|
عـــســـكــريــم ابــو عـــلــــكـــه
عـــســـكــريــم ابــو عـــلــــكـــه
--------------------------------------------------------------------------------
السلام عليكم
موضوعي برعاية ( عسكريم ابو علكه - اثنين في واحد - علكه وعسكريم
بريال واحد عربي سعودي عليه صوره صقيقي ابو متعب ربي يحفظه ويخليه لعينن ترجيه )
صبحكم / مساكم (بالخير )
انا لي فتره مانزلت موضوع
والمواضيع بالقسم اكثرهاا منقوله ومكرره
جاني احباط لدرجه اني نقلت امس حولي 30 موضوع بالسطحه
واعفيني وقلوب ماهم حولي
حتي كروت الديزل حق السطحه سحبوو علي مااعطوني شي
جالس يعيد فيهاا أعفيني والجريح حسبي على الظالم
موضوعي برعاية
عسكريم ابو علكه
من شركة زقرت ابو زقاره للكماليات وادوات الكشتات
متوفر لديناا الان عسكريم بعكرة الضب في فروعناا اللي في روضة خريم
قريباً لزبايننا الكرام
عسكريم حراق ( لذيذ ونار )
شلة طمبق طق
سنفور
ابو عكره
سعدون الملعون
الدحمي
رجه بس فله >> سابقاً
هاذولي اخوياا والشله
تعرفون ايام المتوسطه والثانويه ايام مراهقه
ويازين ايام المراهقه الشعر ملفلف تقول
كروم طايح بيد بنقالي بيصلح فيه مورقي
المورقي ايدام دجاج
والثوب ثلاثه ازارير بالرقبه ومن داخل الثوبه موازه الرقبه قماش اخضر
غامق عشان وصاخة الرقبه ماتطلع بالثوب
وشماغ البسام بصمة 3
ولازم تشخص بنت البكار
ولا يفوتكم المرزام صاير بوني من كثر ماتعدله بيدك الوسخه
والنعول وانتم بالكرامه زبيريه اذا لبستهاا يادوب ترفع رجلك عن الارض
وغير كذا حاطين لستك حق سيارات تحتهاا عشان تكفيك من العيد للعيد
مالكم بالطويله
في يوم الخميس المخيس
قمت على زقاقيق العصافير بشباك غرفتي
وامطط يدي ورجلي شمال وجنوب شرق وغرب
وافتح دريشتي لجل الشمس تحرق الجراثيم النازله من سعابيلي
وارفع فلينتي من فوق سري وامخط خشمي
واطلع الصاله واشم ريحة الكشنه تدخل بالبنكرياس وتعطي اشاره للمعده انه وقت الفطور
مسويه امي الله يحفظهاا
ايدام قوطه مكشن ( القوطه -طماطم مفروم ويضاف اليه البصل والبهارات )
واصبح عليهاا >> ماهو لله مصلحه
وتعطيني ريالاين وتقول روح جيب خبز من البقاله عشان نفطر
واشيل نفسي للبقاله وفطريقي للبقاله
واسمع صوت مسجل مشغل
ميحد حمد
احب البر والمزيون
واحب البدوو والاوطان
واحبك قبل لا يدرون
هلي وهلك ولاالجيران
تراننيي راتننيي >> خرشة العود
كرسيدا جي ال موديل 80
وسواقهاا الدحمي
عرفته من سواقته منكس الطاقيه على قدام
وماسك الدركسون باليمين ومطلع يده اليسار خارج السياره
^^
حركات العرابجه زمان
ويسفط عندي
الدحمي / هلا رجروج
انا / احسن ياالدحمي من وين جبت الكرسيدا
الدحمي / هاذا واحد جاي يخطب عندنا ولطشت مفتاح السياره
انا / طول عمرك تستغل ان سابك ماتتوب يا البزر
الدحمي / واحناا نزوجهم بلاش لازم الجمركه على الاقل وقت الخطبه بس
فكناا من قرقرتك واطلع ناخذ لفه
انا/ قدام وانعل ابو صدام
واطلع معه ونمر على سعدون الملعون
من جد ملعون يقنعك باللي في راسه يخليك تسويهاا تسويهاا
ويطلع معنا الملعون ابليس الصغير
ويقول الطايف احلى المصايف
اليوم خميس والكرسيدا موجوده
خلوناا ناخذ لفه على الردف
ولا نمغط القرود اللي بالشفاء بالنبيطات
دخل الفكره براسناا
ومسكنا خط جده الطايف
وانواع الوناسه هبال وجنان
ازحف تنحف
بيع قميصك ولا يفوتك خميسك
اخذناا بالطايف ثلاثه ايام
يوم الاحد بالتحديد
نزلناا من الطايف
وينزلوني عند البقاله
واطلع ريالين امي واشتري خبز
وادخل البيت وانا عارف اني بنجلد بنجلد
قلت خلني انجلد وادخل انام ازين من اني انام واقوم انجلد
ابوي متربع بالصاله قدام التلفزيون
شافني قال هلا بالطش والرش والراس اللي بيتفقش الحين
رميت عليه الخبز وقلت اصلن مافيك ذره ابوه
المفروض اذا غاب ولدك تسئل عنه
قال جعلك ماتعود
قلت انا لي ثلاثه ايام وانا موقف في قسم الشرطه
شالني جيب الدوريه وانا مسكين حالي حال نفسي
يقلون ليش ابوك مايطلع لك بطاقة احوال
انت شنبك يلوط اذانيك
تقول محطة لي اسود بجدار
لازم ناخذك معانا القسم عشان ابوك
يمر عليناا وناخذ تعهد عليه اجباري يطلع لك بطاقه احوال
قام ابوي وحضنيي حضنت الاب لضناه الغالي
وكملتهاا امي وصلحت لي كشنه بالطماطم
ورقد بدون جلد واليوم الثاني وانا مطلع بطاقة احوال
وصرت على كفالة ابو متعب ربي يحفضه صقيقي الصقوق
كل ما يبي يجلدني ابوي اطلع له البطاقه واقله تراك بتروح فيهاا
هاذي معطيني ايهاا ابو متعب يعني صرت رجال وتحت كفالته
ما يستفاد
1- لا تمسح خشمك بفنيلتك
2- اكذب ولا تنجلد
3- لا تقراء الموضوع وترد بههههههههه ويسلموو
ملطوش للامانه
|