمعوله حظور=وأكثر كثير الشعر .. ضاع بـكلامه
طوبش بها ذنبن رجيناه مغفور=حتى نصب بسم .. المعالي خيــامه
بليغ هرج و بالبديعات مشهـور=شاعر خـيالي .. لا سمعنـا غرامه
هم شددو له قبل ما يسبر الغور=مــن قبل ما يفرض علينا نظامــه
هيهات يا هيهات يا بناية الدور=حــطوا على ظهر البعير وسنامـه
إيلافهم سوق الشتاء صوت محصور=بين العراق و بين نجــد وتهامــة
قدامهم حاكم وساقي وناطـور=وقصرن عظيم من الذهب والفخامة
يوم حظروا عاشوا به سنين وشهور=وصاروا مثل تاريخ زرقا اليمامة
ورث لهم لو كان شانن ومبتور =وتناقلت عبــر الزمــن فوق خامة
وقلنا وحنا نبدي الرأي والشور=لجو عتواً وأكثروا في خصامه
ماهو كذا يا منبر صوته الزور =ولسان ألامـــه مــا جهلنا كلامــه
يكفي عن الإشباع في منتجع بور=وحنا عرب وشلون نرضى الرخامة
قلنا عرب"يعني مقامات وحضور =تاريخنا تاريخ .. نصر وزعامة
دسنا خطر ليل الروافض بعاشور=اللـي على الخيبة .. تعم العمامة
من عصر أبو العباس من قبل هالدور=رايتنا للـدين .. ترفـع علامـة "!
ما فيه شين كان حيز ومحظور =لنــا لنـا هـدي .. النبــيَْ ومقامـه
نورن يشع النور من باطن النور=حــي على .. الجنة وموتت كرامه
لاعشت يا سيبكس ولا أنت بلفور=مــن صومعة قسيس قُدْسْ قيامـه
عند الوصول ودق الأنقاس والسور=أليا بدى صوت التحيات صامـه !
شفهم مع المشراق لاستحلف الجور=وانظر لنا في عين شعر و شهامـة
وتحقيق الأول فالبطولات بالدور=وفوزن من الإعلام شفنا و سامه.!
نطرد من الغايات والدين مهجور=والمركب اللي غارقن من حطامه
عزي لنا من واقعن صار محظور=نبغى السلامة مار .. ما من سلامه!

[/poem]