[poem=font="simplified arabic,4,darkred,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البارحه ليلي قضيته على طـول=ماغير اقلبهـا يميـن وشمالـي

لاجيت اعدلها تجي كلها ميـول=اعدل طرف ولاالطرف ذاك مالي

الله يساعدني عليها وش اقـول=لاجيت افكر كل طـارا طرالـي

يوماً جرالي يوماً اسود من ايلول=الوقت غاشم والزمان احتلالـي

احيان اقول حظوظ ماهو بمعقول=واحيان اقول ان الزمان ارتكالي

ووردها عداً امبيـت وماهـول=وعجزت لروي يالرفاقه حلالـي

ماهوردى لاشك لوقلت ماطـول=عن مابغيته قصـر(نّ) الحبالـي

البرق يبرق والوطا غير مبلـول=سحاب صيفـا ًلاتعـده اخيالـي

وبانت لي العله وانا كنت معلول=يالله عساهـا تنفـرج بالتوالـي

لوكان شده باذن ربي تبي تزول=مـع الـدعـا لله والابتهـالـي

يالله عساها في تياسير وسهول=انت الذي عليـك كـل اتكالـي

عن لازمي ماني محيد ولاعـول=لو كان انام ولابجيبـي ريالـي

ابوي قبلي ماملك مالاً يهول=ماعنده الا ام الحلق والدلالي

ورثلنا بيتاً على العز موصول = مدهال كرمين الوجيه الغوالي

ماحاشت اليمنى اتقدم على طول =ونا بعد ذا رأس مالـي اعقالـي

والقل مابه عيب والرزق منقـول=عند الكريم الي مدوده اجزالـي

يالله اتساعدنا على الحق والقول=و انك تثبتنـا بنهار السؤالـي [/poem]