بسم الله الرحمن الرحيم
السلام عليكم ورحمة الله وبركاته
اخواني الاعضاء حبيت استشيركم ببعض قصايدي او بالاصح محاولاتي الشعريه
طبعا استشرت كم واحد من اهلي وبعض الزملاء واعجبتهم بس حبيت اعرضها عليكم بحكم انكم اكثر معرفه منهم بالشعر ورايكم حيييييييل يهمني
طبعا فيه كسور ببعض الابيات واضحه لكن هذا مجهودي كمبتدي يعني
وبعرض عليكم ابيات وانتظر رايكم فيها
طبعا الاخوه الي بيجاملوني لايردون مابي مجامله
اول محاوله اقول فيها
اول على شط الغلا عالي امواجي
واليوم بحري جف وضيعت الامواج
سريت بارض المحبه وابغي علاجي
وضاع العمر مني وضاع الاعلاج
وراحت مواعيدي على أجي وما أجي
وواعدني على لحطة لقى مني وماج
ثاني محاوله اقول فيها
سالتني وش معنى الوفاء في غيابك
وتركتني يوم أنجبر وقتي على غياب
يعني الوفاء مايعرفه حضرت جنابك
والا بغيت الفرقى وتبغى لك اسباب
ماني براجع لك وابغى جوابك
اما الوفاء وإلا الجفاء وعطني جواب
دار المحبه من الخيانه تهابك
والحين ماينفع مع مثلك عتاب
خذ مني في يسارك كتابك
ولا عاد تلعب مع طويلين الاشناب
ثالث محاوله اقول فيها
دام العمر يمشي واليالي تدور
بنذوق مع طعم السعاده تعاسه
ليلتا نسبح بها عمق البحور
ونطور الفكره ونمسك رياسه
وليلتا نضحك بها باسم السرور
ونسلي الخاطر والواقع تعاسه
وليلتا نفزع بها ونجبر كسور
وعظمنا بالكسر ضيع مداسه
وليلتا نسمع بها حبيبا صبور
اقفى حبيبه وفعله خساسه
وليلتا نسمع بها بكاء وشكور
من مسلما لربه خضع راسه
وليلتا نسمر بها لحزة سحور
وارجلنا اكل بالادمي راسه
وليلتا نغني بها وننسى القبور
ونطرب مع الطبال ونشرب الكاسه
لكن ليلتا بها الدنيا تبور
ياهي علا النفس والا انتكاسه
اجل يوم الوعد قرب ويوم النشور
هنا يبين الي مهندسا وضع ساسهوسلامتكم
واعذروني ياجماعه لو كنت ثقيل ببياتي لكن صدوركم وخواطركم بجمالها ستقبلني
وشكرا لكم