والله اني على الاقراب دماح زله

والله اني على الاقراب دماح زله
مير بعض القرايب دعوتن يندعابه

كان بالناس عله هو ثمانين عله
بين كل الخلايق مال مثله مشابه

الصبر زين للرجال والامر لله
وكل ماطال صمتك زدت قدر ومهابه

من مشى بالهروج العوج يلقى محله
لين يبرك بليا عقال من حر مابه

خذ بعض هرجة الرجال والبعض خله
لو تزكي نصابه ماكمل في نصابه

ومن مشى بالدروب الغايمات المضله
لا خلص من اطلابه تعترض له اطلابه

اترك الناس يالمخلوق والفرض صله
والتقي قبل ذاك اليوم يحسب حسابه

فوق خضر الروابي غيمة(ن) مستهله
عمر ذيك الروابي من عيون السحابه

مساعدالمزعل اليمني العنزي

رد: والله اني على الاقراب دماح زله

من مشى بالهروج العوج يلقى محله
،،،،،،،،،،،،،،،،،،، لين يبرك بليا عقال من حر مابه

الشاعر الكبير مساعد صح لسانك
على القصيدة الجميلة ،،

لاهنت

تحياتي ،،،