عرض مشاركة واحدة
قديم 05-28-2008, 03:19 AM   #1




 
الصورة الرمزية بـــــدويه وافتخـــــر
 
تاريخ التسجيل: Mar 2007
الدولة: الـــوايـلـيـــــــه
المشاركات: 666
معدل تقييم المستوى: 221
بـــــدويه وافتخـــــر is on a distinguished road
افتراضي شيخات القصيد الاربع عند قبيلة عنزة

[align=center]حبيت انقل لكم شيخات القصيد الاربع عند قبيلة عنزة


الاولى:

وهي قصيدة مشعان بن هذال المشهورة بالشيخة
وهي قصيدة عصماء طويلة ذكر فيها ممشاه من العراق وعزمه
وعزمه على نجــدة قـــومــه وصـــــــور ما حدث حيث قال:

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="inset,6,crimson" type=1 line=0 align=center use=ex num="0,black"]

يالله يـا مديـر الهبـايـب والادوار=شانك عسى تصريف شانك لنا خيـر
يالله يـا عالـم خفيـات الاســرار=يامعتنـي بالخلـق وال المقـاديـر
قلته ونوم العين عـن جفنهـا طـار=والقلب كنه فوق حامـي المجاميـر
جانا الخبر يالابتـي وليـت الـدار=سكانها الاجنـاب هـم والبقـا قيـر
من عقب ماحنا بها مثـل الاسـوار=نامر وننهي نحمـي الجـار ونجيـر
من عقب ما كنا بنجد كمـا الطـار=نقطع بها شر وناصـل بهـا خيـر
حنا الذي ترجع لنـا كـل الاشـوار=لاصـار بالقـالات شـوار ومشيـر
حامينها في لابـة تسقـي الامـرار=عدوهـم مـا يحتسـب للمخاسيـر
لابد مـا ناتـي لا بـا نـات زوار=باسلاف عجلات تعـدا المضاهيـر
يهومن هومـات بعيـدات واعسـار=وكم ذيرن من غافـل مابعـد ذيـر
وكم فاجن العدوان غرات واجهـار=الى انتون كم يسبقـن مـن معاميـر
ظعايـن حطـن ملـكٍ بسنـجـار=وبنن على الخابور زيـن الدواويـر
وتواهلن الزورحصـن لهـن كـار=ومن البطين الى الرها لـه معابيـر
وكتن مع الحاوي وداجن بالامصـار=وجابـن خفارتهـن بفكـر وتدبيـر
وحطن على السلمان طيحات الامطار=وصارت لهن لينه وخضرا مصادير
ومالن على رجم الهيـازع وسنـار=وجابن حلال المحمره من ورا النير
وراجن على الشنبل وداسن الاخطار=وهدن بها العاصي بيسـر وتيسيـر
ثم انتحن مـع كفـة الشـط عبـار=وهاجن وماجن فوق رؤوس العناقير
واقفن وكالن مـن شثاثـا بالاسعـار=وحطـن لملـوم المسمـى مسابيـر
واقطعن ينـون الخطايـط والاقفـار=وكم طيرن جول الحباري مخاميـر
وخلن فوق الشبك عج الرمك طـار=وحلو هاك اليـوم خـز المعاشيـر
