بيت شعر تهديه للي بعدك --

رد: بيت شعر تهديه للي بعدك --

بشروني عنك ما يدرون عني=ما دروا باللي شغل فكري وظني

اتسمّع للحكي بك واتحفّظ=خايف دقات قلبي يفضحنّي

كل ما سمّوك باسمك فز قلبي=والضماير والمدامع شاغلنّي

يا حبيبي يوم جنبت الحبايب=عفت لجلك كل من قبلك فتنّي

من عرف قربك عرف طعم السعادة=وإن تشطّرت أدرك غبون التمنّي

في هواك من العسل لذّة مذاقه=لكن حروس النحل عنها حدنّي

ماعد اسمع بك ولا اوحي فيك عاذل=والعذارى جهّل لو داعبنّي

لك عيون فعلها بي فعل ظالم=من عرفتك يالغضي ما ريحنّي

إن تفارقنا تغايا لي بليلي=وإن تقابلنا دهنّي واخجلنّي

رد: بيت شعر تهديه للي بعدك --

أيــّـوه .. قــلــبـى عـلـيـك الـتـاع=مـا يـحــتـمـــل غــيــبـتـك لـيـلــه

عــسـاه عــســاه مـــا يــرتـــــاع=عــلــيــك يــا نـــافــــل(ن) جـــيــلــه

غـنّـيـت يــا بــو عــيــون وسـاع=مـن غـيـرك اقــصـد واغـنـي لـه

مـعــذور لـو صـرت بــك طــماع=مـن حــبــكــم مــا لــنــا حــيــلـه

الــقــلـــب مـــن يــمّــكــم نـــزّاع=لـو حــاولـــوا صــعــب تـحــويـلـه

مــانـيـب مــن عــاذلــى ســمــّاع=والـلـه مــا اقــطــع مــواصــيـلـه

مـن لام راعـي الــهــوى خـــدّاع=ســيـّـــور الايــــــام تــبــدي لـــه

ما ضاع عـمرى مـعـك لـو ضاع=مــاضــيــه والا مـــقــــابــيــلــــه

ســلّـمـت لــك خــافــق(ن) جــــــزّاع=عــســاك يــا زيـــن تــــاوي لــه

رد: بيت شعر تهديه للي بعدك --

يَ وسآدتي صفي الحكآيآت . . بَ / آلدور
وإحكي علي / وسلي [ أوجآع ] ، قلبي

رد: بيت شعر تهديه للي بعدك --




عظيم الجور لا صار الغياب يذكرك بغياب
لمست أول تفاصيل الوداع وعشت بجراحه
مشاويري تطول وتمتطيها ظلمة الأبواب
أجي لليل مضْوي شمعتي وتموت مرتـاحه !

رد: بيت شعر تهديه للي بعدك --




انفض إحساسك ولو يقسى كلامك
علّـم الي دآآيـم بهجرك .. موفّــق

لاتوادع ماني بحاجة سـلامـــك
إنت صد .. وشوف كم عاذل يصفّق

وإن رجعت إلديرتي خاسر غرامك
عذري إنك كنت حلم .. وماتحقق !
__________________

رد: بيت شعر تهديه للي بعدك --





اتنفسك واملى بك الصدر انفاس
.............. وازفر مع انفاسي تعب عشت انا فيه
اتأملك وأهمس لهالصدر لا باس
.............. ومع همستي يخفق لك القلب وأغليه

رد: بيت شعر تهديه للي بعدك --

من يقول أنساك!
يكذب مانسيتك.. كيف وانت القلب من دونك عصاني؟؟
انت لوتظمى من عروقي سقيتك..
وانت لوتبعد يصير العمر فاني..
وانت لويقسى زماني ماجفيتك.
كأن ربي عن هوى غيرك نهاني..!!

