لقيت النفس ماتسلى ولا تلقى لها عنوان
يالين الوقت يجمعنا ونكمل مابقى بديني

كبر همي مع سنيني وصارت للهموم الوان
وهذي نفسي الطفله تبي من هو يواسيني

مابي شكلن يهولني جمال الروح لي فتان
عيون الزين ماتغري اذا ما الصمت يحكيني

رماح الزين في عينه ابي تحمي لها انسان
تعب يطعن تعب يبكي وضاعت ماضي سنيني

ابي غفوة على صدرة تجمع لي بقايا أحزان
وتدبل مجمل افراحي عدد ماكان يبكيني

ابي يمينه تحت راسي يحن ويغري الولهان
ويتحايل على نفسي يبي بليلي يغفيني

ابي همي على همه وقلبه للوفاء عنوان
ابي لاطاحت الدمعه تجي يدينه توافيني

وابي منها لشرع الله توصف خيرة النسوان
ابي لغرقني الشيطان تجي يمي تعديني

وابي لازانت الدنيا تعاوني على الاثنان
على مالي وعلى عيالي حريصه ماتخليني

ولها مني مثل مابي وشوقي لحنه فنان
تعب يصرخ يبي يشكي ظلام الليل كاسيني

وهذا حكيي يايمه وكلامي يانظر لعيان
مثل هذي تجي والا اموت وناقصن ديني