"اطرد خيال"
لاتنتظر مني رسايل ولا ردود
حتى غيابك يعتبر شي عادي
وما دام مالي في محبتك مردود
غير الجفا لا والله إلا البعادي
حب الشرف مافيه عيب ن ومنقود
لاصار كل ن في محبته بادي
وكان التفاهم بيننا صار مفقود
بلبس على ذكراك ثوب الحدادي
ادري بأن الحظ وياك مقرود
والمشكله ماهو بكثرة عنادي
المشكله مشاعر ك صابها برود
حتى بغيابي صرت رايق وهادي
وانا احترق والفكر سارح ومشدود
عزالله ان القلب تايه وغادي
تعبت وانا اطرد خيال ن بلا وجود
انا بوادي وانت عني بوادي
ابشر بفرقا والوعد جاك مشهود
لو كن تسكن في خفايا فؤادي
__________________
التعديل الأخير تم بواسطة رياح الوفاء ; 03-18-2015 الساعة 06:35 AM
|