ألبوم متميز ..
من تأليف الشاعر.. سلمان عودة العنزي..
اخترت لكم من هذا الالبوم ..
انشودة " ياصاحبي "
بصوت المنشد :: عبدالعزيزسلطان::
يا صاحبي لا تشكي الوقت و الحال
خل الذي في قلبك اليوم خافي..
ما كل حكيٍ ياابيض القلب ينقال
و لاكل عمرٍ من شقى الحال غافي..
رح و اشتكي للي له الكل رحال
وارفع كفوفك له ترى الله كافي ..
و اعرف ترى كلٍ من همومها شال
و لا عاد شفت اللي من الهم صافي..
ما انت الوحيد اللي شكى الوقت و الحال
و ما انت الوحيد اللي له الوقت جافي..
اكذب عليك ان قلتلك خالي البال
يامامشيت الدرب و النور طافي..
همي بقلبي يالخوي اتعب الحال
دمعي بعيني رقص اليوم قافي ..
انت الرفيق اللي بهالكون ما مال
لا ضاق صدري منهم القاك لافي..
ترى غلاك اليومْ ثابت و لا زال
و لا عاد ابي ربع القلوب المقافي..
خذني يمينك وابشر بذرب الأفعال
لأمشي معك لو وين كان انجرافي..
(( أقسم قسم انك على الرأس تنشال ))
خذ من قصيدي وشوف جل اعتراضي ..