واركن على ورد الدجاني لهب نـار=وغدوبها الويـلان مثـل المداويـر
وشدن وحطـن الثمامـى بالايسـار=وخلن على المطران مثل المعاصيـر
سارن بنا الزرفـات باقبـال ودبـار=من غوطة الفيحا الى غشلـة الديـر
نروم من زيـن المنـازل ونختـار=ونستـارد الخـوه بحـدب البواتيـر
الياما نخونا اللي على نجد حضـار=وجانا كتاب من زبـون المقاصيـر
من ماجد ابن عريعر حـر الاوكـار=يقول وليـت داركـم يـا لمناعيـر
الشيخ اللي حيف على البيض بالغار=يقول حل بداركـم حـرب ومطيـر
وجيناه مثل السيل طمـام الاوعـار=الياما غدت عنه البـوادي شعاثيـر
اولاد عـم ولا بنـا قـول شبشـار=وشيخ لنـا عنـده جـلال وتقديـر
اولاد عم ومـا حذانـا لهـم جـار=وحنا عليهم نحمي الجـار وانجيـر
حنا شبات الحرب وان شبت النـار=وتوايقـت بيـن الحنايـا الغناديـر
حنا بنـي وايـل بعيديـن الاذكـار=اليـا تناخـوا بالجمـوع المشاهيـر
حنا هل الجمع المسمـى اليـا سـار=بمركاضنا يشبع به الذيـب والطيـر
وين انت ياللي تايهه منك الابصـار=جيناك حوله من شثاثا وابـا القيـر
هـج الحريبـي مـا لقينـاه بالـدار=زبن على الحـره وذيـك الشناخيـر
باغي عليهم صايرن مثل ما صـار=ذبـح الشفايـا واغتنـام الخواويـر
كسيرة مـا قـط ذكـرت بالاذكـار=فيها القلايـع مثـل روس الخنازيـر
صحنا عليهم صيحـة باللقـا الحـار=حتى جبرناهم عـن الـدار تجبيـر
لولا شفاتي فيـك يانجـد مااحتـار=فكـري ولاكثـرت علـي التفاكيـر
لولا شفاتـي فيـك ماجيـت مـرار=نادى نذيـرات الهواجيـس وانديـر
واندير حيـلات بالاريـا وتبصـار=وارجي من الباري عساها مسافيـر
نجـد جفتنـا وكـل دار لـنـا دار=ماهي معافه ميـر جـوع ومداهيـر
قطعاننـا ترعـى زماليـق نــوار=اليامـا غـدا فـوق الاباهرقناطيـر
مابيـن مسنـاد ومابيـن مـحـدار=ياما قطعنـا بدربنـا مـن مشاويـر
ويامـا ركبنـا بالسراقـب الامهـار=وعيرات الانضـا كنهـن السنانيـر
نعتاض عن دار عليها الدهـر جـار=ديد العسـل فيهـا تعيـش المفاقيـر
مثل المسموع اللي ترزم على حوار=دار مريـه بالشتـا تسمـن الضيـر
دار بها بالقيـض غـدران وانهـار=والتمن المجروش ملـي الجواخيـر
وصلاة ربي عد مـا بالسمـا طـار=وعداد ما وردن ظمايا علـى البيـر
على الرسول المصطفى سيد الابرار=نور العبـاد اللـي يشيـع التباشيـر [/poem]



