المرثيه الثالثه
[poem=font="simplified arabic,6,black,bold,normal" bkcolor="red" bkimage="backgrounds/45.gif" border="solid,1,red" type=1 line=1 align=center use=ex num="0,black""]
بـاقـول عـن وضـّعً يـقـصـر بـه الـقيل = لا شـك فـي صـدري تـوقـد شـعيّله
صـبـرً جـميل القـاوي الامـر والحيل = بالوذ به واعوذ به واشتكي له
مـرسـل عـلـى الـطـغيـان طيـرً ابابيل =وأبادهم في قوّة امره وحيله
ابـا ابـتـهـل لـه كـل ما دوبــح الـلــيـل = يا مجيب دعوة من سجد يرتجي له
يرحمك يا ريـف الرجـال الـمشـاكيـل = والي شكا من ضيم وقته يجي له
صـالـح دخـيل لـمعضلات المداخيل = ياقف وفا لو انها مستحيله
يـفـتـل ولا تـفـتـل عـلـيـه الـمفـاتيل = ومفراص ماص اليا التقى مع قبيله
الـلـي الـيـاشّتدّت محوص المحاحيّل = نفسه بفعل الطيب ماهي بخيّله
قول وفـعل ماهـي وعايـد واقـاويل = نعم الخليل الي وقف مع خليله
الـلـه يــــنـور لـه بـقــــبـره قـنـــاديـل = ويسكّـنه عليّن جزل الفضيله
ويـسقـي ثـرا دارً لـصالـح مداهيل = مع كل مطلع شمس ناشي مخيله
وثـاره وراه نـفـوس ربـعً مـغـالـيـل = من لابتن ما تحتمل كل عيله
والقـاتـل الـغادر حدر جانـح الليل = الغدر حيلات النفوس الذليله
حاولتها من يـمّت الجدي لسهـيل = وشـحّت عليّه سبلها والوسيله
نـفـوسـنـا تـزهـد ولا تـقـبل الـميل = ودخيلنا والي نخــى نحتـمي له
جـعـافـره نـجـهـل الـيـا قيل جـهيّل = وعدونا يهدى لهب شر كيـّله
لـوهـي لـلايدي والـمنـايا مـراسيل = تثور دكلات الجموع المهيله
وكل ابلجً على قرى الهجن والخيل =فـخرً لشيل سيوفهم والاصيله
حـتا يـغـدي جـمع المعادي عرازيل = والي سلم نفسه تون لقتيله
مافـيـه عـن ربـع العواجـي تجـاهيل = اهل الفعول المعجزات الثقيله
عـن صوّتـهـم تقّف السبايا مجافيل = وعن فعلهم كل الفعايل هزيله
وعذري لكل متعّبت كـنـس الحيل = يومنها بين العميل وعميله
والـيـوم لـلـه ثـم عـــدّالــت الـــميـل = حكامنا خضر الغصون الضليله
فــي رايــت الـتـوّحـيـد لـلـه تـهـليل = ورسوله الهادي بفعله وقيله
حكم العدل لهم الولاجيل عن جيل = حكمً نزع شر الفتن من فتيله
بـالـشـرع والـسنّه ماهـو قـمع تذّليل = حكم عسا رب القدر ما يزيله
نـصـرً لـديـن الـلـه ولـلظـلـم تـنكـيل = وزهوقً الباطل بخيبه حصيله
وأمـن البلـد زملً الـيا قـرّب الـشيل = دين ووفا ونفوس تنفا الرذيله
سيـرو عـساهـا يـالـنشـامـا تـساهـيل = لعل نور الحق يضهر دليله
ويـرحـمـك يـامـن لـه مـواقـف تـنافيل = صالح رحيله حز بانفس قبيله
وصـبـرً لـحكـم الـمعـتلـي دون تـفـصيل = بفقيدنا الي راح في غدر حيله
ويـجـبـر عـزى عـيالـه شـبابٍ وجـهـيّـل = وحنا لهم جزعه وفزعه جزيله
بـالـصـعـب والـهــيـن وبـعـد الـمواصـيـل = ويموت راس الداب بازرق حثيله[/poem]