رد: ((ســــجل حضورك اليـــومي ببيت مـــن الشــــعر النبطي ))
كل جرح بالحشا امـره يهـون
بس جرح الغدر عمره ماشفـى
ناس مرتاحه ونـاس يتعبـون
وناس عيت تتبع دروب الوفـى
يالي خنت العهد والقلب والحنون
بعد ماأمنـت لـك ظـل ودفـى
خنتني واليوم هدتنـي الظنـون
وماجرالي منك يالخايـن كفـى
ليت صدري منك كله طعـون
وماطعنت الروح فيني بالخفـى
تنطفي النيران لو مهما تكـون
واللهيب الـي بجوفـي ماطفـى
جيت يوم الناس عنك يبعـدون
وقلت لك اهلا هلا بالـي لفـى
مادريت انك من اللـي يغـدرون
وليت قلبي ماعلى قلبك صفـى
__________________
|