بسم الله الرحمن الرحيم
هذه القصيده القيتها امام خادم الحرمين عندما كان وليا للعهد مع وفد من قبيلت النوامسه من عنزه عام 1425
ونشرت في ديوان تاج الشعر
[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
البداية في كلامي ذكر خلاق البريـه=خـالق الدنيا ومحصي كل من يمشي عليها
وبعد ذكره ياسلام الله على زبن الونيه=ابو متعب عــز من دورات وقته يشتكيها
يابو متعب شوفتك مطلوبنا واكبر هديـه=شوفتك تبري الجروح وتعمي اللي مايبيـها
اتقدم ماتنـدم والمشاعر وايليه=والبيوت الطيـبه ياسـيدي لك نبتديها
جيت اعبرعن ولآيـة واشرح ظروف جليه=طغمة الارهاب واصحاب الفتن تـبت يديــها
وش يقول الي يبي يفتح مجالات القضيه=عن عقول فكـرها المخـلوط للشـــر يهديـــها
اشهد ان الحق مايوزن بميزان الخطيـه=لكن الابصـار عميت والخـطا منـها وفيها
ديننا ضد التطرف والعقول الهامشيـة=عـالم بافكارها تخـدع وتخدع مــن يجيها
فجروا ما عبرو طـفلً قتل ماله دعيّه=والمصـاحف بالقنـابل بالمساجد تحتشيــها
وكفروا كل المشــايخ واعلنوها عالميــــه=واستحلوا حرمـــــة البيتــين واللي محتميـها
والبلد محــــكوم والمزعـــوم ماله قابليــــه=والاعـادي عـــن وطـــنا نحتديـــها نحتديــــها
لا للارهـــاب والتخريــــب لاللعنصريــــه=شعبـنا واحـد ودولـــتنا تحـارب معتديـها
كلنا ضد التطرف والجــهل والعنجهـــيه=ودارنـــا ياسيـدي وقـت الشــدايد نحتميـــها
هكذا واكتب من الافكار في ذوق ورويه=واسـرج خيول القصـايد بالحقـــائق وامتطيها
واتتبع صانع التاريخ في طــلعه بهيه=السيــاسة وســط راسه والمراجــــل مانسيـها
المليك ابن الامام ابو الشهامة والحميه=الحقوق الضـايعه بالســيف الامــلح مقتضيها
سيد ملوك العرب ماظنتي بالناس زيه=الخصـال الطيبه مــــن طيب سـاسه محتويــــــها
اعتزى عبدالعزيز وعزوته ماهي خفيه=قال هذا الجــيش والعـــدوان مــلزوم نغزيــها
العدد محدود لكن نارهم للخصم حـيه=صـفوة رجـال لياجـات اللـزوم تمتنيــها
لجل توحيد الجزيرة عقب ماكانت شقيه=وحــد اطراف البــلاد ورايتــــه كـلاً يبيــها
وحد اطراف البلاد وحامين حق الرعيه=سـاد في حـكمه وشــرع الله بعــقله مهتويـها
جعل قبره نور يوم العرض مع زمرة نبيه=يسـتظل بظل عرشـــــــه والمغـفره يرتديها
وبعدها سلم زمـام الحكم لرجـال قويـه=دامهـا الله للـبلد والله يرحـــم والديـــها
الاواليد الصنـاديد الاماجيد الأبــيه=تحــكم بشـرع العقيدة والحــكم منها واليها
سورنا بالمعضلات ونورنا بالخرمسيه=شجرة ال ســعود شجرة يحتــمي من لاذ فيها
اشهد ان الساس طيب مانهج يم الرديه=وابو فيصل طال عـــمره معتـــليها معتليها
للمواطن جنه خضراء وللاعداء شظيه=والحـــقائق يكتب التــــــاريخ عنها ويحكــــــيها
وساعده نادر حرارومن حرارصيرميه=ابومتــعب فوق ثياب المــروه مكتســيها
هيبته منهاالاعادي يضربون الجرهديه=العدو يعلن خضــوعه والمـوارد مـارويها
بالتواضع مضرب الامثال وكفوفه نديه=للكرسي هيـبة الحكــام وافضــــل من يجيـها
وابو خالدلاعطاء ماهوب منان العطيه=مارجـاء غير الاله ورحــــمة الله يرتجـــيها
قاد قوات الدفاع بعزم وبنفس جريه=قوه للممـلكة عن كــل طـامع نحتمـــيها
كلنا درع الوطن نموت عن دفع الاذيه=عند واجبنا نبيع ارواحـنا ما نشتريها
اول الميزان نصر وفرحه ونفس رضيه=واخر المـيزان فخر وكل فخــر يحتويها
نومسيً من عقب وايل والمشاعر وايليه=المشاعر سيدي تنبــــع ونفسـي تهتويــها
والختام المسك والريحان وهديك التحيه=والسـلام ورحمة الله عد من يمشـي عليها[/poem]
اخوكم الشاعر فرحان