[frame="9 80"]أخواني الكرام : يسرني الاطلاله عليكم بعد الانقطاع عنكم ,
وأتقدم لكم بهذه المقتطفات المتواضعه ,
وكلي أمل انها تحوز علي استحسان ذائقتكم الراقيه ,
1- القلـــب يبكــي قبــل لا تبكـي العين .. مـن حـالــةٍ كل الـعـرب شاهدوها
2- يا احسـاسنـا بالهـون معنا الى وين .. أفكـــارنـــا وامجــادنــا دمــروها
3- نطلــب اعـانه مـن جنـود المعـادين .. وطغــاتنــا احـــلامنــا سفهــوها
4- نصايح اهل الحـق والشـرع والدين .. الكــل خـابــر كيف هـم حاربوها
5- كــم حــاولــوا فينـا وحنــا عصييـن .. من دور فيصل ماقدروا يقربوها
6- في رايـــت التـــوحيــد حـنا قوييـن .. واحــزابهـم متشــرذمة كل ابوها
7- قــوميــة معمــــر وجمـــال وحسين .. اسأل هل التاريخ ومن عايشوها
8 غيــر الهــزايـم ماكسبنــا بهـا شيــن .. بســوء النـوايا والتـآمر قضوها
ــــــــــــــــــــــــــــــــــــ
العــالم اللــي هـروجهــم دائمـاً عوج ... هرج السماجه يافتى الجود مجه
خذلك مع اهل الطيـب والمرجله موج ... ودرب الخطا أياك رجلك تسجه
ـــــــــــــــــــــــــــــــــــــــ
بعض البشر وقت اللوازم لك سيوف ... يسجل لـه التـاريـخ قدر ومهابه
حــرٍ سنــافي مـات في صــدره الخوف ... يفــداه مــن يضحــك لذلـه بنابه
ــــــــــــــــــــــــــــــــــــــــــــ
شتات فكري ضيع اليوم انسي ... ميزان حالي مرتجف صابه إخلال
شهوه بليـا عقــل تـأدي لدنسي ... وعقــل بـلا قــوات؟ يفنــى ولا نال
ــــــــــــــــــــــــــــــــــــــ
مــاكل مـره يافتى الصمـت محمود ... ومن لايقول الحق شيطاناً أخرس
و معــرب الجــديـن ما ينكر الجـود ... ومن ظن نفسه فارساً جاه افرس
ـــــــــــــــــــــــ
مليكنـا قمـة ومـن راس قمه ... وأفعـالهـم بالطيب اول وتالي
والحمد لله صافي الورد جمه ... من سنـة المختـار ننهل زلالي
ــــــــــــــــــــــــــ
يبقـون تـاج الـراس وحـنا لـــم عون ... وأخلاصنا والحب بالدم يسري
الهـرج واضح والعمـل حيــل موزون ... لو آهملونا بدري الصبر بدري
ــــــــــــــــــــــــــ
الوقــت يحكمنا والدنيـا مقادير .. والكل ضـرفه .؟ للتلابيـب جود
الله يبيح الوقت ومذكور بالخير .. وقتـن مضى يالقرم ياليت عود
وتقبلوا تحياتي
أخوكم : فهدالمحيجين العنزي
[/frame]