[poem=font="arial,6,darkred,normal,normal" bkcolor="transparent" bkimage="" border="solid,5,green" type=2 line=1 align=center use=ex num="0,black""]
عذربتنا بالشــعر انا وبن جدلان = قـصـيدنا تـبـطي عـظم ماتطوله

وش لون تنقدنا على غير برهان = لايكون ماتدرك وش اللي تقوله

وحنا ترانا برحلة الشعر شيبان = يـوم انـت مـاتـمـمت سن الطفوله

سـعـد يجيب البيت وافي ومليان = كـل الحضوراليا حضر صفقوله

فـرايـده يطـرب لهـن كل فهمان = حـلال لـو يـاخـذ علـيـهـن عموله

الشـرد العنـس فـريدات الالحان = بـنـك الـدرر قـدمـه تـفتتتح قـفوله

يقودهن قود الاصايل بالارسان = والشـاردة تـبرك ولاهي معقوله

وتسـجد امامه مثل عباد الاوثان = وتجـيه صعبات المعاني خجوله

في كـل طـرق يطـرقـه فيه فنان = ولايـجـيـب الـبـيـت الا بـأصـوله

له في رياض الشعر باقه وبستان =وله في سماالشعارصوله وجوله

يبحر فـ بحرا فيه لـولـو ومرجان = والا عـلى غـيـره صعيـبا نزوله

وله في مجال الفتل والنقض عنوان = وكل اهل الشعرالفريد شهدوله

ان كـان ذا مـبدع وهـذاك بـطـران = والله ان بن جدلان فحل الفحوله

وانا اتـعـلم مـنـه واتـقـنت الاوزان = وروضت صعبات البيوت الجفوله

ان جـيت والميـدان به جمع فرسان = وكلاً عـلى ماخـتار يسـرج خيوله

جيت بدها عمرو وبالكـف شامان = وحققت في اقسا الظروف البطوله

وان كان يوجد بيت لشـعر سـكران = انا قصـيـدة كـل ابــوهـا مهـبــولــه

ولاشحذ بشعري وامدح فلان وفلان = من شان يعطيني عليـهـن عموله

لاتعـتـرض لمعـيـض والابن جـدلان = تـر مـنـت لاحـولـي ولانته بحوله

قـــل لاالــه الا الـلـه الــرب رحــمــن = واشـهـد ان مـحـمـد نبيه رسوله

خذها نصيحة دامنا حسبـت اخـوان = ولالـك بـكثر الهرج عرضه وطوله[/poem]

__________________