[poem=font="Simplified Arabic,6,black,bold,italic" bkcolor="transparent" bkimage="backgrounds/11.gif" border="solid,6,gray" type=2 line=0 align=center use=ex num="0,black"]



قبل أبتدي عندي طلب ركِّز طلب ماهو " رجـاء =
=ما أبي تجاوبني .. ولا تستغـرب إنـي أسألـك
لا تنصدم من عزلتي حالي مثـل : أبـو العـلاء=
=عندي سبب : ما تستحق إنِّي أجيـك و أوصلـك
لا تعتبر جمر الحكي من شاعرك يعني " هجـاء=
=لو كنت بهجي حضرتك ما خفت منِّك .. قلت لك
هذي القصيده مصنِّفه في دفتري قصـة " رثـاء =
=حبٍ يموت وتنولـد .. وحـبٍ يعيـش ويقتلـك
ناديت لك ياما .. ولا لبِّيت لي , وضـاع النـداء=
=مبحوح صوتي والصدى من كثر ما ناديـت لـك
أقرب من ثيابي علي وأبعد من نجـوم السمـاء =
=ورغم إبتعادك والتعب ..أرسم طمـوح وأمهلـك
ما كنت لي الداء وأنا ما كنت ل جروحـك " دواء=
=ما عشت في دنياي لي !!عايش ولكن عشت " لك
علمتك القلب الوفي .. ما يخذلك فيـه " إنتمـاء =
=وعلمتني كيف العشم في من تحبـه .. يخذلـك
علمتك إن أصل الهوى يرجع ل كلمة " إحتـواء=
=وعلمتني إن الهوى , ما عاش يـوم ب داخلـك
علمتك إنِّي لك بحر مدَّه وجـزره .. لـك وفـاء=
=وعلمتني كيف أنصدم وأغرق أنا في ..ساحلـك
ما تستحي ,, ودامك كذا - إفعل حبيبي ما تشاء =
=توِّي عرفت إنِّي كثر ما أعْرِفِك .. كنت أجهلـك
ما كان قلبي بس لك وقلبك لعـب دور الدهـاء =
وما كنت لك أقرب من أنفاسك وأقرب من هلـك
=ما عاد تفرق غيبتك أو رجعتك .. عندي سـواء
كنت إهتمامي ورغبتي .., والحين دوري أهملك=
=لا صار قلبي لك وطن .. أبسألك ويـن الـولاء
وشلون حال المملكه - دام الخيانه من ( ملـك ) =
=إن كنت جاهل .. لعبتك قلبي " وما فيهـا ذكـاء
حتى الطفل إن جبت له لعبه .. - ولاءه صار لك =
قبل أنتهي عندي - أمر ما هو طلب وإلا - رجاء =
=لا يشغلك ماضي إنتهى .. ركِّز على " مستقبلـك

[/poem][/poem]

__________________
لقد فخرنا بالإسلام كثيراً
فــ متى يفتخر الإسلام بنا




و/122