والشيخه الثانيه قصيدة محمد النجدي

وهي تسمى شيخة القصايد:

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="inset,6,crimson" type=1 line=0 align=center use=ex num="0,black"]


من البارحة بالقلب هجـس ٍ وتعبـار=هجس ٍ وهاجـوس ٍ تعاقـب نكيفـه
الصبر مفتاح الفـرج هـو والافكـار=من لاصبر تصبـح حوالـه كسيفـه
يالله يالمطلـوب يــاوال الاقــدار=انت الـذي مـدات جـودك لطيفـه
يالله يالمعبـود عـاون هـل الكـار=تحـل شــدات عليـهـم كليـفـه
اللـي مجالسهـم بهـا بـن وبهـار=ونجـر ٍ يصـوت للمسيـر رجيفـه
ومكارم ٍ للضيـف عجـلات وكبـار=ومفطحـات فـي صحـون نظيـفـه
تقليطهـم للضيـف قعـدان وبكـار=وحيل الغنم وقـت السنيـن الحفيفـه
اكرام ضيـف البيـت حـق وتعبـار=والكـل منـا يفتخـر فيـه ضيفـه
يا مزنةٍ غـرّا مـن الوسـم مبـدار=اللـي جذبنـي مـن بعيـدٍ رفيفـه
هلت مـن القبلـه هماليـل الأمطـار=من سيلها الـوادي غدالـه وحيفـه
تمطر من الهدرا اليـا خشـم سنـار=وتسقـي ديـار محقبـه والحتيفـه
وتضفي على كل المفالـي والاقطـار=وتصبح بهـا خـدان ربعـي مريفـه
عقب الحيا فاحت بها ريـح الازهـار=وتعاقـب النـوار مـثـل القطيـفـه
وترعا بها الغرا وتبنـي لهـا طـار=عقب الضعـف راحـت ردوم منيفـه
اذوادنـا مايرتعـن دمـنـة الــدار=ولا يرعـن الا بالفيـاض النظيـفـه
يرعـن بعبـدالله وجبـر ٍ وجـبـار=خيالـة يــوم المـلاقـا عنيـفـه
ترعى بها الوضحا من الذود معطـار=غبوقـة الخطـار عجـلٍ عطيـفـه
يبنـي عليهـا بنيـة اللُّبْـن لجـدار=عقب الضعـف راحـت ردومٍ منيفـه
اذوادنـا يرعـن بنـا سـر وجهـار=من دونهن نروي الغلـب والرديفـه
ترعى بضف الغوش بقصاف الاعمار=تقطف زهر مرباعهـا مـع مصيفـه
ما هي سوالف مسرد ٍ عقب ما نـار=اللي هرب واطراف رمحـه نظيفـه
إن سوهجوا عنها قليليـن الابصـار=من دونها نروي السيـوف الرهيفـه
ان سوهجوا عنها معاميس الابصـار=حنـا نـرد اللـي يبيـهـا نكيـفـه
خطو الولد مثل البليهـي اليـا ثـار=زود ٍ على حمله نقـل حمـل أليفـه
بشدا هديب الشـام شيّـال الاقطـار=واليـا كبـر حملـه تـزاود زفيفـه
وخطو الولد مثل النداوي اليـا طـار=صيده من الجزلات ماهـي ضعيفـه
ترجي العشا من مخلبه وقع وطيـار=حسه على صيد الخـلا لـه وحيفـه
وخطو الولد يصبر على موتة النـار=صفـر علـى عـود تضبـه كتيفـه
وخطو الولد يامال قصـاف الاعمـار=لانافـع ٍ نفسـه ولا منـه خيـفـه
ورجل ٍ بلا ربعه على الغبـن صبـار=يمنى بـلا يسـرى تراهـا ضعيفـه
واليا بخصته ماسـوى ربـع دينـار=مع العـرب يشبـه خطـاة الهديفـه
حنا فريـق ولا نغبـي سنـا النـار=مـا ننـزل الا بالديـار المخيـفـه
ودار ٍ به الحقـران ماهـي لنـا دار=حتيش لو صـارت خصـاب مريفـه
وحنا لك الله مـن بعيديـن الاخبـار=والنفس ما نلحـق هواهـا حسيفـه
حلويـن للصاحـب وللخصـم قهـار=وعدونـا لـو هـو بعيـد نخيـفـه
حنا كما المشخص عن الصرف ما بار=بالوزن يرجـح والمصـاري خفيفـه
وتلقـى منازلنـا رفيعـات واخيـار=والرجل عن دوس القصايـر حفيفـه
لابد مـا نسجلهـا تواريـخ واذكـار=وتبقى لدسميـن الشـوارب وظيفـه
الا ومـع ذلـك لـك الله لنـا كــار=عن جارنـا ماقـط نخفـي الطريفـه
نرفا خمال الجار لو هـو بنـا بـار=ونضحك حجاجـه بالعلـوم اللطيفـه
ولا نبدي الخافي لاصـار مـا صـار=وندمح خمال الجار لـو بـان حيفـه
ونرفا خمالـه رفيـه العـش بالغـار=ونودع له النفـس القويـه ضعيفـه
والجار له قيمـة وحشمـة واعتبـار=وجارتنـا عـن كـل عايـز عفيفـه
ما زارهن من يبغـي الحيـف زوار=الا ولا عنـهـن نــدس الغريـفـه
نبيـه إليـا بـدل الــدار بـديـار=وكـل بجيرانـه يـعـد الوصيـفـه
نكرم سبـال الضيـف حـقٍ وتعْبـار=لا من ولـد العفـن شـح برغيفـه
أحد ٍ علـى جـاره بختـري ونـوار=و احدٍ على جـاره صفـاتٍ محيفـه
وصلاة ربي عد ماخضـر الاشجـار=على الرسول اللي علومـه شريفـه [/poem]


الشيخه الثالثه شيخة محمد الدسم السبيعي
محمد الدسم الدوامي السبيعي العنزي:

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="inset,6,crimson" type=1 line=0 align=center use=ex num="0,black"]




