قصيدة ناصر الفراعنه
معليش على اللخبطه
تراني مستعجل
هذي قصيده من أغرب ماقرأت
أقرئوها وحاولو فهمها إذا قدرتم
ناصر الفراعنه السبيعـي ( أبو فارس)
(قصيدة نــوت وملوك الجـن)
علـى قـــــبر اليتيمه نوت ثـوبـي بالـخـلا شقّــــيـت
ذكـــــــــرت الله وشبّت في ضلوعي حربٍ أهليّـــــة
عقب وِتْــر السبع والخمـس والتسبيـح والتسميـت
طــيور المــا علـى سـلـمـى تـغـنـّي (طــاق طاقـيّـة)
عــــلى باقــي عـــــرَق ســــاقي زجــاجة كاهنٍ شمّيت
عـلـى قِــرْنة حـجـاجـه نـجـمــة الـسِـبط الـيـهـوديّـة
عـــلى الــــجنب التهامـي لبّسوني خرقـةٍ فــي زيـت
تـــلالى مثـل واري جـــمـرةٍ فـي حـــوض صـفـــــــريّـة
علـى ســاقـة ملـــوكٍ مـن بـلاد الـرافـــــدين أضحيت
أركـــّب ســنّ واقــــلع ســنّ لو مــــــــالــه ولا لــيّــه
وفي ريشـة جنـاحٍ مـن حـــمـام الأخـشـبيـن ادويـت
امّــذْرِع شــان واقرع شــنّ وآبرقــــع نـصـيـريّـة
وعلى ظهــــر النعامة سافروا بي سبعةٍ من هيت
إلـــى أعـتــى شـــــعوب الأرض الادنـيّــه والاقـصيّة
ذبحت العبد الادريسـي ونجْل الطاغية (حِبْرِيت)
بأرض المغرب الأقــصى طـبخــت مــن اللــحـم نـيّـة
على تابوت نـوت احيـا واموت افنيـت مـا ابقيت
ضربت الطار واجتاحت عـبـيـد الـــــزار كــونـيّــة
علـى قبـر اليتيمـة نـوت أجـدّد حسرتـي لا جيـت
وأقبّل ضـاحـكـات الـمـــــوت تـحــــتيّة وفـوقــيّــة
على شانك يانوت اعميت خطلان البشوت اعميت
أقـــارع كل ذو سِـدْنٍ وذو خِــدْنٍ وكـــــوفــيّــة
على شانك ينـوت ادميت روس الخاينيـن ادميت
أسرّج مِـــرْج أمـــرّج سِــــرْج عـلـويّــة وسـفـلـيـّـة
على شانـك ينـوت اضـرب بحدّ مْصـقّـلٍ إصليـت
وكدنا ننتهـي لــــولا خـيـانــة عــيــد الألـفــيّــة
خبيثٍ من بني قومـي سقانـي حامـض الكبريـت
قرَت وســطـه عــجـوزٍ مــن ذوي حـضــــرم ظـفاريّة
وبسم اللي لهـول اسمـه تزلزل منبر السوفيت
نـحَـرهـا اعـلى ظـهـرها جُـبّــةٍ بـالـســـــــمّ مـطـلـيّـة
ثلاث دهور اصــارع نـافـثـات الــــزرو مـاذلّـيــت
أغـــيّب شـمـس وادفــن رمْــس والأصـنــام مـرمـيّـة
ثلاث ازمان أداقش مسرجـات الجـانّ فـي تكريـت
ثـلاث أزمـــــــــان تمْرخ لي مـلــوك الـجــانّ رجـلـيّـة
ثلاث سنيـن اعـافـر نـافـخـات الـطــيـن مـاولّيـت
ثلاث سنين أكــفّـن قــاريــات الـتـيــن بـيـديّــه
وثلاث شهور ألاعــي نــازلات الـطـور مــا مـــلّـيـت
أجــاوب جـــنب خـــيمة ضـاربــات الـطـنـب طبـلـيّة
وثلاث ايّام تنعـانـي سـرايـا يام لين اصغيـت
أقــدّم كـــــــوع اوخّر كوع يابــيّــي ويــــا بــيّــه
لذي الفيـــــروز سادن معبــد النيروز مالبّيت
لغــير الـــواحد الـمـعـبود مـــــا أبديـت مــــا فــيّــه
بوادي برْك طارت بـي حرايـر تُـرْك يـوم امسيت
أعــاشر ليـــــل عاشــر كـــل ذي حــمــراً نـمـيـريّـة
طباين سبْك تدبْك دبْك سـاع اقبلـت سـاع اقفيت
لــسـرْدٍ شـرْد جـرْد مــرْد اصـــيّــح كـــــــل قيـسـيّـة
ببطن القِرْش اعشّـي حايمـات العـرش ماغدّيـت
وحـــرْش الطرْش اورّدها قليـب الـهـرش عصـريّـة
بوجـه الحوت جـــلّ اللي خلقني ضيغـمٌ صنتـيـت
هِـــزَبْــرٍ ماتـــحــرّك مــنه ساكـن ألـــف سكـنـيّـة
ورب البيت ما خــلّيت منهم بيـت مــاهـــــدّيـت
أهــدّم دور وابنـــي دور والآيـــــــــــــات مـتــلــيّــة
هل المزمـار عـبّـادة لـسـان الـنار والبـاكيـت
بـني الإفــْرَنْج قــومٌ من فـــــروج الـزنْــج مبـلـيّـة
بكى سابور ذو الأكتاف في قصر الملك بلْهيـت
على نَـيْـكـل سقـيـفـة عـابــد الهـيـكل ضـحاويّة
تغطرس بِطرس النقرس وجينا له على التوقيت
مــن ارض الفـــرس وارض الروم جبنا القوم منهيّة
بعمّا والنبا والخمس من سورة سـبـأ شـدّيـت
بقــــــوّة ما تواتــر فـي الـلـيـال الـعـشْــر مـكـيّــة
أقمنا دولـــــة الأيتام مــن حِـلّــي إلـــى حِـلّـيـت
وآخـــــــر عـهــدنــا مـــــا أورَدَتْ لـيــلــى الأخـيـلـيّــة
وانا مـا هاضنـي فيمـــا علـى بيض الورَق خطّيت
شــــجاعٍ لقّبوه (أحـمــــد) ولــه شـلـفـا وشـبـريّــة
أعرف (أحمـــد) إلى جاء جاء وانا لا شلت مـاحطّيـت
تحــــــــــامينا على وضــــح الـنـقــا والأرض مـحـمـيّـة
ناصر الفراعنه السبيعي
__________________
|