رد: بيت شعر تهديه للي بعدك --

من لايودك لا توده وترجيه... ارفع مقامك منه لو كان غالي

رد: بيت شعر تهديه للي بعدك --

تعبت عيوني بس أدور واراعي=و أنشد عن الزينات واشتاق واشوف
لاشك ما قد تاه فكري وضاعِ=ألين شفتك و أصبح القلب مشعوف
اللي داعاني لك من الحب داعي=داعي غرام للمحبين معروف
ملكتني يا بوعيون وساعِ=أسير حبك بين أياديك مكتوف
ليتك تخفف من عظيم التياعي=لو تبتسم لي شفتها منك معروف
متى يصير بنور عيني اجتماعي=و ألقى التّعب من سيد الأحباب مخلوف

رد: بيت شعر تهديه للي بعدك --

كل ما نسنس من الغربي هبوب حمّل النسمه سلام =و إن لمحت سهيل في عرض الجنوب عانق رموز الغرام

لك حبيب(ن) ما نسا .. كلمته دايم عسى =اطلب الله وارتجيه .. صبح يومي والمسا

كل زين اشاهده وانتم بعيد منوتي ليتك معي =و إن سهرت الليل اهوجس بك واعيد هلّ لاجلك مدمعي

وانت هاجس خاطري .. و انت فرحة ناظري =يا قريب و يا بعيد .. فيك امس وحاضري

نشوَتك تَلعب مع قطر المطر .. و انتشى قطره معك =والسحاب يطاردك بين الشجر .. خالق الزين ابدعك

الندى في وجنتك .. صار عطر بلمستك =و الهوا غنّى طرب .. تستثيره بسمتك

كلما ضمت عيوني منك طيف .. يا بعد كل الطيوف =قلت ما مثلك على الدنيا وصيف .. لا حشا مالك وصوف

لا سحاب ولا مطر .. ولا نسيم ولا زهر =ولا طيور ولا غزال .. ولا مع باقي البشر

رد: بيت شعر تهديه للي بعدك --

توك تجي وش عندنا لك ترتجي
لانا أنا ولا الزمان هو الزمان
ولا المكان هو المكان
ولا القلوب ذيك القلوب
اللي توقد لك شبوب
تقدرتعود ترجع تولّع أو تذوب
توك تجي

رد: بيت شعر تهديه للي بعدك --

فوق الغيوم غابت نجوم
تركت على عمري رسوم
تحكي لطلاب الهوى
قــصــة نوى
قصة كتبناها سوا
انت بجفا وأنا بعذاب
توك تجي

رد: بيت شعر تهديه للي بعدك --

توك تجي .. لا لا تجي
خلك كذا
خلك شذا من غير زهور
موجه على ظلمة بحور
خلك على مر الزمن لحن وشجن
عشته معاك ساعة هواك
أحسن تروح عني بعيد
أخاف تجيني واجرحك
لا...لا تجي

رد: بيت شعر تهديه للي بعدك --

قالوا لي العب قلت ما نيب لاعوب
=إلا مزوحٍ عند صافي الجبيني

الاعبه و افرح إلى صرت مغلوب
=و اشوف و جهه لى غلبني يزيني

و اطرب على ضحكه و هو حيل طروب
=و انادمه في لحظة أحلى سنيني

حبيبي اللي كل ما فيه محبوب
=ترخص له الدنيا و ما كان فيني

اللي يجيني كل ما غاب لاهوب
=أونس حرارة لاهبه في كنيني

و كني على غيره من الناس مغصوب
=و كن العمر ياقف بليا ظنيني

و اصير بين يدين الأيام مقضوب
=و الليل يجلد بالسهر موق عيني

يضحك بي الشامت إذا قلت ما أتوب
=و يحزن صديق العمر مما يجيني

ليته يغطي لوعة العاشق الثوب
=و إلا عيوني ما تبيّن حنيني

و إن كان تعذيب المحبين مكتوب
=على عذاب الحب ربي يعيني

رد: بيت شعر تهديه للي بعدك --

لا تقول ان الليالي فرّقتنا=لا تقول ضروفنا عيّت علينا
الليالي يوم ودك جمعتنا=يوم ودك كل شي(ن) في يدينا
ياسقى الله ليلة(ن) بك عرّفتنا=في شعيب شهار عن غيرك سلينا
من مغيب الشمس حتى طالعتنا=عن هل الدنيا نزعنا واعتلينا
ليلة العشاق والله ورّدتنا=مارد ذقناه لكن مارتوينا
ليتها .. ياليتها ماودّعتنا=ليت ذاك الليل ماراح وسرينا
يوم همّلنا الليالي .. هملتنا=كيف تعطينا وحنّا ماعطينا
الليالي عن هوانا مانهتنا=البلى حنّا على البعد انتهينا