لو تطلب عيوني وقلبي من افداك
وانا فديتك من صدوق الودادي

ياكيف طرفك يادعج العين مشقاك
وعيون من حبك سكنها السهادي

يسعد زمانك وابتسامة محياك
ياللي زرعت الحب وسط الفوادي

ومنيت قلب اللي تولع اب فرقاك
ترميه بالفرقى وضيم البعادي

ياكيف عين اللي تكحل بحلياك
وتشوفك اجمل روح واعلى مبادي

نرواك ساعة واخر الوقت نظماك
غطيت حبك فوق كلي وزادي

ياكيف قلبك حبني بالزمن ذاك
واصبحت عندك باخر الوقت عادي
مساعد المزعل