لو ظروف الوقت درس ومن يجنـه علمنـه

[poem=font="traditional arabic,6,white,normal,normal" bkcolor="transparent" bkimage="backgrounds/22.gif" border="solid,9,gray" type=2 line=0 align=center use=ex num="0,black"]
راكب اللي لا مشا والا وقف بالوصـف كنـه =
=زول حر(ن) من يد الصقار طار ولحق صيده
والمزايا بالسعر عـن سعـر غيـره زودنـه=
=صنعت اليابان جيب وفيـه ميزاتـن جديـده
منوة اللي ضاق باله والهواجيـس ازعجنـه=
=طاريله ديرتآ مـن دونهـا الطرقـه أبعيـده
ديرة اجداده وفيها عايشآ مـن صغـر سنـه =
=مع وليف(ن) من صغر سنه على السنه يريده
كل مالاحت بـروق المـزن صوبـه ذكرنـه=
=والحوال مصلّحه والدين يخصم من رصيـده
ماقداه الا سهر عينـه وونـه خلـف ونـه =
=حالته قشرا وحـال أبـوه وخوانـه زهيـده
ولا حقه من يم ديانـه وراع القـرض منـه =
=كل ماجالـه مجـال(ن) قالـو الله لا يعيـده
طيب(ن)وظروف وقته عن هواء نفسه حدنه=
=مااهتنى كل الحياه ولانبسط في يـوم عيـده
وخاب بابن العم وابن الخال والاقراب ظنـه=
=حاسبن نفسه مدى عمره بهالدنيـا وحيـده
شف شعور الشعر منكوب الزمن كيف وصفنه=
=وأبتدن في قصتـه وايـام لوعاتـه قصيـده
كنهن عن ماحصله ياهـل العـرف انشدنـه=
=واجهنه في عنى نفسه وبظروف(ن)شديـده
قلتها يوم الهموم القلـب للذكـرى شلعنـه=
=في زمانن فات وايام(ن)معه كانـت عنيـده
لو ظروف الوقت درس ومن يجنـه علمنـه =
=والتجارب والظروف دروس بالدنيـا مفيـده
كم صديق(ن)مثل عين الرجل قبـل يطلعنـه =
لاطلـب يعطيـه مايملـك وماكـاده يكيـده
=انخـدع بعلومـه اللـي بالمجالـس كبرنـه
حاسبه عنده بهالدنيا مثل حسبـت عضيـده =
وبان علمه يوم دار الوقـت وايامـه وطنـه
=وبان خافيه وتبين خبث دمـه فـي وريـده
عندي الطيب غناتي والـردي فرقـاه جنـه=
=لويكون اقرب قريب الله يعجـل فـي شديـده

[/poem]