![]() |
#1 |
![]() ![]() ![]() ![]() ![]() تاريخ التسجيل: Dec 2005
المشاركات: 4,036
معدل تقييم المستوى: 306 ![]() |
![]() حي الله الجميع و منورينا ![]() التجديد حلو.. و التذكير من وقت لوقت شي مهم.. لأنه ما شاء الله مستحيل يمر يوم ما نشوف سبعطعش يوزر جديد تشم ريحة الوكالة فيها ![]() والإقلاع عمّار بأعضاءه ![]() و حنا هنا حابين نبين شوية أمور يمكن البعض ما انتبه لها أو ما شرحت بالشكل المطلوب وشي مواضيع القهوة؟ القهوة على أسمها قهوة (أحلف).. مكان رايق نجتمع ندردش فيه وتحصل فيه كل أنواع السوالف الي تحبها لكن بأسلوب إقلاعي بعيد عن التكلف و الفصحى أو الدندرة في نقاشات مالها سنع.. القصص العيارية مرحب فيها طبعاً.. و سوالف شخصية ممكن حصلت لأحد أو سمع عنها يصيغها العضو/ة بأسلوبه وطريقته.. آخر الأحداث والمستجدات في مجتمعنا الكل يشارك فيها هنا ويطرحها للنقاش.. وبرضه مواضيع عامة ما تخضع لأي نظام منتدى ثاني . عادي أكتب أي شي في القهوة؟ أول شي وش تبي تكتب؟.. إذا هي خاطرة أدبية أو قصيدة فعندك الأدبي.. و إذا جايزلك مسلسل رح سولف عنه في منتدى الـtv.. و إذا ماسكة معك فلسفة ذاك اليوم وحاس أن فيه تناسخ أرواح بينك وبين فيصل القاسم سيّر على الجادة.. شيكوا على المواضيع المثبتة والمميزة في القهوة حتى تتضح الصورة أكثر.. موضوعي تقفل ليش الاستقعاد هذا؟ السالفة مهيب استقعاد وخل عنك الحساسية الي مالها داعي.. كلنا حبايب هنا.. موضوعك يا أنه أنطرحت فكرته كثير وفي أوقات متقاربة أو أنه موضوع تعبان(ن) فيه بس أنه هذرة سوالف مالها أول ولا آخر.. الأعضاء والزوار هنا يبون يقرون شي جديد وأفكار غير مستهلكة.. موضوعي لقيته في الي ردوا مسوين ظريفين علي!! أول شغلة كل أعضاء الاستراحه ظريفين وخفيفين دم ![]() ![]() ![]() ![]() طبعاً مواضيع رحبوا فيني هذي ماراح نتكلم عنها لأن العبرة بما تراه لا ما تسمعه ![]() لي كم رد أنحذف وأنا متأكد والله أني كاتبها لا تحلف مصدقينك ![]() يسلمووو يعطيك العافية فعلاً هذا الي صاير وش صار كمل القصة متابعـ/ـة أو أنك توزع ورد و ابتسامات بدون إضافة كلام.. أنت إذا كتبت موضوع تحب تشوف الردود متفاعلة معك وتحسسك أنها قرت موضوعك وفيه اقتباسات.. لكن عضو/ة يكتب موضوع مميز أو حتى غير مميز لكن ردك كلمة كلمتين فمعليش الشي هذا ما نقبله فيذا.. شغلة ثانية.. ومحشومين حبايبي.. لكن أحياناً يجيك الواحد مطنقر لسبب ما و يكتب كلمة أو رد مهوب يم جادة أبد.. في هالحالة شي طبيعي بينحذف الرد و يمكن يصير محاسبة للي كتبه.. خلك مروق و أنت تقرأ وتكتب عادي أشتشت؟ لا برضه لا ![]() لساني يحكني ودي أذب بس منيب أمون على أحد ![]() ذب و ماجاك علي ![]() ![]() ![]() + + + + + + + + + + + + + + + + + + بالنسبة للأعضاء الجدد أو الأعضاء المخضرمين لكنهم ما يكتبون مواضيع.. سيروا على المواضيع المثبتة والمميزة و أكتبوا.. لحد يحقر عمره يقول ما أعرف أو ما عندي أسلوب أو أنا بس أحب أرد.. كلنا عندنا تجارب وخبرات وقصص وكل واحد منا فيه مسيلمة كذاب جواته يعني أكتبوا وهلسوا علينا ![]() ![]() ![]() + + + + + + + + + + + + + + + + + + تبقى شغلة أخيرة.. كلنا مسلمين و قايمين بفرضنا الحمد لله.. وشي حلو التذكير من وقت لوقت.. لكن تنزل مجموعة مواضيع في فترة يومين ثلاثة و كلها وعظ ما يصلح.. بإمكانك تنصح و تذكر لكن بأسلوب جذاب أفضل من الكتابة بالفصحى و نصف الموضوع لوم للذات و تخويف!.. ما فيه مانع أنه يكون موضوع وعظ بأسلوب إقلاعي، وش الي يمنع؟.. ليش متصورين أن النصيحة لازم تكون جامدة ومتخشبة؟.. وهذا يرجعنا للنقطة الي فوق الي عن تقفيل المواضيع.. المواضيع الي أفكارها متشابهة سواء وعظ أو غيره راح تقفل.. + + + + + + + + + + + + + + + + + + و الخاص مفتوح لأي استفسار أو مساعدة لا عدمنا طلتكم البهية (بس الواحد يصير مفرش قبل لا يذب خشته ![]() ![]()
__________________
![]() |
![]() |
![]() |
الذين يشاهدون محتوى الموضوع الآن : 1 ( الأعضاء 0 والزوار 1) | |
انواع عرض الموضوع |
![]() |
![]() |
![]() |
|
|