يا خوي لـك عنـدي وصـاة مصيبـه=خذلك وصاة تلمـس العقـل وتصيـب
تـرى وصـاة أخـوك مابـه معيـبـه=لا صار أخوك مكمـل العقـل ومنيـب
أخـاف امـوت ولا ضــلال تجيـبـه=توزي لضيقـات الـدروب الضنابيـب
حيـث الليالـي مـا تعـلـم بغيـبـه=ولا يعلـم الا صاحـب العلـم والغيـب
ودي تحـرص عـن بـلاد كـل ويبـه=ويصير بـك عـرف وكمـال وتأديـب
والا المقـدر صـار مــا ينحكيـبـه=ولا ينمحـي هـذا مـن الله مكاتـيـب
افهـم وصاتـي كـان قلبـك يصيبـه=تطلعـك مـن كـل الامـور الحراديـب
أول وصاتـي بالـفـروض الاديـبـه=صـوم وصـلاة وعدهـم بالمواجيـب
وثانـي وصاتـي للامـور الصعيـبـه=أحرص عليهـا قبـل هـون وتصعيـب
جـر عبيلـه مــا يكـلـف طبيـبـه=ولا شـي الا ماضيـا لـه تجـاريـب
وثالـث وصاتـي تلعـة ينعـدى بـه=تلقـى عليهـا بيـنـات المسـاريـب
واللي عداية ذيـب مـن بطـن ذيبـه=ولا واحد عدى بهـا غبـر هـو ذيـب
ترى هذاك العـرف مـن غيـر ريبـهراعيـه لايطلـب ولا لــه مطالـيـب
ورابع وصاتـي كثـرة الهـرج خيبـه=هـرج بـلا معنـاه مسمـوج ويخيـب
لاصـار مـا عنـدك علـوم غريـبـه=بين الرجـال ترتـب الهـرج ترتيـب
وخامس وصاتي خفـة الرجـل عيبـه=من راكض الفرقان يركض لـه العيـب
لا صـار مـا تنحـر لـزوم تجيـبـه=تنحر غرضك ان كان ماجـاك وتجيـب
وساسد وصاتـي لـك معـزة وهيبـه=عليك بسفـن البـر حـرش العراقيـب
ولا يعجبـك الزبـد هـو والرويـبـه=ترغب لحوش الضـان وتخلـي النيـب
راعي الغنم يشيـب مـن قبـل شيبـه=والبـل معـزه تجلـي الهـم والشيـب
الى أشهلب الوقـت لـو هـو حليبـه=يوصلـك لديـار الهنـاء والتعاجـيـب
وسابع وصاتـي كـان صابتـك سيبـه=تقدر علـى كثـر الثمـن والمطاليـب
بنـت الحمولـة والاصيـل العريـبـه=اللـي قناهـن ذاق لــذة وترغـيـب
واللـي قنـا بنـت الـردى والهليبـه=أصبـح بهـم وجنـب الربـح تجنيـب
والعجـز يـرث لـك مذلـه وخيـبـه=اردى الرجـال اللـي يذمونـه السيـب
عليـك بالسقمـة ولـو هـي تعيـبـه=مـا دام بـك حيـل تنـط المراقـيـب
تـرى كثيـر المـال كـلـن حبيـبـه=ويقال له فت جاي لـو مافعـل طيـب
والا قليـل الـمـال شـنـا أرويـبـه=لو كان طيـب يكثـرن بـه عذاريـب
وثامن وصاتـي شرهـا ينحـري بـه=ترى الدروب الفاسدة مـا بهـا طيـب
درب الـزنـا والعـايـزة والقريـبـه=أحـذر هذيلـن مـن كبـار العذاريـب
