عليك الله

عليك الله عليك الله من السائل من المسؤل
غريب الدار والمله يحارب صاحب المله

الياقست السماء بالعرض يمدي لك تقيس الطول
ولو كان الذكي تال الزمن يحسب قدر ضله

واليا مرت علي الهرجه اللي مالها مدلول
ماضيفها وعندي ياعزيزي مالها حله

لو أن الظرف قاسي والليالي جورها مدبول
تعنز بالصبر والطاعه اللي كلها لله

وتخير بين اصاحيبك وخاو من العقول عقول
يجي ورد الزمان اللي تنكر منبعث فله

ولاتقسى على اللي مبحرين أب عالم المجهول
نفوس الناس بين الياس والآمال معتله

ولاتأمن من الوديان يأتي سيلها منقول
ولو كان السماء قدام عينك صافيا كله

مساعد المزعل

رد: عليك الله

ولاتأمن من الوديان يأتي سيلها منقول
،،،،،،،،،،،،،،،،،، ولو كان السماء قدام عينك صافيا كله

صح لسانك ، أبدعت في صياغة تلك الأبيات
دائماً تأتي بالدرر الثمينة ...

مع وافر التقدير ،،

رد: عليك الله

عنز بالصبر والطاعه اللي كلها لله
^
ابدعت والله ياشاعرنا
صح لسانك لاخلا ولاعدم

رد: عليك الله

صح الله ابدانكم يالعزوه

رد: عليك الله

صح الله السانك ابو مزعل