ماذا تقول لــ الشخص اللي في بالك ..؟؟

الشدايد يـا جميلـه بالازمـات اختبـار = ينعرف فيها الضلا الطويل مـن القصيـر

كل ماذكر حالتك بين غـار وبيـن نـار = راحت الدنيـا بعينـي عبـوسٍ قمطريـر

تحسبن حبك محـاه التشـدد والحصـار = التشدد في المحبه هـو الشـر الشريـر

شغلهم ضدي وضدك يعمـر لـك وقـار = في ضميرٍ ماسكن فيـه قدامـك عشيـر

زارعٍ لك بخشةٍ من الزرار الى الـزرار = نبتها ملمسـك والعـود الازرق والعبيـر

شد حيلك لا يصيبـك فشـل وإلا إنهيـار = لا تصغر قيمتك وانت في عينـي كبيـر

لذة صبار الهـوا مثـل لـذة الانتصـار = لا تصدق من يقول الحسـد مافيـه خيـر

لا تغيرب ماجرا مـن قنـا مثلـك يغـار = كل شـي ينشفـا فيـه ميصالـه عسيـر

الذهـب دونـه حراسـه وبيبـاٍ كـبـار = والدرر من دونها هيبـه البحـر الغزيـر

غير لاتيس و تكتب على نفسـك قـرار = يدفعك سوء التصرف على باس المصيـر

لولا شحي فيك جيتك أجاهر مـن نهـار = غير ما يصلـح مقـام بـلا راي بصيـر

فرصتي ويقت حرارٍ على ماكر حـرار = ما يعـود فالمحـل الربيـب إلا البعيـر

والله ان اموت ما جاك من عنـدي بـوار = خل في قلبك ثقه والثقـه كنـز الضميـر

خذ كلام اللي يشوفـك بعيـن الاعتبـار = واحـدٍ مالـك بقلبـه ولا عقلـه خشيـر

والمحبه مدرسة شي ثبوت وشي فـرار = وانت درسي مع هل الحب الاول والاخير