ثنتين من داخـى عليهـم احكـي بـه=مداخي علـى وجهـه تعيبـه معاييـب
مداخي على عرضه مثـل شـق جيبـه=علـم يبيـن مــن أذان الاعـاريـب
وتاسع وصاتـي عـن مناقـر شريبـه=الى صار ماهو من وسـاع المشاريـب
خلـه ويلـقـى بالـمـوارد لعيـبـه=عنـد الظوامـي يكثـرون الواعـيـب
ومـن دور العيـلات غربـل نصيـبـه=أحسب حسابه من حسـاب المذاهيـب
ومن جنّـب الشيطـان حقـه غديبـه=ومن هاب طبات الملاعـب مـا هيـب
عـن واحـد يبـلاك أو تبتلـي بــه=ينهـج حديكـم يــم دار الاجانـيـب
وعاشر وصاتي الـى صـارت مصيبـه=وبـلاك ربـك وابتلـوك المغاضـيـب
أحـذر تمضـي مـا تسمـى غليـبـه=امض وتبين عـن الحـاق المشاعيـب
وازبن على حصـن الرجـال الصليبـه=عدك بعيطـا عـن سمـوم اللواهيـب
ومن غيرهـا عنـدي وصايـا عجيبـه=لافكـر الفاهـم يصـيـب المتـاريـب
والكـل منهـن يـوم تفطـن صعيبـه=والكـل منهـن يلحقـنـك مشاعـيـب
الضيـف ضيـف الله وصابـه حبيبـه=استقبل ضيفـك فـي تهـل ٍ وترحيـب
قلـط لـه الميسـور وماهـان جيبـه=واحلف على الماجود ديـن المعازيـب
وخويـك اللـي بالخـلا تبتلـي بــه=خيـال والا فـوق عـوج المصالـيـب
أو راجـلا حفـيـان مـالـه نجيـبـه=أو عـورة يبلـي بهـا عالـم الغيـب
اصبر وراعي الصبـر محمـود طيبـه=عند الـذي يبـي الفخـر والمراتيـب
وقصيـرك اللـي مايصيبـك يصيـبـه=وصابـه الله لا تحسـف بـه الطيـب
حقـه عليـك تـزود الـقـدر هيـبـه=الى مايروح بـزود حشمـة وتوجيـب
وراعي الجدى حق الـردى مايصيبـه=ومن لاعرض جنبه على الطعن ما صيب
الشيـوخ والحـكـام زمــل منيـبـه=فيهـم عمـار وقضـي لازم وتخريـب
ما ينومـن مـن شـأن منهـم حليبـه=عقـب الصداقـة ينقلـب كنـه الذيـب
أهـل خفايـا وغيبهـم مـا دري بـه=يتحدرجـون بـدون عـذر وتذنـيـب
عشرانهـم هـل العـلـوم العجيـبـه=وصدقانهـم مرويـن حـد المغالـيـب
الى صـار مـا حـدا الثلاثـة تجيبـه=مالك بهـم والـدرب شـرق وتغريـب
خوريهـم مـا يشتهـي نفـض جيبـه=حكـاي وجهيـن يقـص العراقـيـب
هـذي يـودهـا وهــاذي يجيـبـه=وهـاذي يسويهـا بصـدق ٍ وتكذيـب
واللي حكي بيـن الصحيـب وصحيبـه=مخرب ويخرب بين نـاس ٍ اصاحيـب
وسوالفـه دايــم نميـمـة وغيـبـه=ولا يستحي من كلمة الكـذب والعيـب
راعـي النقيلـي لا تــوارد قليـبـه=امـوارده مـا يبهـج القلـب ويثيـب
هـذاك لاتـنـزل جـوانـب شعيـبـه=بالك تحطـه يابـو زعـزوع بالجيـب
[/poem]



