الدمعه اللي تختفي في عين بانت وسط عين
ماشفت كيف الدمع بالنظره وسود اهدابها
دمعة فرح دمعة قهر دمعه على الخد الحزين
الله يعلم في شقاه ودمعته واسبابها
حسبه على جور الزمن والا على الردف السمين
اليا تحرك ردف قلت الردف طش حجابها
يبين يوم ويوم من بين الخلايق مايبين
والياظهر كل الخلايق صابها ماصابها
ياحلة الماضي على الحاضر على شوق وحنين
طيف الخيال اللي سبح بحر الاماني جابها
ذكرى مدونها على صمت الليالي والسنين
لو اسألتني عن عددها ماجهلت احسابها
صفحه على بسمة امل صفحه على شوق وحنين
طبع الليال اللي تجمعنا يطول اغيابها
وانا ابدوي ماني من اهل المدن والمتحضرين
طبع ابدوي حب البداوه ناسها وترابها
تاخذني الخطوه على المشراف من حينا الحين
في ساعة قبل ايتوازن ضلها بهضابها
ماني مدور غرة الاجواد ناسا غافلين
مير المشارف قبلنا ياكثر من غنا بها
ماتحسبه بالمشرقين وتفقده بالمغربين
وش الغريب ان كان مشرقها بثوب غيابها
غب البحور اللي غياهبها به الدر الثمين
الدر غالي والثمن معروف عند اصحابها
جانا المطر قلت الله اكرم من جميع العالمين
الله رحيم وكل خلقه عمها ماسابها
ياهاجس الاشعار انا وياك نمشي غامضين
اللي كتبها واللذي قبل الكتابه جابها

مساعد بن مزعل العنزي