يالداعشي / بقلمي

[poem=font="tahoma,5,darkred,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]

يالداعشي / بقلمي

يالداعشي اعلنت فعل الجريمه=واللي قتلته ياملعون الصلايب
ولد عمك يالسلتحي يالبهيمه=غدرت به واهفيت حق القرايب
الناس ضحت بالاضاحي وليمه=وانته ضحيت براس راع النجايب
خنت العهد والدين خيانه عظيمه=في ذمتي عقلك هاك اليوم غايب
يالداعشي منك النخاوي عديمه=ذبحت بن عمك بليا سبايب
قدمت راسه للبغدادي غنيمه=وعلى القبيله جبت كل المصايب
وابوك وامك سلموا للهزيمه=جازيتهم من عقب نفخ العلايب
الله بعونك يالقلوب الرحيمه=هذا زمان المعضلات العجايب
نم ياسند وسط الجنان ونعيمه=مع النبي وآل النبي والصحايب
امك تبي تجيك ماهي مقيمه=ابشر بها وابشر بكل الحبايب
دنياك هذي بالمصايب قديمه=كم واحدٍ مشى على غير طايب
وابشرك الداعشي في جحيمه=يمسي ويصبح بين حر اللهايب
نقولها لكل الدواعش حريمه=اذنابكم ماتهب فينا الهبايب
الشعب صاحي والحكومه حكيمه=من حارب الشجعان يلقى الحرايب
فينا الشجاعه والنوايا سليمه=عدونا ضرباتنا له عطايب
هذا حنا ياهل العقول السقيمه=ياقرد من دارت عليه الطلايب


نايف الشويب السليمي



[/poem]

رد: يالداعشي / بقلمي

يالداعشـي منـك النخـاوي عديمـه
،،،،،،،،،،،،،،،،،،،،،،،،،،،،،، ذبـحـت بــن عـمـك بـلـيـا سـبـايـب

صح لسانك ولاهنت عالقصيدة الجزلة

لاتحرمنا من إبداعاتك

تقبل تحياتي ..

رد: يالداعشي / بقلمي

يالداعشـي منـك النخـاوي عديمـه
،،،،،،،،،،،،،،،،،،،،،،،،،،،،،، ذبـحـت بــن عـمـك بـلـيـا سـبـايـب

صح لسانك ولاهنت عالقصيدة الجزلة

لاتحرمنا من إبداعاتك

تقبل تحياتي ..

صح بدنك ولاهنت /

تحياتي لمقام سموكم الكريم :

رد: يالداعشي / بقلمي

صح لسانك على النص الجميل
يعطيك العافيه
دمت بخير

رد: يالداعشي / بقلمي

صح لسانك على النص الجميل
يعطيك العافيه
دمت بخير

صح بدنك ولاهنتي /

تحياتي لك :

رد: يالداعشي / بقلمي

صح لسانك على جزالة ابياتك

رد: يالداعشي / بقلمي

صح لسانك شاعرنا نايف

وتسلم على النص المعبر والجميل

لك تقديري

رد: يالداعشي / بقلمي

صح لسانك شاعرنا نايف

وتسلم على النص المعبر والجميل

لك تقديري

صح بدنك ولو جت بعد انقطاعٍ طويل لاهنت /

تحياتي لمقام سموكم الكريم :