[poem=font="Simplified Arabic,4,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black""]
يلااا انا وياك يانايف النمران = مشينا على اللي تو ركبت كفاراته

نبي ناخذ العده ونقنص الى الصمان = على بعيرن كانها القدر علباته

جبنا كفاراته جديده من اليابان = مضمونه عن البنشر ومعنا ضماناته

نحده مع اللفه مثل وارد الألمان = وتضرب على زور القعيد ركيباته

والياطردونا الشرطه وشغلو الونان = دعسناله البانزين ايلين منهاته

ونصينا النفود اللي تجي شرق من حلوان = ومن سرعته خطرن تفقع عويناته

يطير نفسه والدم ضاغط على الشريان = ومن الهوى قامت تصفط اذيناته

وانت انتبه رجليك لاتقرب الشكمان = وابعدعراقيبك لاتقرب قزوزاته

ونرقب على الطعس المشرف على الوديان = وبعيرنا يركد وتبرد عضيمااته

ونزين البراد ونزين الفنجان = وطش الشماغ وهات جزل الشعر هاته

[/poem]