ياامير جيتك بين هاذي وذيه
ابيات متواضعه في سعادة/سلطان بن سعد السديري صاحب الايادي البيضاء في العديد من المواقف وما ابياتي الاقطرة من نهره الجاري بالطيب والعطاء ويستاهل ابوفهد المدح والثناء والمعذرة عن القصور.
ياهاجسي دونك شداد المطيــه = شد الرحال وصامل العلم تلقــــاه
ابغاك تقطع ديرة(ن) جرهديـــــه = كم واحد(ن) يتعب سفرها مطاياه
ذب الفيافـــــي بين روحه وجيه = مع خايع(ن) وبل السحابه تمثنــــاه
ماترجم لسانـــي كتبتــــه يديه = من فيض شعري والمخاليق تقـــراه
من بعدها مني سلام وتحيــــه = يامير يــاللـــــي ماتعدد مزايــــــــاه
ياامير جيتك بين هاذي وذيـــــه = وانت الفهيم اللي تنومس سجاياه
المدح في شرواك حق(ن) عليه = يزهاك كل المدح شكله ومعنـــاه
نسل الحرار الصارمات القويـــه = وزبن الدخيل اللـــــي زمانه تحداه
خال الملوك اللي تصون الرعيه = حكــــــام نجد من أول الوقت لتلاه
كفـــــــه بفعل الطيب دايم نديه = مدة كريـــم(ن) ماحسب فقر دنيـاه
ماقلت فيك المدح أدور عطيـــه = ابغاك درع(ن) لاقسى الوقت ننصاه
وانا ربيلي لابتـــــي ولدعيــــه = من ساس وايــــل والفعايـــل مسماه
يوم انها بالمرجله والحميـــــه = الجـــــــار من وجه المعــــادي حميناه
ماقلت موجزوالبقيــــه بقيـــه = (والهرج يكفي صامله عن بقايـــاه)
منصور الضحيان