رد: لعبة الابيات الشعريه
كل عرقٍ نشف دمـه وضـاق وبكـاك
وأنت تسأل تقول بصدتـي مابكيـت ؟!؟
أأأخ لو تدري إش سويت أنا فـي قفـاك
كان ترجـع تقـول لصدتـي ماقويـت
بخفي الحب من شـان أتلمـس شقـاك
وأثر صعبه وانا اللي ماخفيتـه شقيـت
قلت لامن سألـت أقـول قلبـي نسـاك
ويوم لديت صوبي في عيونك نسيت !!!
أنت حبك ذنوب ولـو كفـرت بحـلاك
خلني لين أموت , وعلني ما إهتديـت .,
لو أقارن لـك بنفـط الكويـت وهـواك
قلت ياحسبي الله وين نفـط الكويـت !!
ولو كل الخلايق تزعل وفـي رضـاك
علهم مارضـو مدامـك انـتَ رضيـت
حافظك في عيوني منّـك ومـن قسـاك
هذا انا من عرفتـك لاهويتـك هويـت
خذني الشوق يمك وانت منهـو خـذاك
أوووف ياكبرها ضيعتـك ولادريـت !
شوفني ضامي وصالك وشحت سمـاك
ومن هوى الغير ببطي ماوردت ورويت
كنك اللي معـوّد قاعـي لصـب مـاك
وكنك اللي يقول إنك شربت وضميت !!
جيتك أطلب وصالك ف. إلتفت لي وراك
ماني براجع إلا إنك معـي يـوم جيـت
وكان ناوي تقفّي لأجل تعـرف غـلاك
لاتجي لإنـي بصدتـك بحسـاب ميـت
وكانها من ظروف الوقت خذني معـاك"
مابي الموت ياخذني معـه لاسريـت !!
__________________
|