[align=center]
قافي تشرّف فيـك يابنـت أبوهـا
وأنا افتخر,يابنت عمّـي لأخذتيـه
عروق الحميّا,لعزْوتـي لانْتخوهـاِ
والوايلي يفـوع بـأوّل عزاويـه
وانتي اصيله شامخه ماأدْركوهـا
بنتٍ أصيله طهْرهـا ماحكوْ,فيـه
بنت الرّجال ونعم لامـن طروهـا
والْيا ذكرها القاف تطْرب معانيـه
من نبْعة الويلان أهلهـا سقوهـا
صانت كرامتهـا بعالـي عواليـه
نعـمٍ بهـا بالعيـب ماعذْربوهـا
أصيلةٍ فـوق العتـب والمشاريـه
صافي ذهب اهل الغوى ماغووهـا
الشعرجادت بأعذب اعذب صوافيه
اهل النّوايا,بخُبْثهـم مااوصلوهـا
تسْمى عن اللي ماتنومس مباديـه
حازت علـى تّقديرمـن عاملوهـا
وفيض المعاني من عذاها تعذّيـه
وفـرايـدي بالدُّر,لاوشّـحـوهـا
لنّك اصيله جاد, قافـي وعجبتيـه
احْلى هدايا,اخت جتْها من أخوهـا
شاعرولااثْمن من قصيدي لك اهديه
,,,,,,,,,,,,,,,,,,,,,,,,,,,
أغلى هدية جت لأخت من أخوها
شرفتني بقافك وانا افتخـر فيـه
أختك حروفك للسمـاء وصلوهـا
والرأس دون النجم صعبٍ أوطيه
أبيات باوزان الذهـب عادلوهـا
ومع الدرر والماس ماله تشابيـه
وشي الجواهر وشعاد لوهم شروها
ومن الذهب عندي اليوم صافيـه
يمناك ياخوي بالطيـب حمدوهـا
الوايلي نفخربه اذا حـل طاريـه
العزوه اللـي عاداتهـم ثبتوهـا
فيهم كرم والجود بانـت مواريـه
هامو العلوم الغانمـه وكسبوهـا
الطيب عند ضفافهم ترسي موانيه
أبي أكتب أبياتي وللـي قروهـا
(حسين ) قولولي وشلون أجازيـه
تحيه بورود الغلاااااااااا طرزوها
ولك السلام وزود شكري يباريـه
يفدونك اللـي نفوسهـم طمنوهـا
ويفداك بايـع ضميـره وشاريـه
عهد الوفاء لك من بنـت أبوهـا
وأنت الوفا مبداك والطيب راعيه
.[/align]
لله
الله
الله
الف الف صحت السنتكم جميعاً ونعم ونعم ونعم بكم جميعاً
واشكرك ياشاعرنا حسين وبيض الله وجهك وفيت وكفيت قصيدة شامخة بشموخ شاعرها ومن قيلت فيها تستحق ذلك وتستاهل كل خير والله ماظلمت نفسك وكلنا نفتخر بها واخت عزيزة على الجميع
وصح السانك يابنت ابوها وفيتي وكفيتي رد وافي وشافي
تحياتي للجميع