الرابعه الملحمه الوائليه للاسمر الجويعان
الملحمه الوايليه.... للاسمر الجويعان

[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="inset,6,crimson" type=1 line=0 align=center use=ex num="0,black"]


يالله يامشفـي الجـسـوم العليـلـة=ياللي خلقت من العـدم كـل وجـدان
خلقـت مخلـوق وعيـنـك تخيـلـه=مابين كاف ونـون كونـت الانسـان
أنـت الـذي رزق الخلايـق كفيـلـه=يارافع سمـك السمـاء دون عمـدان
أدعوك بـأ سمـاك العظـام الجليلـة=يالجـود لمأجـود ياجـزل الاحسـان
ياواحـد ماغيـر عـفـوك وسيـلـه=لقدرتـك عبـدك فقـيـرا ومـنـدان
أحمـدك يالمعـبـود لـيـه قبيـلـه=ربعي هل الجدعـا سلايـل سليمـان
قصيرهـم ظـل المـعـزة مقيـلـه=يمشي طويل الرأس من غير حقـران
أن جاء نهـارا ساعـة بـه طويلـه=ملكادهم يشبع بـه الذيـب سرحـان
الخيـل بالفرسـان يرهـق صهيلـه=غاب اليقيـن وحاضـر كـل شيطـان
ربعـي مرويـن السيـف الصقيـلـة=جعافـرة عنـد القبائـل لهـم شـأن
ياما ارملـوا بافعالهـم مـن حليلـه=وساعدهـم الايمـن خلايـف عليـان
اللي جهـل يسمـع عقـاب وجيلـه=ينبيك عنهم حاضـر الفكـر فهمـان
هـرج صحيـح واضـح لـك دليلـه=محمـد الاحمـد بعثـهـم بـديـوان
ذاك السديـري ماعلـومـه هزيـلـة=حـرا تربـى بالمعـالـي ورفـعـان
ماولـف الا ضـو ذكــر حكيـلـة=قول على قـول تقـول العـرب كـان
لـولا أجـواد النـاس مالـه عقيلـه=تاريخ عـوق الخيـل شيبـا وشبـان
خيالنـا لــو تسـألـون الكحيـلـه=تشهد لنا صمك الرمك والخفـي بـان
مـن لابـة تزبـن دخيـلا يجيـلـه=دخيلهم عن واهج الشمـس ينصـان
أولاد وايــل كاسبـيـن النفـيـلـه=والهرج مايثبت علـى غيـر برهـان
هـل الفعـول الطيـبـة والجزيـلـه=وايل لهـم بالمجـد منـزل ومسكـان
عـدوهـم يسقـونـه الحنضليـلـه=يجرع مـن العلقـم قراطيـع ويهـان
يـوم البـرى رده عميـل لعميـلـه=الجمع يزبـر والوغـى بينهـم حـان
نشت بهـا سحـب المنايـا المخيلـه=بمصقـلات الهنـد ومـزرج الـزان
الموت يزجـر واحمـر الـدم سيلـه=وربانهـا قـب تصاهـل بفـرسـان
تلاحمـت بيـن الخصيميـن خيـلـه=الخيـل تنهـم والعرينـي بالايـمـان
معـاركـا دارت رحـاهـا مهيـلـه=تصرخ بها خضر النمش واللغا شـان
خيالنـا تـاطـا الحـوافـر قتيـلـه=اليا سمك عج الرمك خلـف الاضعـان
اليـا عثـا بالخيـل فعلـه فصيـلـه=سيفـه الهامـات المناعيـر ديــان
ملكادنـا يشفـي الطـنـا والغليـلـه=تشهد لنـا جـرد السبايـا بالاكـوان
وذيقـار شاهدنـا وغيـره مثيـلـه=ارامل المنـذر حماهـا ابـن شيبـان
المنذريـه يــوم جتـنـا دخيـلـه=حنـا زبنهـا يـوم لـوذات الاذهـان
جتنـا تسوقهـا الـبـلاوي ذليـلـه=وعدنا لها مجد الشرف بعد الاحـزان
حنا كسرنـا جيـش كسـرى وفيلـه=وعما نـوى حنـا جزينـاه حرمـان
حنا هـا الجمـع الـذي ينعنـي لـه=نكسر جحافـل غازيـا شـن عـدوان
ماننهـزم عـن حقـنـا مستحيـلـه=وحنـا نفـرق بيـن خـل وخــلان
حريبنـا يجـرع قراطـيـع ويـلـه=يشكـي غلايـل فعلنـا راح نـدمـان
بالمعركـة نجـزاه بأشنـع سحيلـه=نكسـب مفاخيـر المعـارك بميـدان
عبرت عـن عصـر ورثنـاه نزيلـه=يوم الفرس والسيف وعنـان وسنـان
