القلب عزيته وشديت قيده

[poem=font="simplified arabic,5,darkblue,bold,normal" bkcolor="transparent" bkimage="" border="groove,4,firebrick" type=0 line=0 align=center use=ex num="0,black"]

الكون موحش والمسا فاقد احساس =والهم ينسج من خيالي قصيده

اكتب همومي بالقلم فوق قرطاس=وارسم معانات الجروح الجديده

القلب وش خلاه مخنوق الانفاس=بين الضلوع العوج ينزف وريده

الا الفراق وغربة الناس للناس=وبعض السوالف والعلوم المكيده

يا قلب لا تحزن ولا يغلبك ياس=ارتاح واستبشر بلحظه سعيده

اقولها يا قلب لاباس لاباس=لا تقهرك سود الليالي العنيده

اللي ذكر طيبي على العين والراس=واللي تجاهلني تجاهلت سيده

ماهمني من باعني دون مقياس=عزيت نفسي والاماني بعيده

انا كذا طبعي مع كل الاجناس=القلب عزيته وشديت قيده

حوله من الاضلاع حطيت حراس=تحميه من غدر الليالي الشديده

اللي يذوق الغدر صافي من الكاس=لابـــد يتـــعــلم وعــلــــمه يفيده

ضويت لي في سود الايام نبراس=يهدي حياتي للدروب الرشيده

محشوم فكري عن تفاكير الادناس=نفسي عن الهفوات دايم زهيده

واللي يحاول يسرق اللول والماس=ماطــالتــه عينه ولا طــالت ايده

يبطي ويشهر للبشر ذل الافلاس=لابدد امــــــــواله بيفلس رصيده

ماكل صيد يجيبه الحر قرناس=يــمــوت بالـرمــضا ولاهو يصيده

واللي يحاول يكسر الراس بالفاس=مثــل اللذي بيــــده يكسر حديده

كتبتها جمله انا بين الاقواس=لا تـــقـــرب النيران جسمك تبيده

اعوذ بالرحمن من كل خناس=من الـــوساوس والحــــياة البليده

يا وجد حالي كل ماهب نسناس=ســافــرت بافــكــــاري لـــدنيا بعيده

اتذكر اللي غاب من خيرة الناس=الــلي وصـــوفه في خيـــالي فريده

محشوم وافي طيب العرق والساس=بيـن الـبشر مــافيه شخـــص نــــديده


نسله من الاحرار والعرق دساس=رحـــل عــن الــدنـيا بــساعــه نـكـيـده

الله يكسي جسمه الغض بلباس=مـن سـندس الـــفردوس حــله جديده

بصبر على فرقاه والقلب حساس=حــياتــنا مــاجــت عــلــى مــانـريــــده

هذي النهايه تنكتب فوق قرطاس=ارســلــتها عـــبـــر الاثــيـر بــقــصيــــده [/poem]

[align=center]اختكم / حلم الليالي [/align]

[align=center]اااااااااااااااااااالله اااااااااااااااااااااااااااالله
ابداااااع ونقل رائع عزيزتي
[poem=font="simplified arabic,5,darkblue,normal,normal" bkcolor="transparent" bkimage="" border="double,4,gray" type=0 line=0 align=center use=ex num="0,black"]
الكون موحش والمسا فاقد احساس=والهم ينسج من خيالـي قصيـده
اكتب همومي بالقلم فوق قرطـاس=وارسم معانات الجـروح الجديـده [/poem]



[align=center]لاتحرمينا جديدك


في الانتظااااااااااااار


تحياتي المعطرة بالمسك والعنبر[/align][/align]

[align=center]صح لسانك ولسان الشاعر
تسلمين غاليتي حلم
على هذا الاختيار الموفق

تحياتي وودي لك


[/align]

[align=center]

يسلموووو غاليتي حلم

وصح لسانك

اختيار جميل بجمال قلمك

احساس لايوصف مهما عبرت عن روعه اختيارك



دمتِ بود وتقدير ،،، [/align]

صح لسانك ولسان الشاعر

[align=center]واللي يحاول يسرق اللول والماس== ماطالته عينـه ولا طالـت ايـده

صح لسانك اختي

لاتحرمينا جديدك

نتتظر الاروع

تقبلي مروري[/align]