والنـاس كـل صـاع حـق تكيـلـه=ماهـي مذمـة للفبـايـل وبهـتـان
كـلا علـى حملـه صبـورا يشيلـه=اثبت على ماقلـت والفعـل سلطـان
أفعالنـا عـنـد الـمْـورخ نبيـلـه=كـلام ابـن كلثـوم يثبـت بوكـدان
الـيـا نـوانـا جـاهـلا نعتنلـيـه=وبجهلنا نجهـل علـى كـل جهـلان
اليا انهضـم راع الضلـوع الهزيلـه=تلقـى فعايلنـا جزيـلات وسـمـان
اجموعـنـا بالـحـرب ماينقويـلـه=دسنـا رواسيهـا وسدنـا بالاوطـان
سدنا الجزيـرة ونعـدل ميـل شيلـه=وحنـا جعلنـا كـل قاسـيـا لـيـان
من شرقـي البحريـن لحـدود نيلـه=نامر وننهى مانـداري بهـا أنسـان
وايـل سلاطيـن العـرب تنتميـلـه=ومنا كليب اللـي قطـع رأس حسـان
ومنا بطـل ذي قـار مزبـن دخيلـه=وحتى عمر والزيـر بالاصـل ويـلان
ومنـا المثنـى قـاد جنـد بسيـلـه=جيش عرمرم يـوم تحطيـم الاوثـان
يـوم سهومـه مثـل وبـل الرفيلـه=والسيف من سفك الحمر ذاك رويـان
ومنا الملـوك اللـي خطاهـم ثقيلـه=اسياد تعرب مـن قديمـات الازمـان
ستـر العـذارى ناقضـات الجديلـه=ماعقبه مفـرن علـى الحـق عيـان
أفعالهـم شـر الضغانـيـن تزيـلـه=تقضي علـى حاسـد وظالـم وفتـان
المقرنـي مـن عــزوة نعتزيـلـه=عـن الجزيـرة زاح ظلـم وطغيـان
عبدالعزيـز اللـي قمـع كـل عيلـه=رام المعالي واعتـلا المجـد بمكـان
حتـى بحـد السيـف جـوه صفيلـه=وسبع الخلا من الخوف مايقرب الضأن
هـو الـذي شكـر الثنـا يستويلـه=تنشر له البيضـا علـى راس مابـان
ومنا الصباح اللي بهـم عـدل ميلـه=بطرافهـم يعيـش عايـب وعجـزان
نفوسهـم بالمـال مـاهـي بخيـلـه=صبـاح والاسـرة مجاذيـب عقبـان
ومنـا الخليفـة عـز مـن يلتجيلـه=هل الصخا والجود عطبيـن الاطعـان
شيـوخ لهـم بالضـد حيـل وحيلـه=حكـام بالبحريـن لهـم الهـواء زان
ومنـا مصـوت بالعشـاء كـل ليلـه=يزهم بعال الصوت لمن كـان جيعـان
اللـي يصـوت بالسنيـن الوخيـلـه=بيتـه ينـادي بالكـرم كـل الاحيـان
ومنا الدريعي يـوم يسحـب صقيلـه=سيفه يشيل الراس من فوق الامتـان
لعيـون حصـه مايمصـه نجيـلـه=ماعاد يتلى الخيل مهـرة ولاحصـان
ومنا عقـاب الخيـل مـرذا الاصيلـه=ومسكت الورع العجي وابـن هـزان
هزازنـه والمـدح فيـهـم نحيـلـه=ان جاء نهـار فيـه رجـف ورنـان
وجديـع ابـن هـذال مابـه جهيلـه=وساجر مسوي للنضا سبـت صفيـان
وبرجس غدير الموت حامي الدبيلـه=وابا الشيـوخ ليـا توشـح بشامـان
وكنعان يعجـب خفـرة ينتخـي لـه=وابن سمير اللي وراء ضلع حـوران
ومنا اخـو جحلـه فارسـا ينوحيلـه=تعرف ملا كيـده ليـا طـار الايقـان
والسيل يجري مـع مجـاري مسيلـه=وقولا بلا فعـلا طعـن فيـه مشعـان
وهـرج بـلا صـدق قليـل حصيلـه=والهرج ماقل دل وذكره قبـل راكـان
والهرج يكفـي عـن كثيـره قليلـه=ماقلـت زود فـي كلامـي ونقصـان [/poem]
[/align]
__________________
أنا عنزيه وافتخـــــر باصـل جــــدي =الاصل راس المــــال لو حظنـا مــــــــال
صحيح صدر الشمالي اوسع من الكون = بس انتبه لاضاق صدر الشمالي !!

التعديل الأخير تم بواسطة أبـــ بنت ـــوهـا ; 05-29-2008 الساعة 09:53 AM
بـــــدويه وافتخـــــر غير متواجد حالياً   رد مع اقتباس